ثانويه سعيده الجزء الثاني بقلم الكاتبه حياة محمد حصريه وجديده

قهوه وقرصين بنادول عشان الصداع
كانت رحمه بتبتسم ابتسامات ضعيفة وهيا بتسمع تريقة أولادها ومعلقتش بولا كلمه والغريب إن سمير كمان كان بيسمع زيها وبرضوا ماعلقش ولا حتى ضحك معاهم لأن عيونه كانت على رحمه بيشوف رد فعلها ولأنه كان مركز أوى معاها لاحظ انطفاء اللمعه إللي شافها في عيونها مع كل كلمة من أولاده حتى إنها ماأكلتش ولا لقمه واحده.
سمير مش تحبوا تعرفوا رأيي أنا كمان.
ملك رأيك معروف يا بابى إن مامى مش فاضيه للهبل ده وكمان مش محتاجينه في حاجه.
سمير لأ يا ملك أنا موافق إن ماما تقدم معاهم وترجع تذاكر وتمتحن الثانويه مرة تانيه.
محمد ملك رامى بتقول إيه يا بابا
سمير إللى سمعتوه أنا موافق مش بس موافق ده أنا مستعد أجيب لها أحسن مدرسين ومدرسات يدوها دروس خصوصية في البيت عشان عايزها تجيب مجموع كبير كمان.
ملك وهتستفاد بإيه وهيا مدخلتش الجامعة.
سمير ولا حاجه بس لو هيا حابه تدخل الجامعة مش هعارض.
محمد إيه الكلام ده يا بابا إنت عايز ماما تذاكر ثانويه هيا صغيره للحركات دى.
سمير وافرض إنها مش صغيره بس هيا عايزه كده
ملك عايزه إيه عايزه تعمل زى العيال
سمير احترمى نفسك يا ملك وخدى بالك إنك بتتكلمى عن ماما مش عيله في الشارع وبعدين الموضوع ده يخصنى أنا وماما بس وأنا موافق وبقولك يا رحمه روحي بكره سجلى اسمك مع صحباتك
رحمه بجد
سمير بجد
ابتسمت رحمه بسعاده بس سعادتها اختفت لما لقت أولادها بينسحبوا واحد ورا التاني وهما زعلانين
تانى يوم كانت رحمه بتجهز الفطار كالعادة وبترص الأطباق على السفرة قعد أولادها الثلاثه على السفرة مستنين نزول باباهم عشان يفطروا قبل مايرحوا على جامعاتهم والمدرسة.
سمير صباح الخير
الكل صباح النور
وقعد الكل يفطر
سمير قررتى إيه يا رحمه 
رحمه بابتسامة بارده مش محتاجه تفكير أنا فعلا مش صغيره ومش فاضيه ومش هستفيد بحاجة لما اعيد الثانويه العامه فخلاص.
فى اللحظه دى ابتسمت ملك وهيا بتبص لأخوها محمد إللي بادلها الابتسامه
رامى ليه يا ماما
رحمه مش هو ده إللي إنتوا عايزينوا
رامى لأ أنا امبارح كنت بفكر في الموضوع ده ولقيت إنها حاجه حلوه إنك تعيدى مذاكره من تانى إنتى ذكيه جدا وتقريبا حافظه كل منهاجنا يعنى لو دخلتى ممكن تكونى من الاوائل وساعتها هتفشخر بيكى بين أصحابي.
إبتسمت رحمه لرامى على كلامه الجميل
محمد اسكت إنت مش ناقص إلا العيال كمان يتكلموا .
ملك أنا كده ارتحت الحمد لله أروح الكليه وأنا مرتاحه.
وبعد شويه رن الجرس ففتحت الخدامة الباب فكان 
شريف أخو رحمه
شريف صباح الخير
سمير صباح النور تعال أفطر
شريف اكيد هو فيه حد يفوت فطار رحمه الجامد
رامى تعال إلحق طبق الفول المتين
شريف إنت بتقول فيها سنين أقول لمراتى اعملى الفول زى رحمه بس مهما بتعمل برضوا مش نفس الطعم ربنا يخليكى لنا يا أم محمد
رحمه ويخليك لينا يا حبيبي.
شريف إلا بجد إيه إللي حصل امبارح
سمير مافيش حاجه حصلت.
شريف ملك كلمتنى امبارح وهي بټعيط وبتقول فيه کاړثة فى البيت.
بصت رحمه لملك پغضب وقالت أبدا يا حبيبي الکاړثة إللي الهانم بتقولك عليها إن شهادة الثانوية بتاعتى طلعت مزورة وطلبوا منا نعيد الامتحانات
شريف طيب وإيه يعنى
رحمه أصلها شايفه إن أنا كبرت على لعب العيال ده عشان كده اتصلت بيك بس الهانم نسيت حاجه مهمه إن انا أبقى مامتها مش عيله صغيره وأنا أعرف مصلحتى كويس أوى
ملك ياماما أنا....
رحمه اخرسى إنت لما اتخطبتى وأنا كنت معارضة عيطى وقلتى ده مستقبلى وأنا حره فيه وماعترضتش فهقولك ولأخوكى نفس الكلمه ده مستقبلى وأنا حره فيه
محمد يعنى إيه ملناش حق نعترض
سمير أنا الوحيد إللي من حقى أقوللها آه أو لأ وأنا من الاول قلت هيا حره وأنا مش معترض
رحمه وأنا هروح بعد الفطار وهسجل نفسى مع صحباتى لأن يا أستاذه ملك ده مستقبلى أنا.
فى مبنى الإدارة التعليمية
حمدى وبكده وبعد ما مضيتوا على الاستمارات بقيتوا رسميا طالبات في الثانوية العامة ألف مبروك
هيام مش شايف إن ألف مبروك مش لايقه على الوضع الظريف إللي إحنا فيه
حمدى طب تحبى أقول لكم البقاء لله مثلا
هيام ممكن تعبر بسكاتك واحنا والله هنفهمك.
حمدى طيب ممكن تتحملونى شويه صغيره وبعدها هريحكوا خالص 
يارا اتفضل
حمدى المفروض إنكوا حاليا تتوجهوا لمدرسة ....
عشان يتم تسجيلكم فيها
شيماء بردح نعاااااااام أروح فين
حمدى مدرسه ....لأنها هى المدرسة إللي اتخرجتم منها زمان
يارا طيب ليه إحنا مش عايزين نروح المدرسة
حمدى عشان إنتوا هتمتحنوا على النظام الحديث نظام التابلت والبوكلت يا ترى إنتوا بتفهموا في التابلت ولو بتستخدموه فدى حاجه وإنك تمتحنى وتذاكرى فده حاجه تانيه خالص 
شيماء على جثتى شوف مستحيل ده ده لو كان أخر يوم في عمري مبقاش غير المدرسة دى أتسجل فيها
حسناء طيب فيها إيه يا شيماء أهى مدرسه زى أى مدرسه
شيماء لأ مش زى أى مدرسه إزاى ملقيتوش إلا المدرسة إللي بشتغل فيها يعنى أنا إمبارح كنت مدرس أول على المدرسة وبكره أروح أقول لهم أنا بقيت عيله هنا لأ وأخلى شويه شباب لسه متخرج من كام سنه يعمل عليا مدرس.
حمدى طيب ليه بس إنتى رضيتى بالأصعب إشمعنى دى وبعدين أحنا في شهر ١٢ وهتمتحنوا في شهر ٦
يعنى الموضوع كله ٦شهور
شيماء بتقول كام
حمدى منهم شهر إمتحانات
شيماء نعاااااااام
حمدى وشهر كمان بتذاكروا فيه
رحمه مخلاص يا شيماء ولا عشان خاېفه يطلعوا عينك زى ماكنتى مطلعه عيونهم
شيماء أنا ده أنا طيبه خالص والله 
هيام واضح عشان كده خاېفه يالا يا شيماء بالله عليكى خلينا نخلص من الموقف الرخم والراجل الرخم إللي اتدبستا معاه
حمدى الله يسامحك على فكره خدى يا دكتوره دى ملفاتكم سليميها للأستاذ زكريا مدير المدرسة 
والكل على السفرة 
سمير إيه الاخبار يا رحمه
رحمه مضينا الاستمارات بس فيه حاجه كنت عايزاك تعرفها.
سمير خير فيه إيه 
رحمه يعنى بصراحه مش عارفه أقولها
رامى ماما عامله زيي لما بكون عامل مصېبه وخاېف أتقفش.
رحمه وهو أنا هعمل مصېبه يا كلب
محمد ما تتهربيش وقولى
أخذت رحمه نفس عميق وقالت عايزنا نروح المدرسة ثلاث أيام في الأسبوع
بعد خمس ثواني من كلامها إنفجر سمير بالضحك.
سمير وهو بيضحك وهتروحوا تعملوا إيه
رحمه بطل ضحك الأول هنروح عشان يدربونا على التابلت ونظام الثانويه الجديد وبرضوا هيشرحوا لنا المنهج وبعدين الموضوع كله ساعتين ثلاثة بالكتير بس يعنى على الساعة عشرة حداشر بالكتير وبعدها هروح على طول.
رامى وأعملك سندوتشات تاخديهم معاكى ولا إنت هتعملى لنفسك هاهاهاهاها
رحمه حتى إنت يا كلب بتتريق عليا.
رامى لا والله بس الموقف كله يضحك.
ملك بابا إنت موافق على المهزله دى موافق إن ماما تضحك عليها الناس تبقى كبيرة وأولادها أطول منها وهيا لسه راحه المدرسة وجايه من المدرسة.
محمد اكيد مش هتحرجنا أكتر من كده حرام عليكوا إنتوا مش متخيلين شكلى هيبقى إزاى لو حد من زمايلى عرف المهزله دى ولا إنتى يا ماما مش هامك شكلى.
سمير پغضب وبصوت عالي محمد خد بالك من كلامك مش هسمح لك ترفع صوتك عليا ولا على أمك أبدا.
محمد أسف يا بابا أسف يا ماما بس برضوا
سمير اتفضل إنت وأختك معايا