رواية عمر الجابري الكاتبة زهرة البنفسج الجزء الاول حصريه وجديده

ايدو على كتفي وقلي مع ملامحو الحنونة بابا لا تزعلي .. اخوكي ماكان قصدو يقول هيك.
امي كانت عم تاخد نفس كبير من بخاخها.
جوري مع ابتسامة انا ماني زعلانة بابا.
بسلي راسي وصار يتفحص ملامحي وانا كانت ملامحي هادية ومقنعة لدرجة كبيرة.
علاء بس يجي رح اعرف احكي معو.
جوري بابا بدي اطلب منك طلب.
علاء طلبي ياعيون بابا.
جوري رجاءا بابا لاعد تحكو هيك لمحمد مرة ثانية.. مابصير تقارنو فيني لكل واحد قدراتو الخاصة وامكانيتانو يلي بتختلف من شخص للتاني.. لهيك بليز اتركوه بحالو.
فجأة سحبتني امي لحضني وضمتني وقالتلي لايمت بدك تضلي هيك يا جوري لايمت بدك تضلي تسامحي اخواتك.
جوري هو ماحكى شي غلط.. لسامحو او لا.
تركتها وطلعت برا البيت ماكنت قدرانة ابقى لفترة اطول لاني كثير كنت مخڼوقة.. وصلت على الشارع سندت ظهري على الحيط.. ومسكت بجهة قلبي.
كنت عم انزف. بينما كل جسمي كان عم يوجعني الۏجع هاد مالو دوا ابدا.
بلشو دموعي ينزلو قعدت على الارض وصرت ابكي على الصامت 
رحت على المدرسة وكنت بعرف اني متأخرة واكيد رح اتعاقب من الموجه . بس اخدت كل وقتي وانا عم امشي على الرصيف.
لحتى وصلت على الباب الخلفي للمدرسة.
تجمدت بمكاني وقت شفتو كان متسند على الحيط 
شعرو اسود حليق طويل وعريض ولابس بنطلون اسود وبضي نفس اللون فوقو جاكيت جلد. و لف عيونو لعندي كانو سود فحميات متل ثقب اسود.
حسيت كاني عيونو كانو هيك كانت نظراتو قوية مخيفة مافيهم اي عاطفة اي تردد.
كان هاد ببساطة.
عمر الجابري.
دب فيني الړعب وحسيت بالمۏت واقف قدامي التفتت فورا لاهرب.
عمر وقفي عندك.
تجمدت الډم بعروقي وقفت متصلبة.
انا شو عملت بحالي! ليش صحلي شو عملتلو.
يلي بيمشي قدام عمر كانو عم يمشي قدام المۏت.
حسيت على خطواتو عم تمشي لعندي وقف جنبي وفجأة انحنى وعيون الثاقبة المخيفة عم تطلع علي بتركيز. انا بلشت اسعل. 
حط ايدو بجيابو وسألني وهو عم يطلع بوجهي متأخرة
جوري نعم اححح احححح
ماكنت عم استوعب شي.
عمر طالعي بخاخك بالاول.
سحبت البخاخ من شنتايتي وانا عم اسعل واخدت نفس منو
عمر انا كمان متأخر. 
قالها وبلش يفتل حوالي وهو عم يطلع على الطريقة يلي كنت منحنية فيها وعم حاول اسحب اكبر قدر من البخاخ.
كنت عم ركز على تنفسي وانا عم اسحب من البخاخ.
عمر الموجه بالجنينة حوالين المدرسة عم يتفتل وعم يلقط اي حدا متأخر وعم يقفو على الحيط.
كنت مستغربة وخيفانة لانو كان عم يحكي معي هاد عمر الصامت هيك لقبو لانو مابيحكي كثير وبارد اللغة الوحيدة يلي بيفهم فيها هي لغة الضړب.
عمر شب من عيلة غنية والكل بخاف منو بس دخل على مكان حتى نفس محد بيسترجي يتنفس لانو في مرة ضړب واحد لانو الوتيرة يلي عم يتنفس فيها كانت عم تزعجو.
بارد جدا ومحد بيعرف شو عم يفكر او شو هو مزاجو بالضبط. بكونو قاعد وفجأة بقرب على حدا وبيضربو لاسباب كثير تافهة مثل انو عم يكتب بصوت عالي او الضحكة اللي سمعها زاعجتو.
لهيك واقفة انا وكثير مړعوپة.
قرب على الحيط ومد ايدو يلي كان مشبكهم وقال تعي نطي على الحيط !
جوري ن نعم مافهمت.
عمر تعي نطي على الحيط مابدك تفوتي على المدرسة
جوري في باب الباب الخلفي.
لعنت حالي لأني كنت بتأتأ كثير انا بالعادة بتأتأ كثير لما بحكي مع حدا غريب.
بس هاد عمر. وانا كثير كنت مړعوپة.
قلب عيونو وقال مابدك تدخلي
جوري بدي.
عمر طلعي على ايدي