رواية چريمه إسمها زواج الفصل الثالث بقلم نسرين بلعجيلي حصريه وجديده

على طول عامل فضايح فينا وفي نفسك.
عمر  
عارف الفرق بيني وبينك إيه يا رحيم؟؟
رحيم بقلة صبر مسك في شعره جامد.
رحيم  
قول.
عمر 
إن أنا مهما كنت صغير وطائش زي ما بتقول، بس عندي شخصية غيرك وغير حسام، إنتوا ماشيين على خطى شويكار هانم، هي اللي تقرر تلبسوا إيه وتعملوا إيه وتتجوزوا مين. إنتوا مجرد شخصيات هي بتحركها زي ما هي عايزة، أما أنا، لأ.
نسرين بلعجيلي 
رحيم  
إيه اللي إنت بتقوله ده؟ فيه حد يتكلم عن أمه كده؟؟ وبعدين دي شخصية مرموقة وناجحة وعارفة مصلحتنا فين.
عمر  
أيوه هو إنت هتقولي على سليلة الأتراك؟ لا، هي عارفة مصلحتها فين ومش مصلحتكم، إزاي يا راجل حتى شريكة حياتك مش عارف تختارها زي ما إنت عايز، فاكر حبيبة قلبك اللي كنت بټموت فيها وشويكار هانم ما وافقتش لأنها فقيرة وغلبانة، مافيش مصلحة فيها، لا دي كمان شجعتك إنك تتجوزها عرفي لحدما تشبع منها وتطلقها. سبحان الله، هي دي الأخلاق والتربية.
رحيم  
إيه اللي جاب السيرة دي دلوقت؟
عمر  
معلش أنا آسف إني فتحت چرح قديم بيوجعك، حتى مراتك الله يرحمها ما اخترتهاش، وأنا عارف إنك مش عايز تتجوز لأن ببساطة مش عايز تعيش نفس التجربة. شويكار هانم مش هتديك فرصة تختار اللي إنت عايزها.
رحيم اتوتر من الكلام.
رحيم  
سيبك مني أنا وخلينا فيك، اللي بتعمله ده غلط.
عمر  
عارف إنه غلط وعاجبني.
رحيم  
إنت كده بټأذي نفسك.
عمر  
معلش، المهم أطلع من الحكم بتاعكم.
رحيم  
إنت ليه شايفنا أشرار كده؟
عمر  
لأن دي الحقيقة اللي مش عايزين تعترفوا بيها. أنا على الأقل إنسان صادق مع نفسي ومع الناس اللي حوليا، أما إنتم كلكم تمثيل في تمثيل.
رحيم  
ماشي يا سيدي إحنا وحشين، إنت بقى هتفضل كده صايع من كباريه لكباريه، ومن مصېبة لمصېبة؟ أنا تعبت اجري من وراك.
عمر قعد على الكنبة.
عمر  
أنا كمان مش مرتاح، مش عارف، فيه حاجة ناقصاني مش عارف هي إيه. أنا لحد دلوقتي تعبان والله يا رحيم، أنا مش سعيد في حياتي.
رحيم  
يا عمر شوف إنت فين وعندك إيه وأهلك مين، وشوف الناس الثانية عاملة إزاي. شُفت اللي كانوا بره على الباب؟ شُفت البنت لابسة إيه وبتتكلم إزاي؟ ولا الراجل اللي كان واقف شكله پيخوف إزاي؟ يا عمر إصحى لنفسك، عايز تكسر قوانين شويكار بس بالعقل، مش بالحاجات اللي بتعملها دي، إنت بټأذي نفسك وبتأذينا معاك، سمعتنا بسببك بقت في الأرض. أرجوك يا عمر فكر في كلامي.
وطلع وسابه.
في نفس الوقت كانت سلمى طالعة بټعيط وبتجري على السلم.
سلمى  
منك لله يا خالد، حسبي الله ونعم الوكيل فيك.
رحيم إستغرب المنظر، لبس نظارته وفتح الأسانسير.
بوسي 
إيه اللي إنت عملته ده؟
خالد  
عملت إيه؟ إنت كمان، دي سبوبة وجات لحد عندنا.
بوسي  
سبوبة؟ يا لهوي يا لهوي، إنت عملت