ثانويه سعيده الجزء الثاني بقلم الكاتبه حياة محمد حصريه وجديده

في أوضة المكتب يا رحمه إنتى ورامى خليكوا هنا لو سمحتوا
دخل محمد وملك الاوضه وبعد ما قفل سمير الباب وقعد سألهم ممكن أفهم بقى إيه إللي إنتوا عملتوه بره
ملك مش شايف يا بابا ماما بتقول إيه
سمير شفت وسمعت معاكم
محمد وإنت عاجبك الكلام ده عجبك إن ماما تهزقنا وتضحك علينا الناس
سمير أولا عيب أوى يا باشمهندس تقول على أمك إنها هتهزقنا عيب أوى وهاقولكم رأيي بصراحه.
مش فارق معايا إن ماما تاخد الثانويه ولا ماتاخدهاش وكل إللى هتعملوا مالوش أى لازمه بالنسبه ليا
ملك طيب ليه مش بتقول لها كده
سمير عشان مش فارق معايا بس فارق مع معاها هيا ياولادى أمكم كانت بتحلم ليل ونهار إنها هتكون دكتوره وكانت شاطره همها كله كان في المذاكره بس نصيبها إن جدكم ماټ اتلخبطت حياتها كلها.
أمكم لو كانت ظروفها أحسن عمرها ماكانت اتجوزتنى ولا حتى فكرت فيا لأنى ساعتها كنت حتت صبى جزار باخد يوميتى من المعلم بتاعى
محمد بس خلاص الوضع إتغير وإنت بقيت رجل أعمال كبير.
سمير الوضع إتغير . فعلا يا ملك يامحمد افهمونى واسمعوا كلامى كويس أمكم من زمان لما كانت ظروفى وحشه وجدتكم وافقت إننا نتجوز في بيت أهلى إنكسرت وحسيت بإنكسارها حسيت بيها
شفت نظرت الحزن وكسرت النفس في عينيها وبعد ماماتت جدتكم زاد اليتم كسره نفسها بقت حزينه بس عمرها ماقالت ليا ولا لحد من أهلى لأ إتحملت جدتكم ومعترضتش ربت أعمامكم وأخوالكم ومعترضتش اصرت على تعليم الكل وكانت بتشوف في نجاحهم نجاحها إللي ماعرفتش تحققوا بسبب ظروفها حتى معاكم كانت بتسهر جنبكم طول الليل وكانت حافظه منهجكم أكتر منكم لأن في نجاحكم عوض ليها عن حلمها.
ملك ماما ست عظيمة ماقلتش حاجه بس برضو
سمير برضوا إيه كتير عليهاإنها هتعمل حاجه واحده بتحبها.
محمد إنها تتنطط في المدرسة.
سمير وافرض إنها هتتنطط شويه إيه المانع ده الموضوع كله ثلاث ولا أربع شهور هتعمل حاجه كانت بتتحسر عليها عشرين سنه كامله يعنى بعد إللي استحملته ده كله مستكترين عليها حتت ثلاث شهور وبعدها هتذاكر في البيت وتمتحن
ملك عايز تجازيها خدها فسحها اشترى لها دهب عوضها زى مابتقول مش تقل بقيمتنا كده شكلى إيه قدام خطيبى وأهله لما يعرفوا المهزله دى
سمير طظ في خطيبك وأهله وعيلته كلها كمان بتحسبى ياهانم إن خطيبك وأهله اختاروكى عشان سواد عنيكي لا يا هانم دول جهم عشان أبوكى عشان يقولوا ناسبنا رجل الأعمال سمير محمد إنتى عارفه لو كنت زى زمان صبى جزار ولا حتى جزار عادي ماكانش بص لك ولا حتى عبرك فوقى لنفسك وبلاش النفخه الكدابه دى ومادمتم خايفين على منظركوا أوى فإيه رأيك يا باشمهندس إن ماما شاطره وذكيه وحافظه كل منهج الثانويه إيه رأيك لو نجحت وجابت مجموع هدخلها هندسه معاك وتقضوا أخر سنه سوا إنت في رابعه وهيا في أولى إيه رأيك وإنت وسط أصحابك هتلاقى ماما وقفالك بالسندوتشات والعصير عشان خاېفه عليك تشترى حاجه من كافتيريا الجامعه.
محمد بتقول إيه يا بابا
سمير إنت مش خاېف على منظرك وسط أصحابك
وإنتى يا ملك هانم إيه رأيك إنى عمرى ما احتفلت بعيد جوازى إيه رأيك إنى هحتفل بيه السنه دى وأعمل فرح كبير ليا أنا وأمك وأعزم خطيبك وعيلته كلها عليه
ملك بابا إنت بتقول إيه
سمير مش بتقولى أفسحها وأعوضها طيب هيا معملتش فرح يناسبها إيه رأيك وهسيب لكى مهمة تجهيز الفرح.
ملك إنت أكيد بتهزر ومش هتعمل الحاجات دى
سمير جربينى ياملك وصدقينى أعملها ومايهمنيش حد إيه رأيك تحبى نبدا
ملك محمد بابا
سمير أمكم أمانه فى رقابتى أمنتنى عليها جدتكوا وأنا مش هقف بين إيدين ربنا وأنا مش قد الأمانه أنا حلفت إنى عمرى ما هزعلها ولا أقهرها وإنى أفرحها طول عمرى ومش موضوع هايف زى خمس ست شهور هتذاكرهم هيفرقوا معايا وده أخر إنذار ليكوا مش عاجبكوا اتفلقوا يالا أخرجوا واعتذروا لأمكم.
___
فى المدرسة الأستاذ زكريا مدير المدرسة هاهاهاهاها
وإنتى كمان معاهم يا ابله شيماء
شيماء شفت بقى سبحان المعز المذل بس ماتفرحش أوى كلها بس السنه دى
أستاذ زكريا طيب على الأقل عندى سنه كامله أخد حق المدرسة كلها منك.
شيماء ماشى براحتك إما قلبت عليك مراتك مابقاش أنا 
الاستاذ زكريا لا حرام عليكي هو أنا ناقص خلاص خدى أصحابك الطلبه هاهاها وروحوا ثالثه رابع ده هيكون فصلكوا هاهاها.
شيماء ليه هو احنا هنخش الفصل مع العيال
الاستاذ زكريا هاهاهاهاها هاهاهاهاها والله حلوه خلاص اسف مش هضحك روحوا هناك وهبقى احدد لكم مدرسين يساعدوكوا 
خرجت شيماء وقالت لهم يالا يافضحنى نروح الفصل ده إحنا هنشوف أيام عجب.
خرجت شيماء وقالت لهم يالا يافضحنى نروح الفصل ده إحنا هنشوف أيام عجب.
رحمه صباح الخير معليش إتأخرت فاتنى حاجه
هيام آه ملحقتيش طابور الصباح وتحية العلم إ
رحمه هاهاها
شيماء مش نقصاكى إنتى كمان يالا يا حلوين نلحق الحصه قبل ما يكتبونا غياب
رحمه هاهاهاهاها
حسناء پغضب نفسى أعرف إنتى بتضحكى على إيه
رحمه بروقان أبدا أصلى ماكتبتش الواجب
هيام لأ حلوه كفك. وضړبت كفها بكف رحمه
حسناء متخلفين 
دخلوا الفصل كانت المدرسة بتشرح وفجأة الكل سكت لما شاف خمس مدرسات داخلين عليهم ووقفوا البنات إحتراما لهم.
المدرسة أبله شيماء! فيه حاجه
شيماء لا يا حبيبتي تقدرى تقولى تفتيش إتفضلوا إتفضلوا دخلوا الأربعه وقعدوا في التخت الاخيره يار وحسناء في تخته ورحمه وهيام في تخته أما شيماء زقت البنت بخفه وقعدت جنبها وقالت ببساطة إتفضلى يا أبله اشرحى
المدرسة في زهول معلش إنتوا تفتيش على إيه.
هيام عقبالك وإن شاءالله يارب أشوفك مكانا إحنا بقى طلبة الثانويه العامه وجايين ناخد الحصه
كتمت المدرسة الضحك بالعافيه
حسناء بجديه إنتى شايفه بوضعنا ده حاجه تضحك
المدرسة أسفه ماقصدتش بس.....
حسناء يبقى ياريت تكملى الدرس ماتضيعش وقتنا
رحمه ياستار مالها هبت في الأبله كده ليه ده أنا خفت منها.
بعد الحصه كل البنات قاعده بأدب شديد ڠصب عنها أصل فيه خمسة كابسين على نفسهم .
فتحت رحمه شنطتها وخرجت لفتين ملفوفين بورق قصدير فتحت اللفه وقالت شيماء تعالى افطرى
شيماء حبيبتي يا رحمه ده أنا والله جعانه وكنت لسه هشترى أكل.
هيام فيه معاكى ليا
رحمه فيه كتير تعالى 
حسناء شوفتى المتخلفه بتحسب نفسها في رحله جايه ومعاها السندويتشات شفتى هبل زى ده.
يارا من ناحية الهبل مافيش أهبل من إللي إحنا فيه بس ماشفتش أطعم من السندويتشات دى إنتى عامله سندوتشات إيه
رحمه عامله بانيه وسجق بلدى إنما إيه تعالوا كلوا معانا.
حسناء ليه شيفانا في رحله إحنا فى فصل يا غبيه
رحمه تصدقى نسيت إننا في فصل يابنات مين فيكوا مافطرتش لحد دلوقتي
رفعت خمس بنات إيديها
رحمه تعالوا افطروا معانا.
البنات شكرا يا أبله
رحمه من غير اعتراض تعالوا متقلقوش أنا عامله سندوتشات كتير تعالوا فيه معايا كمان كاتشب
يارا حلوه اوي السندويتشات دى تعرفى مش ناقصنه إلا كوباية شاى نحبس بيها
خرجت رحمه من شنطتها طرمس صغير وأكواب ورقية وقالت كله جاهز. وصبت الشاى
يارا ده إنتى هايله خلاص كل مره الفطار عليكى
دخلت مدرسه الحصه الجديدة الفصل لقت الكل بياكل في الفصل
المدرسة إيه ده إيه إللي