الفصل الثاني رواية النغم الحزين أستحقك سندي ولكن ملحمة صعيدي اجتماعي رومانسي خطېرة بقلمي فاطيما يوسف حصريه وجديده

جنبها هتواسيها على اللي هي فيه فخبط سند  على الباب علشان يدخل يطمن عليها 
عامله ايه دلوك يا ام محمد مش أني قايل لك لو لمحتيه في اي مكان تبعدي عنيه وتتصلي علي وتحتمي باي حد علي ما اجي لك
عيطت نغم  وهي بتحكي له 
والله ما لحقت اني كنت ماشية من شارع جانبي ما فيهوش حد اختصار للبيت علشان ارجع للعيال وما كنتش أعرف ان هو هيراقبني في الرايحة والجاية وفجأة لقيته قدامي سکړان وما دريانش وحصل اللي حصل. 
وكملت كلامها وهي هتفتكر كلامه ليها 
من ساعة الموضوع اللي في دماغه واللي عرضه عليك وانت رفضت وأني كمان رفضت وهو حالته ما يعلم بها إلا ربنا وهيسوء فيها كل يوم عن اليوم اللي قبله واني ما عدتش متحملة عاد يا ريتني اموت. 
دعاء مش فاهمه حاجة من الكلام اللي بيقولوه وقررت تسأله لكن لما يطلعوا شقتهم علشان تفهم وحاولت تهدي نغم  وشجعتها بدون ما تخاف من سند 
شوفي يا نغم  انت بصراحة سايباه يبهدل فيكي عمال على بطال اني لو منك اروح القسم اعمل في بلاغ واسجنه وتستريحي منيه ومن قرفه لكن انتي هترفضي وهتقولي مهسجنش ابو ولادي عاد ومضطره تتحملي القرف اللي انت هتتحمليه دي. 
ما اقدرش يا دعاء  دي ابو بتي ما اقدرش اسجنه وبتي وولدي يبقوا ذنبهم في رقبتي الخلايق كلها ما هتبصلهمش لما يعرفوا ان ابوهم مسجون ورد سجون كل شوية أني هتحمل كل حاجة علشان خاطر ولادي اللي لولاهم كان زماني طفشت وهجيت من البلد كلاتها ومحدش عرف لي طريق لكن ولادي هم الشوكة اللي في ضهري اللي مضطرة أتحمل ألمها لحد ما يكبروا. 

في أوضة دعاء  وسند  في نهاية اليوم سألته دعاء بفضول
موضوع ايه دي اللي هتتحدت عنيه نغم  واللي اخوك طلبه منكم انتو التنين وانتم رافضين وهيحل المشكلة كلاتها ما تخبيش عني علشان ما اعرفش من خالتي وقتها هزعل وياك جامد
سند  ما كانش طايق نفسه ورد عليها
على اساس هيفرق زعلك من عدمه في علاقتي وياكي! بعدي عني الساعة دي اني ولا طايق حالي ولا طايق نفسي ولا طايق الدنيا كلاتها تعرفي مكان ما تعرفي شيء ما يخصنيش .
ماشي يا سند  خليك فاكر ردك علي دي وطريقتك اللي هتتعامل بيها وياي. 
وسابته والفضول هياكلها ونزلت على خالتها اللي قعدت جنبها وهي بتسألها وهي طبعا كانت خاېفة تقول لها عن اللي سمير  عايزه من أخوه لكن فضلت تتحايل عليها لحد ما جاوبتها بعيون زايغة 
سمير  رايد أخوه يتجوز طليقته وبعد هبابة يطلقها وهو يرجع لها تاني ونخلصه منيه الموال المهبب دي لكن هو ما راضيش ولا هي راضية. 
واه يا خالة كيف الكلام ده هو ينفع الاخ يتجوز طليقة اخوه
هيقولوا الشرع ما يحرمش يا بتي وطالما الشرع ما هيحرمش ايه المانعالا اذا كنتي انتي اللي هترفضي وقتها. 
دعاء  حست إنها فرصة علشان تخلص من ملامات سند  اللي ما بتنتهيش وزهقه وعصبيته عليها هي والعيال وحاسه انها عايشة في قلق وتوتر بسببه طول الوقت بسبب علاقتهم الزوجية اللي مش في دماغها نهائي وردت على حماتها باللي صدمها 
وماله يا خالتي ما يتجوزها طالما ما هيفرجش علينا الناس كل يوم والتاني وطالما حلال وشرع ربنا ايه المانع عاد
واه يا بت اختي كانك ما هتغيريش على جوزك وعايزه تجوزيه لواحدة غيرك بالسهولة دي اللي هيجري في عروقك ده ډم ولا مي
ربنا قال متنى وثلاثة ورباع واني مش هعترض على شرع ربنا يا خالة وبعدين دي جواز صوري يعني اني شايفة انك تضغطي على ولدك سند  انه يوافق وبصراحة اني ولادي هيتأثروا بسمعة عمهم وولاد عمهم وهو كل يوم والتاني هيفضحنا في البلد اني عندي بنت وهخاف على سمعتها اكده محدش هيفكر يخش بيتنا في يوم من الايام بسبب ولدك الصراحة بقى. 
قومي يا دعاء  قومي من قدامي علشان اني هحط صوابعي العشرة في الشق منك ومن برودك يا بت اختي خليكي اكده نافرة جوزك لحد ما يهرب ويطفش من عشك بسبب انك ما هتديهوش حق واصل كانك ما فاكراش اني ما عارفاش اسلوبك وياه!
كل يوم زعيقه وخڼاقه هيوصل لي وهو يا حبة عيني متحمل قرفك علشان اختي وما اخسرهاش كتمة على نفسي وساكتة وشاربة حسرة ولدي وقهرته على شبابه ما لكيش صالح بالموضوع دي روحي لاولادك اللي واكلين راسك وما شايفاش في الدنيا غيرهم حتى نفسك. 

اتجوزها ياولدي اخوك فضحنا في البلد كلاتها هي حصلت يته جم عليها ويعريها قدام الخلايق علشان اللي في راسه أني خاېف على العيال من بطشه يا سند .
وكمل كلامه وهو بيكح بالعافية ومش قادر ياخد نفسه
أني بقيت راجل عاجز ومهخرجش من أوضتي لو كنت بصحتي كنت وقفتله وهديته لكن هو جاب لي الش لل وأمك منها لله هتقويه علي وهتتعامل وياه على إنه الحيلة بتاعها وميهمهاش العاړ ولا الفضايح عاد . 
سند بقى محاصر من جميع الجوانب ومبقاش عارف يلاحق على مصايب اخوه وغير مشاكله مع مراته اللي مبتنتهيش ورد على أبوه بطاعة
حاضر يابوي هجيب المأذون ... 
ايه رايكم في الروايه مش تقليديه خالص وافكارها مختلفه تماما طبعا المهم ان في حلقه خاصه لمشاعر موقده هتنزل في جروب ديوان الراي والراي الاخر ادخلوا الجروب يا بنات علشان الحلقه تحفه ورومانسيه جدا وهتعجبكم قوي وطبعا مستنيه رايكم في الفصل وعايزه ريفيوهات تكسر الجروب دمتم في رعايه الله وامنه حبيباتي
انتهي_البارت
النغم_الحزين
أستحقك_سندي_ولكن
ملحمة_صعيدي_اجتماعي_رومانسي_خطيرة
بقلمي_فاطيما_يوسف
مستنية_رأيكم_وتوقعاتكم