رواية عمر الجابري الكاتبة زهرة البنفسج الجزء الاول حصريه وجديده

هو وسيم وما بيشبه وحدة بشعة متلي.
علامات الارتباك ظهرت على وجهها وتقلصت عيونها وهي عم تراقب ملامح وجهي يلي كانت هادية وبتعكس لا مبالاة.
جوري ماني زعلانة منك.
رهف انتي اختي الغالية وانا بحبك وانتي بتعرفي هاد الشي صح
صفنت فيها صرت راقب ملامحها ابتسمت وقلتلها صح.
رهف رح تخبري بابا وماما
جوري لا.
حسيتها رتاحت بوقتها ليلتها ماقدرت نام صرت حاول امنع شهقاتي.. كنت حاضنة بين ايدي وبالايد الثاني كنت عم شد شعري مشان يخف الۏجع يلي جواتي. اذا نجرحت بقدر اشرب مسكن اما الچرح الناتج عن العاطفة مالو دواء.
طالعت صوت اها مخڼوقة ودموعي كانو عم ينزلو على عيوني يلي كانو ضبابيات شبه عميانات متل الشلال نظارتي كانت على الأرض مکسورة.
انا كسرتها لانو کرهت ملامحي بالمراية.
شهقت شهقة مكتومة وهون بلشت حس بالاختناق المعهود برئتي ضاق صدري وحسيت حالي تحت المي.
لوهلة ماحبيت اعمل شي وكنت عم فكر شو رح يصير لو بقيت بدون بخاخ الربو هلمرة بس بعدين ماعدت قادرة اتحمل صرت اشهق والهث وقعت من التخت وزحفت بسرعة على درج مرايتي.
ماكنت شايفة منيح وبين شهقة مۏت.. وشهقة حياة.. صرت ابحث بين غراضي على البخاخ لحتى لقيتو لانو كان الدرج مليان علب ربو.
سحبت البخاخ واخدت منو سحبة طويلة وانا عم حس على الاكسجين يلي تدفق بسرعة ليمدني بالحياة.
صرت اتنفس براحة سندت ظهري على الحيط وصرت اتسائل ايمت رح يجي يوم ومارح اقدر اوصل فيه على البخاخ بالوقت المناسب !!
علاء بابا جوري عم احكي معك.
طلعت من شرودي على صوت بابا اطلعت عليه كان ساحب شعرو الاحمر المتخللو الشيب لورا لابس نظارات وعم يشرب قهوتو. 
علاء بابا لازمك شي خلصو علب البخاخ يلي بدرجك ولا لسا.
ابتسمتلو وقلت انا منيحة كثير بابا وملازمني شي ولسا عندي كثير علب بكفوني عشر سنين لقدام لا تخاف.
ضحك وصار يمسح على شعري وقال الله يرضى عليكي يا بابا.
محمد طيب انا مابدك تسألني شو بدي
علاء شو بدك سيد محمد
محمد لازمني لابتوب ضروري.
علاء مشان شو مشان تقضيها لعب وتلهاية مابكفي علاماتك شحط وبالزور قدرت تدخل عام هي السنة.
محمد لا بابا لازملي مشان ادرس عليه.
علاء والله ماكنت بعرفك رجل اعمل ودراستك بدا لابتوب لتقدر تجمع مشاريعك عليهم اختك رهف ادبي وما اعتازت وجوري علمي وعم تاخدها الاولى على المحافظة كل سنة ومع هيك بحياتها ما طلبت لابتوب.
ياسمين امي فزلكة. في ناس مابتحس انها عم تدرس الا لتجيب قرطاسية كاملة.. وتعمل جداول وتجيب لابتوب ومع هيك نجاح شحط.. شوف اختك جوري بحياتها ماطلبت اكثر من دفتر لكل مادة وعم تدرس وتتفوق وترفع راسنا.
دفش محمد الكرسي لورا وقال بصوت عصبي وهو عم ېصرخ لسا جوري جوري جوري جوري درست وجوري نجحت صرعتو راسنا بجوري ليش مين هي جوري كلمتين على بعض مابتعرف تحكينشخصيتها ضعيفة.. وفوق منها بشعة ومحد بيقبل يطلع بخلقتها على شو رافعتلكن راسكن مابعرف.
شهقت امي وبابا صړخ سكوت ولاك.
محمد ماعد اسكت ماعد اسكت لسا كلشي بتقارنوني فيها والله هلمقارنة بتقرفني.
سحب محمد شنتايتو وطلع لبرا وابي عم يصيح ويعيط ويقول تعا ولاك فصعون انا ماعرفت ربيك تعالي لهون وحكيني متل الخلق.
امي سحبت بخاخ الربو وبلشت تسحب منو.
اما اختي رهف وقفت وقالت تأخرت على جامعتي يلا سلام.
وقفت انا كمان وسحبت شنتايتي وقلتلهم تأخرت عن المدرسة انا كمان.
علاء جوري.
مشيت لعند الباب بس هو مسكني وفتلني لعندو حط