رواية ورود ذابلة بقلم شفق الغروب حصريه وجديده وكامله جميع الفصول

الحضانة وهي كانت كل يوم بتروح تطمن عليه في اليوم الي المفروض يخرج فيه ابوه جهز العقيقة بتعتو و ورد كانت عوزاه تروح بنفسها بس عمي موفقش انها تروح وقال ليها انو هيجيبوا ليها وان رحتها ملهاش لازمه وفعلا راحوا ورجعو كان عمي أيوب الي هو جوز ورد هو الي شيلو واول ما دخل راح عند جدي وعطهولو ورد علي طول جريت عند جدي تبص علي ابنها جدي عطاه لورد ورد شالتو وعينها مليانة دموع فرحة سعتها ابويا راح عند عمي وسألو هتسمية ايه سعتها هو بص علي ابنو الي في حضڼ ممتوا ونزل عند ورد 
وسألها عوزاه تسميه ايه 
قالت الي تختارو انا موفقة عليه
قال هسمية فهد
قالت وانا موفقة
ابويا كان بيقول ان سبب تسميته عمي لفهد علي اسم صاحب عمرو الي اتوفا وهو بيدافع عن عمي في خڼاقه كان بيقول انو شافوا بېموت قدام عنيه
وتعدي تلت سنين وطبعا كانو مذدهرين بالمواليد الجديدة وبعد التلت سنين امي تحمل تاني كانت حامل في بنت الي هي انا اخر العنقود سوء في عيلتنا او في اهل ابويا واخواتو 
ورد لما عرفت انها بنت طارت من الفرح
كان أبويا بيقول لورد انتي مستنياها اكتر مننا كلنا ويوم الولاده اول وحدة شالتني كانت ورد سعتها ورد جابت ابنها الي عندو تلت سنين وورتو البيبي ممتي بتقول ورد فضلت شيلاني وبتلف بيا علي واحد واحد كانت طيرة بيا وراحت عند عمي وشيلتني ليه وهو شالني وكان باصص عليا بتأمل ورد كانت لسه هتخدني منوا بس هو رفض وقال شلتيها سبيها مع عمها شوية 
قالت انا الي اخدتها الاول متبقاش اناني
ممتي نادت علي ورد وسألتها حبتيها !!!!
قالت عشقتها 
امي بصتلها وابتسمت وقالت لورد ايه رأيك انتي الي تسميها ورد بصت ليها پصدمة وقالت بتتكلمي بجد ولا بتهزري!!!!
ابويا رد وقال والله بجد هتهزر ليه وقال ليها عوزين اسم حلو زيك كده يا ورد
ورد اعدت كده تفكر وسألت ابويا وامي ممكن اسميها علي اسم امي الله يرحمها 
ممتي قالت اللي تحبيه احنا رضيين بيه 
هي راحت اخدتني من عمي وأعدت 
وقالت هسميها نسب 
ابويا قال يبقي نسب انا عجبني الاسم
وممتي قالت وانا كمان حبيت الاسم
وتعدي السنين ٦سنين
رواية ورود ذابلة 
الفصل الثاني 
وتعدي السنين ٦سنين 
ورد كانت ديما بتلعب معايا وكنت مدلعه من كل النواحي اخر عنقود اهل ابويا مكنش في حد يقدر يزعلني حتي جدي كنت مدلعه عندو بس مش اكتر من فهد الي كان خط أحمر عند جدي وعمي لسه زي ما هو حياتو عيشها غلط ومع كل الي بيعملو كنت بحبوا اكتر واحد من عمامي كنت ديما بروح اعد معاه واتكلم معاه كان كل العيال بيقولو عمو أيوب الا انا بقولو يا أيوب حاف من غير عمي كنت لما اقولو كده يقلي عيون أيوب ورد كانت قريبه مني جدا كان كل الولاد والبنات بيروحوا عند محفظة علشان يحفظو ويختمو المصحف الا فهد لان ورد هي الي كانت بتحفظو انا رحت معاهم مرتين وزهقت وموفقتش اروح تاني سعتها ورد جت عندي وقالت ليا ايه رأيك تيجي احفظك مع فهد انا مرفضتش لاني كنت بحب ورد وخلاص ورد بقت بتحفظني يوميا مع فهد 
فهد كان ديما ساكت بيحب يقرأ كان ديما كلهم يحلفو بأخلاقو ويقولولي عقبال ما تبقي هديه زي فهد...ني ني ني 
فهد كان صديقي المفضل كنت بحب اعد معاه واتكلم او انو يكلمني عن كتاب قرأو فهد كان ديما بيعملي حركه اتعودت عليها انا شعري ناعم ومفرود كان في ديما خصلة بتطلع من مكنها خصلة من اليمين في شعري من قدام كان ديما لما يشفها يشدها براحة ويلفها علي سببتوا ويرجعها ورا ودني كان ديما بيعملها مش هو بس هو و أيوب مع أن أيوب عمرو ما شاف فهد بيعملهالي ولا فهد شاف أيوب بس ذالك الشبل من هذا الأسد وانا اتعودت علي الحركه دي وبقيت ديما بعملها مرة كان أيوب اعد لوحدو بره رحت عندوا كان بيشرب سجارة ولما شفني جيت طفها وشلني انا سعتها سألتو 
ليه يا أيوب بتشرب دي ماما قالت إنها وحشه
رد وقالي علشان مش فرقه يا عيون أيوب
ازاي 
يعني في حجات كتير وحشه بعملها لو بطلت دي في حاجات كتير وحشه مش هعرف ابطالها
بصتلو بتفهم وقلت بس ورد بتقول ان الإنسان بإيدو يغير كل حاجة وحشة ويخليها حلوة بعدها بصلي وغير الموضوع 
وقال مش المفروض تبقي نيمة دلوقتي 
أيوب مش عيزا انام
مينفعش يا عيون أيوب
بعدت عنو وقلت قوم امشي سبني لوحدي يا أيوب
سألني ليه بقي عوزاه تقعدي لوحدك 
الحياة كلها صعوبات يا أيوب
انا اسف علي التدخل بس يا ست سنين انتي صعوبات ايه الي بتتكلمي عليها 
صعوبات كتير وعيزني اسبها واروح انام
اه دي حجة علشان متنميش
حجة مكنش ده العشم فيك يا أيوب
قام وشلني وقال وهو بيمشي بيا الصعوبات كلها هتنسيها لما تنامي وطلعني اوضتي وقبل ما يمشي قولتلو الحدوتة 
مبتزهقيش منها
لا احكي يا أيوب ياما مش هنام 
طيب يا عيون أيوب
كان في قصة ديما بيحكيها ليا وانا كل مرة بسمعها كأني بسمعها لأول مرة مكنتش بفهمها كلها بس لما كبرت فهمت كل كلمة خلص الحدوتة وقالي خلصت الحدوتة حلوة ولا ملتوتة 
رديت رد كل مره حلوة 
وجت فقرة الأسئلة بتاعت كل مره وجاوب بنفس الاجبات بتاعت كل مرة وقام علشان يمشي قلتلو وانا بحاول اقوم النوم أيوب انتي بتحب ابنك فهد
ابني اكيد بحبوا
أنت مش بتلعب معاه ولا بتكلموا ازاي بتحبوا
مش لازم لما نحب حد نسبتلوا او نعمل حاجه تبين ليه اننا بنحبو وانا قلبي في فهد وممكن اضحي بعمري كلو لعيون فهد بس فهد هو الي بعيد ومهما حاولت اوصل ليه هو بيبعد عني ويروح لورد 
يعني بتحب فهد
ايوه طبعا....ويلا نامي قال كده و مشي وانا نمت
في مرة فهد واخواتي الولاد وعيال عمامي كانو بيلعبوا في الشارع كوره انا كنت لما اشوف الكورة عيوني تطلع قلوب لما لقيتهم بيلعبوا طلعت علشان اللعب معاهم واول ما طلعت دخلوني وقالوا مينفعش تلعبي معنا بصيت علي فهد
قالي معاهم حق ازاي تلعبي في الشارع بعدين في ولاد كتير بره انتي هتطلعي تعملي ايه
ومشيو وسبوني كان لازم انتقم منهم رحت عند البلكونه بتاعت الدور الأول ومليت جردل ميه وأعدت مستنياهم لما يجيو يخشوا واول ما دخلو علي طول كبتها عليهم من فوق وكنت كبة علي الارض من سائل غسيل الأطباق في الارض علشان لما يمشو عليه وهما مبلولين يتزحلقو انا كبيت المية ونزلت علشان استخبي عند جدو بس نزلت لقيتهم اعدين عادي وهدومهم نشفة انا استغربت معقول لحقو يغيرو هدومهم بس قطع تفكيري لما شفت بابا 
و عمامي دخلين غرقنين مية انا بدل ما اكب عليهم كبيت علي ابويا وعمامي لقيتهم بيزعقوا وبيقولو مين الي كب مية من فوق
انا اروح فين بعد هذه الچريمة مليش غير جدو 
تعالو وانا اقولكم مين الي عمل فيكم كده 
رحت في الجنينه كان جدو اعد هو وايوب اول ما شفت جدو جريت عليه وقولتلو الحقني عيزين يموتني
ابويا لما شفني استخبيت عند جدي 
قال هو انتي يا شبر ونص بصيت علي جدو وقلت مكنش قصدي يا جدو 
قال خلاص يا قلب جدك انتي تعملي الي عوزاه
كان مين مېت علي نفسو من الضحك أيوب كان بيقولهم الست سنين عملت فيكم كده عيب عليكم انا بصيت لايوب الي بيسخنهم عليا وقلت باعتراض أيوب !!!!!!!
معلش يا عيون أيوب بس انتي ليه عملتي فيهم كده 
مكنش قصدي... انا كان قصدي عيلهم وابنك برضو علشان ضيقوني بس جت فيهم يلا مش مهم فداية
أيوب قال طبعا فداكي يا عيوني
جدو بصلهم وقال خلاص هتعملوا عقلكم بعقلها 
عده الموضوع بفضل جدوا وايوب كنت كتير بشوف ورد بټعيط كنت بروح عندها واسألها بټعيط ليه كانت تقولي مفيش بس انا مع اني كنت طفلة بس كنت بسمعهم بيتكلموا ان عمي أيوب بيضرب ورد وانو معيشها في چحيم علشان كده فهد كان بعيد عنو هو عمرو ما ضړب فهد بس فهد متعلق بورد فا لما كان يشوف ابوه يمد ايدو علي ورد كانت بتتزرع جوه قلبو بزره كره لأيوب كنت بسمعهم بيتكلموا انو لازم يبطل تعاطي للممنوعات كانت صرتو تبان وحشه بس عقلي كان رافض الموضوع وشايف أيوب طيب زي ورد بالضبط عدت السنين لحد ما وصلت ١٢سنة وفهد كان عندو ١٥سنة في السنة دي عمي اټخانق مع اهلو بسبب طريقتوا مع ورد وفي وقت ڠضب علا لأول مرة صوتوا علي ابوه ابويا لما شاف صوتوا علا نزل علي وش أيوب بقلم وقالو متنساش انك وقف قدام ابوك وإياك تنسي انك من غيرنا ولا حاجه شكل المخډرات والخمړة اكلت دماغك 
معاك حق اكلت دماغي ونسيت ان لحم كتافي من خيركم كتر خيركم لحد هنا نفترق وكل واحد مننا من سكة
ابويا قال فاكر هتلوي درعنا او هنمسك فيك رواح مكان متروح ايوب قال انو هياخد مراتو وابنو وهيسافر
جدو رفض وقالو عايز تسافر امشي لوحدك مراتك وابنك يفضلو هنا انا مطمنش عليهم معاك انت ممكن تموتهم في وقت تكون فيه مش في وعيك جدو كان فاكر انو لو رفض يخلية ياخذ فهد وورد هيتغير رأيو بس عمي قال الموضوع يخصني انا ومراتي ومحدش يتدخل راح عند ورد وقال هتقعدي معاهم ولا هتسفري معايا بس خليكي عرفه انك لو هتقعدي تبقي طالق 
ابويا قالو انتي بتبتزها علشان تروح معاك 
أيوب قال لا بس مش انا الي هسيب مراتي وابني ورا ضهري لو اختارت هنا يبقي اختارت الفراق 
ورد قالت إنها عوزاه تسافر مع جوزها 
أيوب سعتها قال لي ورد حضري حاجاتك انتي وابنك علشان نمشي وطلع وساب المجلس انا لما سمعت ان أيوب وورد وفهد مشين حسيت بكسره انا مش عيزاهم يمشوا عيزاهم يفضلو معايا طلعت عند فهد وانا مڼهارة من العياط خبطت ولما فتح وشفني اتخض ودخلني واعد يهديني ويسألني مالك ردي انا كنت مش قدرة اخد نفسي من العياط هو فضل يهدي فيا ولما هديت شوية
سألني مالك يا نسب
انتو بجد مشين 
انتي بټعيطي وزعلانة علشان كده
هزيت راسي وقلتلو متمشوش انا عيزاكم معايا 
انتي شيفه ان فيه حاجه بإيدي اعملها
متسفرش لانت ولا ورد 
وايوب الي بينا او من