ثانويه سعيده الجزء الثاني بقلم الكاتبه حياة محمد حصريه وجديده
ثانويه سعيده الجزء الثاني بقلم الكاتبه حياة محمد حصريه وجديده
يارا بس بقى إنتى وهيا مش كفايه إنتوا نستونى أهم حاجة كنت عايزه أعملها النهارده
هيام كنتى عايزه تعملى إيه
يارا نسيت أضحك مش المفروض في الموقف السخيف إللي إحنا فيه نضحك تخيلوا معايا أنا بعد ما حضرت الدكتوراه من أكبر جامعات العالم مضطرة أمتحن ثانويه عامه تانى شوفتوا هبل أكتر من كده وبعدها اڼفجرت في الضحك وشويه وشويه الكل اڼفجر معاها بالضحك.
هيام لأ وأنا الأستاذه المحامية إللي كنت بهز المحاكم مضطرة أقعد في البيت عشان ورايه ثانويه
شيماء وهيا مڼهارة من كتر الضحك طب ده انتوا مصيبتكوا هينه أنا إللي بشتغل مدرسة ثانوى إمبارح كنت أبله وبكرة هبقى تلميذه.
رحمه كله كوم والراجل الرخم إللي كان معانا كوم غيرت صوتها وبدأت تقلده تعالى نوثق اللحظه وناخد سيلفى بوز البطه مد الخمسه شفايفهم وضموها بنفس الطريقة وفجأة إنفجر الخمسه في الضحك.
حسناء أعرفكوا بنفسى أنا الدكتورة حسناء كنت رئيسة قسم الاطفال سابقا وهذاكر ثانويه عامه عشان أرجع أخش الطب من أول وجديد
شيماء اكيد كل العيال هيدعولك بس عشان يترحموا من شكشكة الحقن.
حسناء يارب توقعى تحت إيدى وأغوزك بالحقنه
شيماء ليه قالولك لسه بسنن ده اصغر بناتى في خمسة ابتدائي
يارا ماشاءالله يا شيماء طب والكبير
شيماء الكبيرة في أولى ثانوي
رحمه أنا بقى أصغر ولادى في أولى ثانوي
يارا بجد إنتى عندك كام.
رحمه عندى تلاته الكبير محمد ده في ثالثه هندسه
هيام ماشاءالله ده ابنك عريس
رحمه لأ وبنتى ملك في أولى كليه سياحه ومخطوبه لمعيد معاها في الجامعة
يارا ليه يا رحمه إنتى عانيتى لأنك اتجوزتى بدرى فليه تحطى بنتك في نفس الموقف.
رحمه أنا حطيتها أبدا والله ده أنا كنت اكتر واحده معارضة فكرة إنها ترتبط بدرى بس هيا عملت زى العروسه إللي مع نيلى في فوازير الخاطبه وقعدت ټعيط وتقول بحبو يا بابا عاعاعاه وطبعا أبوها ميقدرش يزعل ملك هانم ماهى دلوعتوا فوافق عشان خاطرها بس أنا أصريت إنها مش هتتجوز إلا لما تخلص الجامعة وبرضوا أعدت ټعيط أسبوع ففى الأخر وافقنا إنها تقضي سنه رابعه في بيت جوزها.
يارا تصدقى إنى فخورة جدا بيكى يا رحمه
رحمه بيا أنا ليه أنا معملتش حاجة تستاهل تقولى فخورة بيكى
يارا على العكس كل إللي إنتوا وصلتوا له مع جوزك شئ يستدعي الفخر إنتى متخيله واحد بدأ من تحت الصفر كان يدوب صبى جزار بياخد أجرته بالاسبوع وكيلو لحم من معلمه وبعد عشرين سنة يبقى راجل أعمال كبير وناجح .
رحمه عشان ذكى وشاطر
يارا لأ عشان معاه واحدة متفاهمه واحده شالت عنه مسؤلية البيت واخواته واخواتها وعرفت تدبر حياتها معاه قالتله ماتشيلش هم حاجة وأنا معاك يا رحمه إنتى شريكته في النجاح ولازم تفخرى بنفسك لأن بسببك نجح وكبر
رحمه ماكانش بالساهل يا يارا أنا شلت مسؤولية جوزى وأبوه وأمه واخواته الاتنين واخواتى الثلاثه ربتهم وكبرتهم لحد مااتخرجوا من الجامعات واتجوزوا كمان
حسناء ماتنفوخيهاش علينا أكتر من كده لتفرقع
يارا من حقها تتنفخ بس مش علينا صح وبعدين أنا نفسي أعرف إنتى مالك بتكرهيها أوى كده ليه احنا كبرنا على الهبل بتاع زمان وحكايه المنافسه الهبله مين الأول ومين التانى ومتتخيليش كنت فرحانه أد إيه إنى شفتها.
هيام غريبه ده أنا قلت الخواجايه أول واحده هتتهرب مننا.
يارا خوجايه في عينك منك ليها ليها ليها كمان قولى ليا عندك كام إنتى كمان
هيام ولا واحد
يارا مخلفتيش
هيام متجوزتش من أصله
حسناء غريبه هيام مديرة مدرسة الرمش المكسور متجوزتش ليه
هيام بلا غم هو أنا ناقصه واحد مايستاهلش يجى يتحكم فيا قولى لينا إنتى عندك إيه
يارا بحزن ولا واحد زيك
شيماء ليه مش إنتى متجوزه
يارا بحزن كنت بس دلوقتي انا مطلقة وإبتسمت وقالت على رأى هيام بلا وكسه
رحمه بقى دى لغة واحدة كانت دكتوره في الجامعة وحاليا هتذاكر ثانويه
فإنفجرت يارا في الضحك وقالت مش متخيله بابا هيعمل ايه لما يعرف مستعده أدفع كل إللي معايا وأشوف وشه
شيماء يافرحة عبدالله فيا والله هيمسكها لى ذله ورايح جاى يقولى يا ثانوى.
حسناء أنا بقى عكسك جوزى الدكتور محمود متفاهم جدا فأظن إنه هيقف معايا في الأزمه دى
رحمه طيب أتمنى ليكوا التوفيق ويارب تنجحوا وابقوا فكرونى أيام الامتحانات أجيلكوا بعيش وحلاوة.
شيماء ليه هو احنا هنمتحن في سجن طرة وبعدين يابخيله عندكوا مصنع لانشون وبيفى وهتجيبى عيش وحلاوة ابقى تعالى ومعاكى شويه معلبات عشان ناكل وندعيلك.
رحمه إنتى هتعملى زى رامى ابنى أصلى مابأكلهمش من المعلبات دى خالص.
هيام ده إللي بيقولوا عليه باب النجار مخلع.
يارا إنتى بتقولى كده ليه هو إنتى مش هتذاكرى معانا الثانوية.
رحمه اعمل بيها إيه مانتى عارفه لا دخلت جامعه ولا موظفه فمش عايزاها في حاجة
يارا لا يا رحمه عايزاها عشان نفسك
رحمه مفيش حد هيرضى أولادى هيقولوا عنى إيه سمير هيقول إيه مالهاش لازمه .
يارا حاولى مش هتخسرى حاجه بس والله هكون فرحانه أوى لوشاركتينا في الهبل ده.
هيام مالك يا يارا حساكى متغيرة أوى
شيماء بجد واحنا صغيرين كنتى بايخه ومغرورة وشايفه نفسك علينا دلوقتي وانتى دكتوره في الجامعة حساكى بقيتى متواضعة بتاخدى وتدى معانا في الكلام.
يارا يمكن عشان عرفت إنها متستاهلش يالا يابنات تعالوا أوصلكوا وابقوا احكوا لى اجوازكوا عملوا إيه
في بيت شيماء
عبدالله هاهاهاهاها هاهاهاهاها
شيماء والله العظيم إنت رخم
عبدالله مش قادر ھموت بقى لسه هتذاكرى ثانويه لأ جديده والله هاهاهاهاها والمفروض أديكى دروس ولا أدى كارما هاهاهاهاها وياترى هتروحوا سنتر واحد و لا كل واحده لها سنتر مختلف هاهاهاهاها
شيماء بايخ والله العظيم بايخ ها يا هوانم مش هتشاركوا بابا في البواخة يالا يالا متتكسفوش قالت شيماء كلمتها لتتفاجأ بانفجار بناتها الثلاثة في الضحك وكل واحدة تشارك أبوها في التعليق والضحك.
شيماء ماشى ماشى مفيش عشا عقاپا لكم كلكم
مايا حرام يا ماما مش كفايه متغدناش حلو طب احنا أسفين يا ماما
شيماء بعد إيه يا رخمين.
في بيت الدكتورة حسناء
على السفرة قعدت حسناء مع جوزها وأولادها
حسناء يا محمود عندى موضوع مهم
محمود خير يا حسناء إتفضلى
حسناء أنا اتوقفت عضويتى في النقابه مؤقتا
محمود بقلق ليه حصل إيه عشان يوقفوا عضويتك
حسناء عشان اكتشفوا إن شهادة الثانوية بناعتنا مزورة وعايزنا نعيد امتحانات ثانويه عامه من تانى
ضحك الدكتور محمود فقالت حسناء بزعل إيه ده يا محمود إنت هتضحك زى الناس المتخلفه
محمود إنتى بتتكلمى بجد يا حسناء بحسبك بتهزرى ولا بتقولي نكته
حسناء إنت شايف ده موضوع يحتمل الهزار
محمود خلاص يا ستى أنا أسف بس فهمينى الحكايه من الأول
في فيلا سمير كانت الجميع على السفرة والكل بيضحك
محمد تخيلوا أقول لأصحابى معلش مش قادر أجى أصل ماما وراها امتحان وبسمع لها.
رامى يخسارة يا ماما مش كنتى تستنى سنتين ونذاكر ثانوية سوى حتى تفهميني الدروس الصعبه
ملك لا وتخيلوا شكلى وأنا بقول لسيف خطيبى سورى ياسيف مش هنقدر نيجى بكره أصل ماما عندها درس خصوصي ولا هنأجل العزومه أصل ماما بتمتحن.
محمد والمفروض أخش على ماما بالسندوتشات وكوباية الشاى أصلها بتذاكر بقالها مده ومأكلتش.
ملك شاى إيه
