ثانويه سعيده الجزء الثاني بقلم الكاتبه حياة محمد حصريه وجديده

غلبان أوى بس إنتى يا رحمه بما إنك عشتى مع جوزك أكتر مننا فأكيد إنتى خبره ومورياه الدلع كله.
فسرحت رحمه شويه عشان تنتبه إنها عمرها ما عملت حاجه من كلامهم ده عمرها ماضحكت ولا هزرت مع سمير براحتها بتتكلم مع الكل بانطلاق وبضحك وبطبيعتها أما معاه ففيه حدود وحواجز عملاها وعمرها ما هدت الحواجز دى وسألت نفسها هل ممكن يكون سمير متجوز عليها واحده تدلعوا زى ما بيقولوا .
رحمه اللهم الله لفظ الجلالة مبنى على الضم في محل ڼصب والميم عوض عن حرف النداء المحذوف مبنى على الفتح لا محل له من الإعراب.
الاستاذ مجدى ماشاءالله يا مدام رحمه متوقعتش إنك تعربى بالطريقة الصحيحة دى.
فإبتسمت رحمه وإحمر وشها من مدح الأستاذ لها وقالت عادى يا أستاذ أصل بنتى كانت في الثانوية العامة السنه إللي فاتت وكنت بساعدها في المذاكره فعشان كده أنا تقريبا حافظه كل المنهج
ريم حتى الكيمياء والفيزياء
رحمه والهندسة والفرنساوى كمان
ريم ده إنتى لازم تساعديني يا طنط
باقى البنات واحنا كمان
هيام ياسوسه بقى فاهمه وعارفه كل حاجه وعملالى عبيطه والله ما هسيبك.
الاستاذ مجدى الهدوء لو سمحتوا وبعدين يا أستاذه هيام ذاكرى بدل كلامك ده
هيام أذكر على إيه دى هيا حتة ٦٠٪واخلص وبعدين هو أنا ذاكرت وانا صغيره عشان أذاكر دلوقتي بس برضوا هنفخك يا رحمه
الاستاذ مجدى بس بصراحه مش متخيل إن أولادك يكونوا كبار كده أصل شكلك صغيره خالص
يارا على أساس إننا عواجيز
الاستاذ مجدى مقصدش بس أنا أكبر منكم بخمس سنين وأولادى لسه في إبتدائى وإعدادى
رحمه عادى يا أستاذ أصلى اتجوزت وأنا صغيره أوى.
الاستاذ مجدى طيب مين تعرب لى جملةأنا محب لوطنى مصر...... برضوا مدام رحمه.
بعد الحصه
يارا بصوا يا جماعه إحنا بصراحه وضعنا بلح يعنى بطريقتنا دى إن شاء الله مش هنجيب ١٥٪
حسناء اتكلمى عن نفسك.
يارا ليه بتذاكرى
حسناء بصراحه لأ
شيماء يبقى اتوكسى واسكتى.
يارا الثلاثة أيام إللي بنجيهم المدرسة مايكفوش والمنهج كبير والوقت إللي باقي مش كتير وطبعا هيبقى شكلنا زباله لو أخدنا دروس خصوصية.
هيام سيبك من موضوع شكلنا الژبالة إحنا طبيعي شكلنا زباله والحمدلله بقينا نكتة المدرسة والحوارى المجاورة فمش هتيجى على الدروس الخصوصية
رحمه أبو التحطيم يا شيخه ده إنتى كئيبه أكتر من حسناء.
حسناء شوفتوا هيا إللي بدأت عشان لما أجيبها من شعرها محدش يلومني .
رحمه تجيبى مين يا حلوه هيا سايبه فكرى بس وأنا همسح بيكى الملعب ده.
يارا باااااااااس كفايه ردح إنتوا الإتنين ويارب تكبروا
وبعدين أنا بتكلم بجد إحنا لازم نحدد وقت ومكان نذاكر فيه بجد ده لو عايزين السنه الحلوه دي تعدى
حسناء وده هيبقى إمتى
يارا بصوا بعد المدرسة هاخدكم في مكان حلو نقعد فيه ونتفق مع بعض هنجتمع عند مين وإمتى ماشى 
الكل ماشى
حسناء بس لازم ناخد الموضوع بجدية وتركيز ونبطل لعب العيال ده.
الكل طبعا هناخد بجد وتركيز 
_____
فى الحصه إللي بعدها
شيماء حيوان بحرف الثاء
رنا سمكه يا أبله
شيماء الثاء مش السين
رنا يبقى سلحفاه
شيماء مشو البت دى من وشى هنخسر يا حماره
رحمه إنتوا عملتوا البلد إيه.
شيماء والله ما عارفه
رنا اكتبى صربيا يا أبله
شيماء أموتها دى وأدخل السچن في لعبه
يارا أتوبيس كومبلى.
هيام لأ ده غش إنتى واخده كل البنات الشاطره معاكى وسايبه الباقيين لنا
رنا إحنا أغبيا يا أبله.
هيام لأ متخلفه ده كل اجاباتك تنقط
حسناء لأ برافو عليكوا بنقول ناخد الموضوع بجدية وتركيز تلعبوا أتوبيس كومبلى
يارا يادى الكأبه يابنتى فوكيها شويه الدنيا مش كلها جد أوى كده لازم شويه هبل مع شويه تفاهه عشان يحصل توازن.
حسناء إنتى مش مقدره ظروفى
يارا لأ مقدره وأكتر منك كمان إنتى ناسيه إنى دكتوره في الجامعة ومحسوبه من علماء الكيمياء الحيويه بس برضوا مافيش مانع إنى ألعب مره وأهزر والله مش هيقل من هيبتى العلميه.
وبمناسبة هيبتى العلميه إيه رأيك يا رحمه تجيبى بكره فسيخ وبصل اخضر على الفطار.
رحمه فسيخ إيه يا مجنونه إنتى عايزه تطفشى المدرسة كلها خليها لما نقعد نذاكر مع بعض.
حسناء لا ده كتير كتير أوي إنتوا مجانين إنتوا متخلفين هو إنتوا متفقين عليا حرام عليكوا.
٥
بعد المدرسه
رحمه احنا رايحين فين.
يارا هنروح بيتى وبالمره أوريكوا مكان شغلى .
حسناء هو فيه معامل للكيمياء الحيويه هنا.
وقفت يارا العربية عند مبنى راقى مكون من خمس طوابق وقالت لهم إتفضلوا 
نزلوا البنات وهما منبهرين من جمال ورقى المبنى.
يارا اتفضلوا ده بقى مكان شغلى 
إتفاجأ الجميع لما شاورت على محل لبيع الزهور
حسناء ده محل ورد
يارا بفخر اكيد إتفضلوا
رحمه هو إنتى مش دكتوره في الجامعة
يارا كنت
رحمه هو إنتى كل حاجه في حياتك كنت مره كنت متجوزة ومره كنت دكتوره طيب ودلوقتي 
يارا دلوقتي ببيع ورد كنت وكنت وكنت بس حاليا أنا ببيع ورد وبس.
هيام مش بقولكم يارا متغيرة من ساعة م
_مساء الخير
إلتفت الكل للصوت وفتحت أربعة منهم فمهم ونسيوا يقفلوه لما لقوه واقف جنبهم.
يارا مساء النور أهلا يا أحمد وبدأت تخبطهم بإيديها من تحت عشان يفوقوا ويبطلوا تناحه. فوقوا كسفتونا
أحمد أنا جاى أخد البوكيه جهزتيه.
يارا طبعا جهزته لك بإيدى وعلى ذوقي كمان يارب يعجبك.
أحمد أكيد هيكون تحفه
يارا للعامله في المحل هاتى بوكيه الاستاذ أحمد
شدتها هيام وبصوت واطى مش ده أحمد مراد الممثل
يارا أيوه هو
شيماء ياحلوته ده أمور أوى أحلى ما بيجى في التليفزيون مز مز مز إنتى تعرفيه منين
يارا فضحتونى اسكتوا. ده زبون عندى وبعدين إحنا أصحاب عادى.
رحمه متعرفينا عليه
يارا حتى إنتى يا عاقله كمان
هيام مفيش عقل لازم تعرفينى عليه وأتصور معاه كمان.
يارا سيلفى بوز البطه
فمد الثلاثة شفايفهم بوضعية بوز البطه فخبت يارا وشها بإيدها وقالت خلاص هعرفكم عليه فضحتونى
بعد ما دفع أحمد تمن البوكيه قال ذوقك هايل يا يارا
يارا ميرسي فخبطتها هيامفقالت أعرفك صديقاتى رحمه وحسناء وهيام وشيماء
أحمد أهلا وسهلا اتشرفت بيكوا بس واضح إنكم أصحاب من زمان 
هيام من الثانوية العامة ده من كتر حبنا في بعض قررنا نعيدها عشان نرجع الذكريات تانى
فخبطتها يارا وقالت بصوت واطي إنكتمى الله ېخرب بيتك
أحمد مش فاهم يعني إيه تعيدوها
يارا ولا حاجه ولا حاجه
أحمد طيب قبل ما أمشي هتحضرى العرض الخاص للفيلم الجديد بتاعى.
يارا مش عارفه يمكن ما...
شيماء لأ لأ هتحضر هيا تقدر تزعلك طبعا ما تقدرش
أحمد ياريت تحضرى هكون سعيد أوى لو شفتك هناك فرصه سعيده يا هوانم
بعد ما مشى
هيام يا لهوى قمر مز جامد شفتو بيتكلم إزاى
حسناء مالك إتهبلتى كده ليه ولا مدرسه الرمش المكسور هترجع تانى 
هيام أنا حاليا بأدهن الفصول وبصلح الشبابيك.
شيماء أمال فين إللي اتعقدت وبتقول بلا قرف.
هيام لا عند أحمد مراد أنا برجع في كلامى تخيلوا كده يتجوزنى وأحضر معاه المهرجانات ويقولوا صوره الفنان أحمد مراد وزوجته المحاميه الفاتنه هيام يبقى چورچ كلونى وأمل علم الدين في هوليود وأنا وأحمد في الجونه.
رحمه فوقى يا هبله ده ممثل يعنى بيشوف كل يوم ألاف المعجبات زى حلاتك يعنى هيبص لك على إيه.
هيام ماهو هيستفاد برضوا عشان همسك له كل القواضى إللي هيرفعها ضد المخرجين والمنتجين.
يارا خلصتوا هبل حبيتى الراجل واتجوزتيه عشان قالك أهلا ممكن بقى نفوق
من الجنان ده ونشوف هنعمل ايه يا فاشله في الثانوية العامة منك ليها.
رحمه أبو التحطيم يا شيخه كنتى استنيتى شويه على ماتخلف منه الحداشر عيل وتلاعب الأهلى وتاخد الدورى 
هيام بايخه يالا يافالحه نشوف مستقبلنا ونشوف هنهبب إيه في الثانوية العامة الله ياخدها ويريح الناس من قرفها.
___
فى المدرسة في اليوم التالي
الاستاذ مجدى صباح الخير يا مدام رحمه
خرجت رحمه من العربية وابتسمت له وقالت صباح النور يا أستاذ
الاستاذ مجدى جايه بدرى النهارده
رحمه فعلا اظاهر محدش جه لسه.
الاستاذ مجدى طب تعالى نقعد في الملعب على مايجوا.
وفى الملعب.
الاستاذ مجدى تحبى أجيب لك شاى معايا
رحمه استنى افطر الأول وخرجت له بعض السندويتشات من شنطتها
الاستاذ مجدى تسلم إيدك تعرفى إنى معجب بيكى أوى.
أحمر وش رحمه أوى من كلمة الاستاذ مجدى
ليعدل الاستاذ كلامه وقال أنا أقصد يعنى معحب بإصرارك يعنى إنك تعيدى مذاكره الثانويه وإنتى مش محتاجاها يعنى عشان مش موظفه وأولادك كبار بس إنك تاخدى الخطوه دى وتحققى طموحك ده شئ عظيم ومشرف جدا وفعلا يستحق الفخر
كان قلب رحمه بيدق أوى وهيا بتسمع كلام الاستاذ وحست إنها مش عارفه ترد عليه.
انقذها صوت جرس الطابور فقامت تدخل الفصل وقبل ماتمشى قال لها الاستاذ مجدى تعرفى فستانك إللي لابساه حلو أوى عليكى.
سابته رحمه ومشيت ولما بعدت عنه ابتسمت ابتسامه كبيرة وقلبها كان بيدق أوى وظهرت في عينيها لمعه جديده.
تابعووووووني