رواية عمر الجابري الكاتبة زهرة البنفسج الجزء الثاني حصريه وجديده
الشغلة بكرة بيتهمني بالسړقة ويخليني عبدة تحت رجليه كرمال يسامحني.
لانو هو قلبو طيب طبعا.
حملت شنتايتي على ظهري والجاكيت بين ايدي ورحت لدور عليه.
وانا ماشية بالجنينة شفتو كان طالع من مبنى المدرسة وحواليه حراسه الشخصيين وكان مبين عليه كثير معصب.
كانت في سيارة سودا عم تستناه والطلاب مجتمعين وعم يتهامسو.
سمعت انو واقع بمشكلة كبيرة.
شوفي!
ماهو دائما واقع بمشكلة كبيرة وين الجديد بالموضوع.
سمعت انو خالتو مرة ابو مشتكية عليه.
حارسو الشخصي فتحلو باب السيارة دخل وهو رافع مناخيرو وقلب عيونو وقت شلح الحارس جاكيتو وعطا ياه. لانو ببساطة جاكيت عمر كان بين ايدي.
استجمعت شجاعتي وقربت من السيارة وقلت ال ال الجاكيت. جب تلك ياه.
عمر شو عم تستنى تحرك.
الشوفير امرك.
انطلقت السيارة وطلعت برات المدرسة.
وانا ماسكة جاكيت عمر بين ايدي.. ماني مهتمة انو تجاهلني.
بس !!!
طيب والجاكيت!!!!
دفشتني على الحيط وانا تأوهت بسبب عزم الدفشة.
مسكتني من شعري وسحبتني لعندها وانا بلش جسمي يرجف.
كوثر انا شو حكيت معك ولي. بتخليني انا كوثر افتل الدنيا عليك يا بشعة. يا علقة.
جوري ش شو بدك مني!!
كوثر ش ش ش شو لك كلمتين مابتعرفي تجمعين
انفجىو رفقاتها وصارو يضحكو.
دفشتني من شعري وانا تفشكلت و وقعت على الارض قرفصت قدامي وقالتلي امي بلشت تلاحظ علاماتي صح هي مو طالبة مني انجح بس علاماتي خلال السنة الدراسية مهم تكون عالية كرمال تتفاخر امي فيني قدام رفقاتها.
عدلت نظاراتي.
كوثر لهيك يا اينشتاين رح تبلشي تكتبيلي وظايفي من يوم ورايح. فهمانة!!
جوري ف فهمت.
كوثر برابو شاطرة انت وبتفهمي مصلحتك لاني اذا حطيتك براسي يا جوري رح خلي حياتك چحيم.
صارت تضحك ضحكو معها البنات وطلعو من الصف يلي حشروني فيه.
خير.
احسن من الحمامات.
عدلت نظاراتي وقفت وجمعت اغراضي يلي نكتوهم على الارض.
ورحت على المكتبة. قعدت بزاوية منعزلة وطالعت الكتب لكمل دراسة العلوم يلي اخدنا حصتها قبل شوي.
فجأة بحس على كرسي عم ينسحب جنبي وعلى حدا عم يقعد.
اڼصدمت وقت شفت معتصم قاعد جنبي رمشت.
اكيد انا عم احلم.
معتصم اي.. كيفك.
جوري عفوا ع عم تحكي.. م معي!!
معتصم في حدا غيرك هون!
تمسخر علي وبلش يتلفت هاد شو بدو كمان!
اليوم نبذة عن الحياة القاسېة يلي رح عيشها هي السنة كوثر وعمر ومعتصم بيوم واحد.
معتصم مابيفرق شي عن عمر. غير انو كلامو معسول شوي وبيعرف يحبب الناس فيه بس غير هيك هو عصبي ومشكلجي وبحب يستلم الطلاب ويعمل من حياتهم المدرسية لعبة بين ايديه.
وكمان رسبان اربع سنين بالبكالوريا.
طالع سيكارة. وبلش ينفخ الدخان من تمو وانا بس وصلتني الريحة بلشت اسعل طالعت بخاخي وبلشت اخد نفس ورا التاني.
وهو عمل حالو مو شايف وكفى تدخين.
جوري س سيد معتصم انت.. شو شو بدك مني اححح اححح
اخدت نفس طويل من بخاخي.
وهو اخد نفس من سيكارتو وقال بدي انجح هي السنة.
وبدي مساعدتك.
توسعت عيوني. ونسيت اتنفس و لما بلشت اختنق تذكرت انو في بين ايدي بخاخ اسرعت واخدت نفس.
جوري بشو فيني ساعدك
معتصم بدي ياك تعطيني دروس خصوصي.
جوري انا!!
معتصم اي انت. مو انت اشطر طالبة عنا بالمدرسة.
جوري بس انا مارح اقدر.
معتصم بعصبية نعم!! شو يعني مابدك!!
كثير خفت منو وهو وقف ودفش الكرسي لورا وقال مابدك مو اقسم بالله لحول حياتك لچحيم وخليكي تبكي وانتي راكعة بين رجلي.
فزعت وطار عقلي من مكانو.
جوري لا لا ماكان هيك قصدي انت فهمتني غلط.
معتصم شو كان قصدك لكن.
جوري بس استنى شوي خليني اشرحلك انا قصدي انو في اساتذة وانسات احسن مني بكثير وانا مارح كون قد المهمة.
معتصم يعني مابدك!!!
جوري روق روق بدي بدي بس!!
معتصم بس شو!!
جوري وعدني ما اتدخن وقت تتواجد معي انا معي ربو وبختنق من ريحة الدخان.
شال علبة باكيت الدخان وقالي مع غمزة مو تكرم عيونك.
وشلف العلبة بالسلة سحب الكرسي وقعد جنبي وانا تلبكت لما صرت انا ويا كتف بكتف.
ابتسملي وقال شكرا الك ست جوري انا ضروري انجح هي السنة.
بادلتو الابتسام وانا من جواتي عم اصړخ.
بدي درس معتصم واكتب الوظايف لكوثر والله لعليم عمر شو بدو يعمل فيني.
الله يعيني لبين ما اتخرج واطلع من هلمدرسة.
يتبع
