ثانويه سعيده الجزء الثاني بقلم الكاتبه حياة محمد حصريه وجديده

بيحصل
رحمه تعالى يا أبله بسم الله
المدرسة مين حضراتكوا وبتعملوا هنا إيه
حسناء بملل يعنى إنتى ماسمعتيش حكايه شهادات الثانويه المزورة
المدرسة سمعت.
رحمه وهيا بتقدم لها سندوتش إحنا بقى بتوع الثانويه المزوره وهنشرفكوا السنه دى خدى ده سندوتش كبدة اسكندراني معاها قرن فلفل حامى إنما إيه عجب.
المدرسه وإنتى يا أبله شيماء معاهم
شيماء شوفتى النصيب أه طلعت معاهم...بصت لرحمه ثانيه واحده إيه حكايه الكبده الاسكندراني ده أنا ماخدتش كبده إنتى بتضحكى عليا وبتخبى منى الكبده
حسناء إيه الجنون ده ياناس إحنا في مدرسه ولا في مطعم جايه ومعاكى كبده وبانيه
رحمه وسجق بلدى كمان
حسناء المفروض إحنا في حصه ياكبيره يا مسؤوله 
الأبله فعلا الأبله دى عندها حق
حسناء أنا دكتوره مش أبله
الأبله خلاص أنا اسفه طيب لو سمحتوا ممكن تدخلوا الأكل ده ونركز عشان و رانا حصه مهمة بس بعد الحصه لازم تعرفينى بتعملى الكبده دى إزاى أصلك عاملاها حلوه اوي
رحمه من عنيا.
حسناء يا رب صبرنى.
بعد الحصه سألتها بنت ياطنط حضرتك دكتوره بجد
حسناء طبعا أنا رئيسة قسم الاطفال في المستشفى
البنت بإنبهار بجد طب هو دراسة الطب صعبة 
بنت تانيه إنتى كنتى بتذاكرى كام ساعة في اليوم
بنت ثالثه هو إنتى دخلتى المشرحه يعنى شفتى ميتين
حسناء بثقه طبعا وده شئ عادى يمكن هتخافى في الأول بس بعد كده هتتعودى.
بنت غيرهم طب تنصحينا بإيه عشان نجيب مجموع ندخل كليه الطب
بنت غيرهم وحضرتك يا أبله
هيام أنا بقى محاميه يعنى كليه حقوق وأنصحك تعملى عكس إللي هنقولوا الدكنوره حسناء.
يارا ماتسمعوش كلامها لأن طنط هيام بتهزر لازم تهتموا بمستقبلكم
سألتها بنت طيب وحضرتك يا طنط وبتسأل رحمه.
حسناء أنا بنصحكوا عشان مستقبلكم أنا اتخرجت من كلية الطب أما طنط تبقى.....
رحمه طنط دى تبقى ماما مين فيكوا بتحب ماما وبتحترمها وبتسمع كلامها
الكل أنا
رحمه شاطرين برافو عليكم عشان كده هتسمعوا كلامى صح.
الكل صح يا طنط.
رحمه حبيبى إلا مين فيكو شافت حلقة إمبارح من مسلسل ..... إللي على زى أفلام
كل واحده من البنات بدأت تحكى عن المسلسل بحماس ونسيوا أسئلتهم عن مستقبلهم.
فقربت رحمه من حسناء وقالت بصوت واطي مش أنا إللي يتلعب عليها اللعبه دى. واهدى شويه ده إحنا لسه فى أول السنه
رجعت البيت وهيا شايله أكياس كتيرة فلقت ملك منتظراها
ملك إيه التأخير ده كله يا ماما
رحمه مفيش تأخير الساعة واحده وإنتى فى العاده بترجعى ثلاثة
ملك ماحضرتش أخر محاضره وبعدين إيه ده كله
رحمه قبل ما أجى رحت المول وعملت شوبنج وجبت حاجات حلوه اوي
ملك كل دول ليا.
رحمه طبعا لأ لأن كل دول ليا أنا.
ملك بغيره كل دول بعدين إنتى مش بتلبسى الالوان دى
رحمه ليه عجوزه مش بلبس الالوان دى وبعدين أنا هروح مع صحباتى لازم ألبس وأتشيك ولا عايزاهم يبقوا أحسن منى
ملك والمكياج والبرفيوم كمان عشان المدرسة.
رحمه عندك مانع وبعدين إنتى مالك أجيب ولا ماجيبش خليكى في نفسك ومتعطلنيش عشان ألحق أجهز الغدا قبل ما يوصل بابا
ملك في نفسها من أولها مكياج وبرفيوم ربنا يستر هتعملى إيه تانى
على السفرة بتحكى رحمه بحماس شديد
رحمه تصدقوا الأبله سابت الفصل وقالت مش عارفه أشرح وفيه خمس مفتشات على راسى
رامى بضحك يعنى الابله خاڤت منكم
رحمه لا والله إحنا كلنا لطاف وهديين هيا حسناء إللي ركبت الابله العصبى
رامى هيا مش طنط حسناء دى الدكتورة
رحمه بغيظ أيوه كل شويه تقول أنا دكتوره أنا رئيسة قسم لما زهقتنا.
بس إللي يضحك لما كارما بنت شيماء جت الفصل تتفرج على أمها وهيا طالبه في ثانوى بنت اللذين ډمها سكر قعدنا نضحك عليها وعلى شيماء إللي نسيت نفسها وحدفتها بالجزمه هاهاها
محمد بملل هو ما فيش في حياتنا موضوع نتكلم فيه غير إنتى وصحباتك.
سكتت رحمه لما حست بالإحراج من كلام إبنها أما سمير فبص لإبنه نظرات ڠضب وقبل ما يتكلم قامت رحمه من مكانها.
رامى ليه كده يا محمد إنت أحرجتها.
سمير أنا نبهتك إنك ما تزعلش أمك.
محمد أنا مش زعلتها بس هيا حكت الحكايه دى أكتر من مره فخلاص سمعتها مره وضحكت مش مقرر عليا أسمعها كل شويه.
سمير عندك حق إحنا كنا بنسمع حكاياتكم التافهه وإنتم صغيرين وإنتوا بتحكوها بدل المرة عشره وعشرين مره واحنا فرحانين أما إنتوا مش مستحملين نحكى إحنا مرتين.
محمد يا بابا أنا...
سمير الحنان والعطف مش بفلوس مش بتتباع ولا بتنشرى ده احساس ولو قلبك مافيش فيه حنان على أمك فمش هلومك على طريقتك دى في معاملتها.
محمد أنا مقصدش بس.
سمير الحمد لله وقام من على السفرة.
ملك إنت غلطان يا محمد
محمد إنتى كمان هتقولى غلطان
ملك بصراحه آه لو شفت شكل ماما لما أحرجتها بكلامك كنت فهمت انا قصدي إيه.
محمد أنا أسف يا ماما مقصدتش إنى..
رحمه خلاص يا محمد حصل خير
محمد لأ إنتى زعلانه بس ڠصب عني والله مش قادر أتقبل الموضوع كله مش قادر أنخيل إن أمى أنا فى فصل مع بنات أد اولادها وبتقول عليهم زميلاتها مش قادر أستوعبها ڠصب عني
رحمه ..........
_____
فى الفصل.
طالبه لأ يا طنط مش بنعقب كده إنتى بترقصى بإيديكى كده وبدات البنت ترقص وهيام بتقلدها
رحمه يا مجنونه إنتى عايزه تعقبى زى الشباب
هناء اسكتى بتغاظ وأنا بشوفهم بيرقصوا في الافراح وكان نفسى أقلدهم.
شيماء ومبترقصيش معاهم ليه يا فلحه.
هيام وأضيع برستيچى ؤانا عامله الرزينه العاقله.
رحمه طب بتتعلمى الرقص ليه وإنتى الرزينه العاقله.
هيام لأ ما أنا في البيت مش الرزينه ولا العاقله فهشغل مهرجانات وأديها.
يارا بتعملى إيه يا حسناء سايبه الكل وبتذاكرى.
حسناء مانتوا مش هاممكم الکاړثة إللي أنا فيها واخدين الموضوع لعب بس هقول لمين ماهم كلهم كليات عاديه عايزين مجموع بسيط بس أنا أنا إللي
رحمه وشيماء وهيام في صوت واحد أنا دكتوره أنا رئيسة قسم الاطفال زهقتينا.
هيام تصدقوا نسينا كلمه
شيماء ورحمه في صوت واحد متخلفين
كل الفصل ضحك عليهم
شيماء حتى العيال بيضحكوا أصلهم حفظوا كلامك
إفرديها بقى وبلاش نكد
رحمه أصل دى لو ضحكت وشها هيشقق على رأى محمد صبحى
حسناء بتريقه هى هى هى سخيفه وقديمه ودمك تقيل
هيام سبنالك خفة الډم الله يكون في عون جوزك انا مش عارفه مستحملك على إيه.
شيماء خيبه ليكون كشرى زيك وإنتوا الإتنين قاعدين تكشروا في وش بعض.
حسناء لعلمك إنتى وهيا الدكتور محمود جوزى راجل محترم مش بتاع التفاهات دى
يارا يعنى إيه مش بتاعت التفاهات دى الراجل هو الراجل حتى لو كان وزير.
حسناء قصدك ايه
شيماء ياخيبتك لا تكونى مش بتدلعيه ومبتعمليش جو وضحك وحركات.
حسناء انا مش بتاعت الحركات دى أنا ارقى من كده
هيام ياخيبتك تلاقيه متجوز عليكى واحده ترقص له وتجدد له شبابه
رحمه بس إنتى وهيا إيه إنتوا نسيتوا نفسكوا ولا إيه إحنا فى فصل ماتفتحوش عيون البنات على كلامكوا ده
شيماء نفتح إيه دول عارفين كل حاجه الجيل ده أصلا خبره أكتر منى ومنك البركه في الهباب إللي فى إيديهم ليل ونهار خلى الممنوع مسموح صوت وصورة كمان مش زينا كنا بنتكسف من مشهد النهايه فى الفيلم لما البطل كان بيبوس البطله
حسناء بإندماج كان بابا بيقفل التلفزيون عشان منشوفوش حاجه
شيماء كمان ده إحنا كنا جيل