رواية عمر الجابري الكاتبة زهرة البنفسج الجزء الاول حصريه وجديده

لبسي تيابك وفطري.
شلت بخاخ الربو وقلتلها مابحسن اتغيب اليوم
ياسمين ولا بشكل من الاشكال.
جوري بصوت ضعيف طيب.
توجهت فورا على الطاولة وقعدت جنب اختي رهف يلي كانت عم تزبط مكياجها.
تاني اكثر شغلة بكرهها بالحياة بعد حضور المناسبات هي مدرستي مو لاني طالبة كسلانة لا انا كنت الاولى على صفي.
ولا بساعات الدوام الطويلة لا انا بحب كون لوحدي بعيد عن قرارات بابا وماما المفاجئة باني اركض مثلا فوق آلة الجري بغرفة الضيوف على اليمين او اني زور بيت جدي وصلن اكل وغيرها من الطلبات الغريبة الغبية.
كانو مفكرين انو بهلطريقة رح يعدلولي عاداتي السيئة من وجهة نظرن متل القراءة لمدى طويلة وانا متمددة على التخت بغرفتي او ممارسة طقوس التأمل يلي انا بعملها بعد ما اتمدد على الصوفى بغرفة القعدة على التلفزيون او كيف بدرس بصمت لساعات طويلة.
الصمت والعزلة يلي انا كنت فيها ويلي كنت فضلها من كل قلبي اهلي كانو يعتبروها غرابة اطوار ومشكلة نفسية.
لاني كنت مراهقة والمراهقة بهاد العمر وبهاد العصر لازم تصيح وتجاكر اهلها وتطلع من البيت كثير ويكون عندها اصدقاء تجيبن على البيت وتعمل حفلات صاخبة ومن هلحكي..لازم تمرد وماتدرس عشان يلعبو دور الاهل صح ويقعدو ينصحوهم ويخبروهم انو الدراسة اهم شي بحياتنوبعدين يمارسو عليهم عقوبات قاسېة متل انو مايطلعو من غرفهم لساعاتاو الحرمان من الطلعة برا البيت.
اما اهلي ماكانو مطرين يتجادلون معي حتى لانو كنت مطيعة و بنفذ كلشي بقلة كلام وحتى لو عاقبوني بحبسي بالغرفة او انو ما اطلع برا البيت هاد كان نعيم بالنسبة الي.
صمتي كان مخوفهم. وقلة حركتي كانو يعتبروها مرض.
لهيك كانو يحاولو يغيروا من هالعادات.
السبب بانو انا ماكنت متحمسة للمدرسة هاد العام بسبب شلة كوثر بحكيلكم عنها بعدين.
اخي محمد يلي هو هلق صف عاشر كان عم يلعب على جوالو وصارعنا وهاد تاني سبب كان يخليني اكره المدرسة هي السنة لانو انا ويا رح نكون بنفس المدرسة.
انا صرت بكالوريا هي السنة بكالوريا فرع العلمي.
انا واخي محمد مامنحب نكون مع بعض داخل المدرسة. متل ما كنت انا ورهف لما كنت عاشر.
اخواتي. رهف ومحمد كانو بيخجلو مني رهف بنت كثير حلوة وجذابة واجتماعية وكل رفقاتها بحيبوها مرة رحت على طاولتها بالكافيتيريا وقبل ماقرب سمعتها عم تقول مين قال انو جوري اختي!!
انت وياها نفس الكنية. بارودي.
رهف مليان بيت البارودي مو شرط تكون اختي.
صح وترى مابتشبهو بعض انت حلوة وهديك مچنونة.
رهف مچنونة
اي. بتبقى دائما لحالها قاعدة وبحياتها ماحكت مع حدا بحسها ممسوسة او مچنونة او في بعقلها شي 
رهف.....
ستي المهم انها مش اختك الكنية مو مهم.
ليكو المچنونة عم تطلع علينا شوفو وجهها مثل البومة ونظاراتها بيضحكو.
التقت عيني بعين اختي رهف صار وجهها شاحب ومصډوم.
انا التفتت وتركتها ومشيت بالبيت دخلت لعندي على الغرفة وانا كنت قاعدة عم ادرس.
رهف جوري.
جوري....
صارت تلعب بخصلات شعرها وقالتلي انا ماكان قصدي.
جوري رهف لا تبرري شي.
ماكنت عم اطلع عليها كنت عم اكتب وملتاشة بحل المعادلة.
رهف انا اسفة جوري انا اسفة كثير.
الټفت لعندها بالكرسي وتقابلت عيوننا كانت كثير متوترة وخيفانة من ردة فعلي تنهدت ومسحت وجهي وصرت فكر.
جوري لو كنت مكانك كنت عملت نفس الشي.
رهف كيف
جوري لاتخافي اخوكي محمد عملها فيني بالاعدادي السنة الماضية حكى لرفقاتو انو انا مش اختو وهو مابيعرفني ولما سألو عن الشبه بيناتنا تمسخر علي وقال انو