رواية عمر الجابري الكاتبة زهرة البنفسج الجزء الثاني حصريه وجديده

اخر من يدخل الصف واول من يطلع منو.
بس الكل استغرب لما تجاهل المقعد الاول الفاضي وتحرك بين الصفوق وكلما يمشي قدام طالب.. كان الطالب ينكمش بقعدتو ويسكت بفرد سكتة..
صار قريب مني وانا تجمدت صار جنبي وماعدت قادرة اتنفس.
معقول اجا ياخد الجاكيت معقول اجا يضربني!!
تخطاني..
اهتز مقعدي وقت ضړب برجلو كرسي الطالب القاعد وراي.
عمر قوم.
الطالب عفوا.
مسكت دفتري يلي كان رح يوقع بعد مارجع رفسلو المقعد يلي كان ملاصق لكرسي.
عمر بصوت هامس مرعب عم قلك قوم.
جمع الطالب كتبو بسرعة وهو عم يرجف وركض بسرعة ليقعد بالمقعد الاول.
سحب الكرسي وحسيت عليه عم يقعد وراي وانا جسمي كلو كان متشنج.
متأكدة انو حطني براسو وانا متأكدة انو السنة الاخيرة الي بالمدرسة رح تكون چحيم.
بقيت متوترة طول الوقت وعم اقرط باظافري ظهري كان منحني وبالايد التانية كنت عم انقل ورا الاستاذ.
رسفلي مقعدي شهقت وحطيت ايدي على قلبي.. سمعتو عم يقول وراي وهو عم يعلك بالعلكة عطيني ورقة وقلم مامعي.
بسرعة وبايدين متوترات بحبشت بشنتايتي وطالعت دفتر وقلم بايدين عم يرجفو التفتت وحطيتن على مقعد وقلتلو بصوت يادوب عم يطلع تفضل.
عمر شكرا والله.
جوري .
عمر دخلك. هلغبي شو عم يشرح بالله مو فاهم عليه حرف.
كنت مستغربة من عمر هي رابع سنة بعيد البكالوريا. مرتين ادبي ومرتين علمي. لما دخلت على هي الثانوية بالعاشر كان مشهور فيها والكل بخاف منو وانا قدرت وبقدرة قدير اني اختفي من نظرو سنتين كاملات بدون مايعرفني لانو هو مافي حدا بالمدرسة الا ومستلمو.
عمر او قلك. انت مابتفرقي عنو شي بما انك الاولى على المدرسة.
نعم يا سادة.
هاد هو السبب يلي رح يخلي واحد متل عمر يلاحظني.
الاستاذ ياطلاب البكالوريا سنة كثير مهمة هون هي نقطة الانطلاق للعالم الخارجيبكرة بتصيرو طلاب جامعة وبعدها تخصصوبعدها عضو مهم بالمجتمع.
كوثر وهي عم تاكل علكة مامي قالتلي انو عادي لو مانجحت بالباك لانو حتشغلني عندها بشركة تصميم الأزياءقالتلي الشغلة مهارة مو دراسة وبابي بدو يلاقيلي شغل بالوزارة اذا نجحت شحط عادي.
تجاهلها الأستاذ وكفى حكيو. بكرة بتصيرو دكاترة ومهندسين وبجوز تصيرو اساتذة متلي كمان.
طالب ايع. مين بدو يكون متلك.
واڼفجر الصف بالضحك وكل واحد صار يزت كلمة شكل ويتمسخر.. الاستاذ وجهو صار احمر بس الټفت على اللوح وكفى شرح لما بلش بمعادلة الفيزياء عدلت نظاراتي وصرت اكتب ورا وانا مركزة.
فجأة بحس على ايدين عم تلمس شعري من ورا. توسعت عيوني لما حسيت عليه عم يلف شعري حوالين اصبعو نزلت عيوني على الورقة وصرت اكتب وانا عم حاول بعد تركيزي عنو.
سمعتو عم ياخد نفس طويل وسمعتو عم يقول وصوتو كان قريب لانو راسو كان نايم على المقعد ريحتك كثير حلوة.
رن الجرس وانا شهقت من الصدمة.
وقفت وكل الصف الټفت علي خجلت كثير.
الله ياخدك يا عمر.
لمېت كل غراضي