رواية ورود ذابلة بقلم شفق الغروب حصريه وجديده وكامله جميع الفصول

لقيتهم اعدين عادي وهدومهم نشفة انا استغربت معقول لحقو يغيرو هدومهم بس قطع تفكيري لما شفت بابا 
و عمامي دخلين غرقنين مية انا بدل ما اكب عليهم كبيت علي ابويا وعمامي لقيتهم بيزعقوا وبيقولو مين الي كب مية من فوق
انا اروح فين بعد هذه الچريمة مليش غير جدو 
تعالو وانا اقولكم مين الي عمل فيكم كده 
رحت في الجنينه كان جدو اعد هو وايوب اول ما شفت جدو جريت عليه وقولتلو الحقني عيزين يموتني
ابويا لما شفني استخبيت عند جدي 
قال هو انتي يا شبر ونص بصيت علي جدو وقلت مكنش قصدي يا جدو 
قال خلاص يا قلب جدك انتي تعملي الي عوزاه
كان مين مېت علي نفسو من الضحك أيوب كان بيقولهم الست سنين عملت فيكم كده عيب عليكم انا بصيت لايوب الي بيسخنهم عليا وقلت باعتراض أيوب !!!!!!!
معلش يا عيون أيوب بس انتي ليه عملتي فيهم كده 
مكنش قصدي... انا كان قصدي عيلهم وابنك برضو علشان ضيقوني بس جت فيهم يلا مش مهم فداية
أيوب قال طبعا فداكي يا عيوني
جدو بصلهم وقال خلاص هتعملوا عقلكم بعقلها 
عده الموضوع بفضل جدوا وايوب كنت كتير بشوف ورد بټعيط كنت بروح عندها واسألها بټعيط ليه كانت تقولي مفيش بس انا مع اني كنت طفلة بس كنت بسمعهم بيتكلموا ان عمي أيوب بيضرب ورد وانو معيشها في چحيم علشان كده فهد كان بعيد عنو هو عمرو ما ضړب فهد بس فهد متعلق بورد فا لما كان يشوف ابوه يمد ايدو علي ورد كانت بتتزرع جوه قلبو بزره كره لأيوب كنت بسمعهم بيتكلموا انو لازم يبطل تعاطي للممنوعات كانت صرتو تبان وحشه بس عقلي كان رافض الموضوع وشايف أيوب طيب زي ورد بالضبط عدت السنين لحد ما وصلت ١٢سنة وفهد كان عندو ١٥سنة في السنة دي عمي اټخانق مع اهلو بسبب طريقتوا مع ورد وفي وقت ڠضب علا لأول مرة صوتوا علي ابوه ابويا لما شاف صوتوا علا نزل علي وش أيوب بقلم وقالو متنساش انك وقف قدام ابوك وإياك تنسي انك من غيرنا ولا حاجه شكل المخډرات والخمړة اكلت دماغك 
معاك حق اكلت دماغي ونسيت ان لحم كتافي من خيركم كتر خيركم لحد هنا نفترق وكل واحد مننا من سكة
ابويا قال فاكر هتلوي درعنا او هنمسك فيك رواح مكان متروح ايوب قال انو هياخد مراتو وابنو وهيسافر
جدو رفض وقالو عايز تسافر امشي لوحدك مراتك وابنك يفضلو هنا انا مطمنش عليهم معاك انت ممكن تموتهم في وقت تكون فيه مش في وعيك جدو كان فاكر انو لو رفض يخلية ياخذ فهد وورد هيتغير رأيو بس عمي قال الموضوع يخصني انا ومراتي ومحدش يتدخل راح عند ورد وقال هتقعدي معاهم ولا هتسفري معايا بس خليكي عرفه انك لو هتقعدي تبقي طالق 
ابويا قالو انتي بتبتزها علشان تروح معاك 
أيوب قال لا بس مش انا الي هسيب مراتي وابني ورا ضهري لو اختارت هنا يبقي اختارت الفراق 
ورد قالت إنها عوزاه تسافر مع جوزها 
أيوب سعتها قال لي ورد حضري حاجاتك انتي وابنك علشان نمشي وطلع وساب المجلس انا لما سمعت ان أيوب وورد وفهد مشين حسيت بكسره انا مش عيزاهم يمشوا عيزاهم يفضلو معايا طلعت عند فهد وانا مڼهارة من العياط خبطت ولما فتح وشفني اتخض ودخلني واعد يهديني ويسألني مالك ردي انا كنت مش قدرة اخد نفسي من العياط هو فضل يهدي فيا ولما هديت شوية
سألني مالك يا نسب
انتو بجد مشين 
انتي بټعيطي وزعلانة علشان كده
هزيت راسي وقلتلو متمشوش انا عيزاكم معايا 
انتي شيفه ان فيه حاجه بإيدي اعملها
متسفرش لانت ولا ورد 
وايوب الي بينا او من غيرنا ماشي يرضيكي نسيبوا لوحد
وانت يرضيك تسبوني لوحدي 
مين قال انك لوحدك لو علي أيوب عندك تلت أعمام تاني وعندك عيال عمانك والبنات يعني مش هتكوني لوحدك
بس انا عيزاكم
وانا اوعدك اني هرجع بس دلوقتي مفيش قدامي حل غير السفر علشان أيوب ميكنش لوحدو ولا انتي مش بتحبي أيوب وعيزاه يفضل لوحدو 
سكتت علشان معرفتش ارد هو عمل حركتو المعتاده كانت الخصلة نفسها نزلة علي وشي هو شدها براحة ولفها علي سببتوا ورجعها ورا ودني وقال 
متزعليش كل حاجة بتحصل خير
بصيت في عيونوا وقولتلو خير 
قالي عسي ان تكرهوا شيئا وهو خيرا لكم وعسي ان تحبوا شيئا وهو شړا لكم والله يعلم وانتم لا تعلمون صدق الله العظيم 
سكتت لانو كان معاه حق قومت علشان امشي لما وقفت ومشيت كام خطوه لقيتوا مسك ايدي وسحبني في حضنوا وقال هتوحشيني يا نسب......
كنت متجمدة في مكاني من الصدمة حسيت جسمي سبت ومش عارف يبعدو او يزقوا لقيتوا بعد عني سمعت صوت ورد الي كانت وقفه عند الباب الي سبتو مفتوح لما دخلت بتقول لابنها
إياك تقرب من بنتي تاني بالشكل ده انت ازاي عملت كده وانتي عارف انو حرام بتستغل ضعفها 
بعدها مسكتني من ايدي واخدتني معاها ونزلنا تحت في الجنينه بتاعت البيت واعدتني وقالت انتي ازاي تسبية يقرب منك كده ...ليه مبعتيهوش عنك 
قولتلها بالي حسيت بيه قلت
حسيت جسمي سبت ومكنش راضي يتحرك حسيت اني ضعفت فجأة ومعنديش طاقة ابعدو عني اتجمدت في مكاني حسيت جسمي تقل معرفش ليه يا ورد اكيد مكنتش بأبي معرفش اه الي حصل سعتها فيا
دي رده فعل من الجهاز العصبي علشان متعرضتيش لحاجه زي كده او لان محدش قالك ازاي تتعاملي مع حاجه زي كده وفهد كان عارف كده واستغل ضعفك 
انتو خلاص مشين 
انتي بتغيري الموضوع 
ورد انتي الي بتغيري الموضوع.... وقبل ما اكمل كلامي كان فهد جه عند ورد وقال ليها انا اسف انا غلطت متزعليش مني يا ورد قلبي
ورد بتعتزرلي انا اعتزر ليه هي
بص ليا وقال هي سهله هي اصلا سهلت الإقناع اهم حاجه ورد ورد قالت ورد دلوقتي افتكرت ورد وكده كده مش هقبل اعتذارك وزعلانة منك ومش هسامح 
قال لو علي الزعل انا الي المفروض يزعل بتقولي ابعد عن بنتي ايه هي خلاص اخدتك مني وبقت بنتك
قالت اه بنتي علي الاقل محترمة مش زي ناس 
قال انتي محسساني اني تحرشت بيها مكنش حضڼ ده 
قالت ليه انا علمتك كده انتي عارف انو حرام
بص لورد وقال عارف ومش هتتكرر تاني سمحي بقا المسامح كريم... تدخلت انا وقلت والظالم فازلين وسخسخت ضحك
هو قال بيخة اوي زي صحبتها دمك ثقيل 
قولت لورد سمعه ابنك وتربيتك 
قالت معاه حق
طيب انا الي غلطانة اني بهزر معاكم 
ورد ضحكت وقالت هيوحشني هزارك ومقالبك 
وبعدها فهد بأس ايد ورد وقال مسمحة ولا
قالت لو نسب قالتلي اسمحك هسمحك 
بصلي وقال قوللها يا نسب تسامح
لا مش انا دمي تقيل
فهد خلاص متزعليش دمك خفيف لدرجة انعدامة
قلت بفرح بجد 
فهد اه 
رحت عند ورد وقولتلها سمحية خلاص 
قالت سمحتوا بس انتي عرفه أن قصدو انك معندكش ډم
انا قولتلها بخضة احلفي
قالت والله 
سألت أنت قصدك كده 
قال بقالي سنين بقولهالك ولسه مستوعبة قصدي ايه
هخلي ورد تخصمك تاني
قال عادي هصلحها تاني
رحت عند ورد وقولتلها لمي ابنك يا ورد 
قالت ما تتلم يا ابني
هو بصلها وقال اتلميت 
قولتلهم انتوا بتتريقو عليا صح
فهد قال عوزاه ايه انتي دلوقتي
قمت من مكاني ومسكت مخدة ورمتها علي فهد وقولتلو مش عيزا منك حاجه ولسه همشي قالي خلاص متزعليش دمك زي السكر 
قلت بجد ولا بتسيسني
قال بسيسك طبعا
مردتش عليه علشان مكنش عندي دماغ اټخانق مشيت وطلعت اوضتي اعدت استني أيوب بس مجاش اليوم ده في اليوم الي بعدو جه علشان يقول لورد امتي هيجي ومشي تاني كنت عوزاه اتكلم معاه ف رنيت عليه وقولتلو اني محتجاها وعوزاه ضروري هو متأخرش وجه رنيت عليه ٩ بالليل وكان عندي الساعه ١٠ لما جه وشفتو اعدت اعيط وهو اخدني في حضنوا وقال 
ان الموضوع مسألة وقت وانو هيرجع ونمت وانا سنده راسي علي رجلو وكانت اخر مره انام واقعد معاه تاني يوم الصبح صحيت لقيت الكل بيودع ورد عرفت انها انهارده هتمشي رحت عند أيوب وقلتلو أيوب وعد هترجع
قال وعد يا عيون أيوب 
ابويا كان واقف بعيد أيوب راح عندو ورضاه وقالو متزعلش مني انا فعلا نسيت نفسي ونسيت اني واقف قدام اخويا الكبير بابا قالو متزعلش مني وخلاص ملهوش لزمة السفر أيوب قال انو كده احسن وهيرتاح اكتر رحت عند ورد حضنتها
وقولتلها هتوحشيني 
قالت المره الجايه لما اجي عوزاكي تكوني خاتمة 
قولتلها انشاء الله كلهم ودعو بعض ومشيوا سافروا خلاص
هما في بلد وانا في بلد لما طلعت اوضتي لقيت علي سريري هديه ولما فتحتها لقيت كرت مكتوب فيه متزعليش مني يا نسب مكنتش اقدر اسافر وانتي زعلانه مني كانت من فهد ...
كنت زعلانه بس كنت بحفظ علشان اختم قبل ما يرجعو كنت مستنياهم يجوا فضلت مستنية سنتين وبعدها فقدت الأمل انهم يرجعو تاني حطيت نفسي في الأمر الواقع كنت خاتمه اتذكر ابويا لما عرف اني ختمت وامتحني بنفسوا احتفل بيا وكان طاير من الفرحه عدو السنتين والسنتين سحبو وراهم سنتين تاني اعدو بعيد عننا اربع سنين وفي يوم كنت اعده مع البنات عادي مكنتش مهتمه لكلامهم الي علي اشياء تفهه بس في كلمة خلتني اركز معاهم كانوا بيقولو ان عمي أيوب هيرجع 
انا سألتهم مين الي قال ليكم الكلام الفاضي ده 
وحدة قالت سمعناهم وهما بيتكلموا 
قولتلها البيت ده كله اشعات متصدقيش كل الي تسمعيه نص الاشعات دي بتطلع من عندي 
هي قالت روحي اسألي ابوكي 
قولتلهم عرفين لو طلعتوا بتحورو عليا قلولي روحي بس وفعلا رحت عند بابا وقولتلو يا فلاذة كبدي يا خصلة شعري يا كسرة عيشي هو وقفني وقال عيزا ايه يا نسب من غير لف ودوران
قولتلو هو بجد الاشعات الي سمعتها دي
قالي ايه هي
قولتلو ان أيوب راجع من السفر  
قالي ايوه ........!!!
رواية ورود ذابلة 
الفصل الثالث 
قولتلو هو بجد الاشعات الي سمعتها دي
قالي ايه هي
قولتلو ان أيوب راجع من السفر  
قالي ايوه ........وكام مرة قولتلك تقولي عمي
أيوب معندوش اعترض
قال أيوب هو الي هيبوظك 
ابي العزيز لا اسمح بهذه الإهانة
قالي انتي لو مقمتيش دلوقتي انا الي هوريكي الإهانة بكل أشكالها 
خلاص يا حجوج انا مشية 
ومشيت رجعت لبنات لقيتهم جيين عندي
وبيقولو طلع بجد ولا اشعات
طلعو بعتني علشان اتأكد
قولتلهم والله انتوا بعتني علشان تتأكدو 
لا بس بنسأل لتكون اشعات
لا متخفوش مش اشعات بجد 
سألوني جيين امتي 
مسألتش
انتي لزمتك ايه في الحياة