الفصل الثاني رواية النغم الحزين أستحقك سندي ولكن ملحمة صعيدي اجتماعي رومانسي خطېرة بقلمي فاطيما يوسف حصريه وجديده
الفصل_الثاني رواية النغم_الحزين أستحقك_سندي_ولكن ملحمة_صعيدي_اجتماعي_رومانسي_خطيرةبقلمي_فاطيما_يوسف حصريه وجديده
بسم الله الرحمن الرحيم
لا إله إلا أنت سبحانك إني كنت من الظالمين ولا حول ولا قوة إلا بالله العلي العظيم.
قبل القراءة ادعوا لي دعوة حلوة من قلبكم بالرزق الحلال وربنا ييسر لي حالي يا رب.
ألست أنا كمثل بنات حواء!
فقد تاهت عني ليالي القمر وتاهت معها أنوثتي
وغابت شمسي منذ صباي فأصيبت روحي بالعجز واختفت معالم جمالي.
ما ذنبي أنا كي أعيش نغمي حزنا بدلا من أن يكون نغمي هناء ولم أعيش يوما سعادتي
فيا من خلقت عبدتك التي تحملت ابتلاءك أخرجني من حلقة الضيق إلى أوسع الطريق وخفف عني مصېبتي.
بقلمي_فاطيما_يوسف
بنتي وياي وما هتشوفيهاش تاني واصل علشان تبقي تعرفي تتحديني كيف يا بت الخمورجي والخدامة.
ما كان منها إلا على إنها تطيع أمره وهي موطية راسها في الأرض رغم كل اللي عمله فيها إلا إنها مضطرة
بتك مهترجعلكيش إلا لما توافقي على اللي أني رايده والراجل اللي هجيبه لك تتجوزيه تتجوزيه ڠصب عنك يا إما يمين بعظيم ما هتشوفي بتك ولا ولدك تاني ولا عينك هتندرهم وهعلمك كيف تبقي تتحديني وتردي علي الكلمة بكلمتها.
فضلت ټعيط في التليفون وتترجاه وهو قلبه قاسې وجامد ولا حياة لمن تنادي فروحت جري على البيت قعدت تحت رجلين حماتها وهي بتترجاها إنها تأثر على ابنها ويرجع البنت لحضنها
الحقيني ياما ابنك راح أخد بتي من الحضانة وقال لي اني مهشوفهاش تاني وبيهددني اني لو ما اتجوزتش واحد من الرجالة اللي هيعرضني عليهم علشان يجبرني أرجع له أحب على يدك وعلى رجلك كماني خليه يرجع لي بتي ما لهاش ذنب في اللي هيحصل بيناتنا أحب على يدك.
حماتها ست قوية ومفترية جدا عليها لأنها شايفة إن هي أقل منهم بكتير وإن ابنها جاب لهم العاړ لما دخل واحدة زي دي بيتهم فبعدت يديها وهي حاسة بالاشمئزاز منها وردت عليها بكل جبروت
بعدي يدك داي يا بت عني هتنسي نفسك ولا إيه أني الحاجة رابحة ستك وتاج راسك ما ترفعيش المقامات ما بيني وما بينك وبعدين داي بته يعمل فيها اللي على كيفه هو في أب هيأذي بته عاد! انت اللي غاوية ۏجع راس وهتكبري المواضيع وبعدين ما تسمعي كلام جوزك وتعملي اللي هو رايده علشان ترجعي تتلمي انت وهو وعيالك في بيت واحد ولا انت هتتكبري وناسية حالك انت بت مين دا احنا شاريينك بملاليم من أبوك الشمام.
عيطت نغم دموع قهر وۏجع الدنيا كلاتها جاية عليها وعارفة إن هي مش هتاخد مع حماتها حق ولا باطل لأنها مش بتطيقها من الأساس وبقيت مش عارفة تروح فين ولا تيجي منين ما لقيتش غير الوحيد اللي بيقف جنبها كل مرة وبيجيب لها حقها فجريت على المصنع بتاعه وأول ما وصلت كان معاه ناس في مكتبه أول ما شاف منظرها وعينيها المورمين من البكا خرجهم فورا وطلب منها تقعد وسألها بقلق
مالك يا ست نغم هتبكي ليه عاد ايه اللي حصل لدي كلاته اقعدي واستريحي الاول.
نغم ما كانتش قادرة تاخد نفسها لأن ولادها دول أغلى حاجة في حياتها وما كانتش متوقعة إن سمير يلعب معاها اللعبة القڈرة دي ويتحول بالضغط عليها بولادها فحكيت له اللي حصل واللي هو عايزه منها وفي آخر كلامها
كيف يعني أتجوز أي راجل هيجيبه لي! ما مقتنعاش بيه الحوار داي خالص يا أبو مازن ما قادراش أتحملها على كرامتي ولا على نفسي ولا على ولادي أدخل عليهم راجل غريب ولا أني رايدة الجواز من واصل هو كرهني في الجواز والرجالة كلاتها وفي الآخر ياخد بتي وعايز يحرمني منيها.
سند مش مصدق اللي بيسمعه معقول أخوه يعمل كده ويجيب رجالة ليها ويعرضها عليهم فسألها بتأكيد
كيف الكلام داي عاد يا بت الناس الكلام داي تضيع فيه رقاب عاد
أكدت له نغم وهي بتمسح دموعها بطرف جلابتها
والله هو داي اللي حصل يا سي سند جاب لي لحد دلوك تلاتة رجالة وكل مرة أخلص منهم بأعجوبة ولما ملقاش مني فايدة ولا رجا راح خد البت من الحضانة وقال لي إن ما كنتيش توافقي على اللي هقول لك عليه ما هتشوفيهاش تاني واصل أني عايزة بتي رجع لي بنتي يا سي سند دي ما يعرفش عنيها حاجة وزمانها مفلوقة من العياط دلوك وكمان هيض ربها عمال على بطال.
شال مفاتيحه ولبس عبايته وأخدها معاه وخرج ركب عربيته ركبت جنبه وأول ما مشي بالعربية اتصل على أخوه فرد عليه على طول
إنت فين يا سمير دلوك أني عايزك ضروري
رد عليه بكل برود
عايز إيه أني ما فايقش للشغل دلوك ولا قادر أفتح عيني من الأساس
سند أخده على قد عقله وما رضيش يقول له إن نغم عنده واشتكت له وطلب منه
في ورق مهم لازما يتمضي ولازم تمضي عليه وياي علشان الصفقة تمشي يا ابن أبوي وأني هاجي لك لحد عنديك بس قول لي لا مكانك فين ويا رب ما يبقاش خمارة من اللي هاجي لك فيها كل مرة.
قال له على مكانه من غير ما يشك فيه وبعد أما قفل معاه المكالمة طمن نغم
بطلي بكا عاد وبعدين هتسيبك من الضعف اللي فيك داي إمتى يا ست نغم ! لازمن تكوني قوية علشان تقدري تربي ولادك مش كل حياتك هتقضيها عياط وبكا على اللي راح وعلى اللي جاي الدنيا مليانة هموم وكل واحد فيه همه اللي مكفيه ومش كل الناس هتعيط شكلك اكده اجمدي عاد.
طب بذمتك كل الناس حالتها زي حالتي يا أبو مازن أني ما شفتش يوم فرح في حياتي ولا في بيت أبوي ولا في بيت جوزي ولا شفت الحنية غير من أمي اللي عايشة مذلولة تحت رجلين أبوي وما عارفاش هروح فين ولا أجي منين من أخوك أعمل إيه ولا اللي زيي الستات الضعفا اللي ما لهمش مأوى ولا مكان ولا حتى شهادة أشتغل بيها وأصرف على عيالي ما ليش غير ربنا هو اللي يخفف عني والبكا هو الحاجة الوحيدة اللي من حقي أتنفس بيها عن ۏجعي.
ابتسم لها برجولة وهو بيشجعها إنها تستمر باستعانتها لربنا سبحانه وتعالى
ما تقلقيش أني جارك وعمري ما ههملك تتبهدلي ولا إنت ولا عيال أخوي ولو حصل منه أي شيء تعالي لي طوالي وما تخافيش عايزك تطمني طول ما أني جارك ما حدش هيقدر يمسك وسمير إنت واخدة على معاملته حاولي تهوديه وتاخديه على قد عقله وما تعانديش وياه وبخصوص الرجالة اللي هيعرضهم عليكي أني همنعه من الموضوع داي خالص.
بصت له بعيون مبتسمة من بقى لها كتير ما شافتش البسمة ولا الفرحة وهي هتسأله بلهفة
بجد يا سي سند هتخليه يبعد عني إنت ما تعرفهوش راسه أنشف من الحجر الصوان وعمره ما هيتنازل عن اللي في راسه أبدا مهما حصل
لما شاف ابتسامتها حس قد إيه إنها مظلومة
