الفصل الثاني رواية النغم الحزين أستحقك سندي ولكن ملحمة صعيدي اجتماعي رومانسي خطېرة بقلمي فاطيما يوسف حصريه وجديده

سنيورة ولما إنت ھتموتي على جوزك قوي اكده وهترمحي وراه في كل حتة ما رايدهاش تسمعي كلامه ليه بدل ما إنت ڤضحانا في البلد كلاتها وهيقولوا إنك عايشة وياه في الحړام بالك إنت خلاصك هيكون على يدي يا بت حناوي الخمورجي.
نغم كانت لسه واخدة جرعة تقوية من سند وعلمها إنها ما تسمحش لأي حد في الدنيا يغلط فيها حتى لو كان مين طالما هي ما بدأتش بالغلط ولازم تاخد حقها أول بأول لأن طول ما هي بتسكت طول ما الكل هيدوس عليها وطول ما هي شايفة نفسها ضعيفة الكل هيستضعفها ويديها فوق دماغها ردت عليها لأول مرة لكن بقوة مصطنعة حاولت تستدعيها بشتى الطرق
إذا كنت أني بنت حناوي الخمورجي فإنت كمان حداكي نفس الصنف يا حماتي ما ابنك ما شاء الله مش خمورجي بس لا داي رد سجون كمان وما حدش فلت من أذاه في البلد الصغير والكبير هيكرهه يعني لا تعايرني ولا أعايرك الهم طايلني وطايلك.
رابحة بقت واقفة مصډومة وهي فاتحة بقها على وسعه وقعدت حواجبها بذهول وهي بتسمع لكلام نغم لأول مرة في حياتها تتكلم معاها بالطريقة داي فقربت منها ومسكتها بدراعها وهي بتهزها بع نف
حړق اللي جابوكي يا واكلة ناسك كيف يا بت تتحدتي وياي بالطريقة الشين داي وكمان هتعلي صوتك على أسيادك وهتسويني بيكي يا عرة الحريم داي أني هخلي نسوان البلد كلاتها تتفرج عليكي النهاردة من اللي هعمله فيكي يا بت حناوي علشان تحرمي تردي علي بعد اكده واصل.
ابنها محمد بقى فاهم طريقة جدته واللي هتعمله مع أمه ما هو مش صغير في أولى ابتدائي وبقى واعي شوية جري على دوار عمو سند اللي دايما أمه بتجري عليه وهو بينهج
الحق يا عم سند الحق ست رابحة هتمسك أمي وهتض ربها وعمالة تبهدلها على الآخر وأمي ما قادراش تصد قصادها الحق أمي يا عم سند.
سند نفخ بضيق من أمه وأخوه وخلاص ما بقاش متحمل طريقتهم والطريقة اللي بتعاملوا بيها مع نغم وكل يوم والتاني فضايح إذا كان من أمه ولا من أخوه فلبس جلابيته وجري على أمه وقبل ما تمد يديها وتنزل بالقلم على وش نغم كان رافع يديها وواقف قصادها وهو بيقول لها بصوت هادي علشان هي أمه طبعا
ليه يا حاجة تنقصي بحالك وبقيمتك اكده ليه تمدي يدك عليها وهي في مقام بتك وتسمعي الناس بينا بالشكل داي يا أمي داي بني آدمة حرام عليك تتبهدليها قدام عيالها كل يوم والتاني بالشكل داي عاد.
أمه كانت بتحاول تفك نفسها من ايديه بع نف وهي بتجز على أسنانها پغضب وهتحلف قدامهم إنها لازم تض ربها
وسع يا سند سيب يدي إنت ما تعرفش هي قالت إيه قليلة الرباية داي اللي جاية من ورا الزرايب بت الخمورجي هتعلي صوتها علي وهتساوي راسها براسي لازم أقط ع لها لسانها اللي هتتعالى بيه على ستها وتاج راسها. وسع يدي يا ولدي.
هنا ابن نغم نطق وهو بيقول لسته بقوة
حرام عليكي يا ستي تض ربي أمي إحنا كنا داخلين دارنا وانت اللي جيتي شتمتيها حرام عليكي يا ستي كل يوم تض ربي أمي حرام عليكي.
والله عال حتى العيال اللصغيرة هترد علي ما مربياش ولادك إن ستهم وما ينفعش يعلو حسهم علي وما يدخلوش في كلام الكبارات وانت قاعدة تاكلي وتشربي وتحشي كيف البهايم وحتى تربية العيال فاشلة فيهم.
سند على صوته وهو بيشد أمه علشان يوديها ناحية دوارها ويخلص من الحوارات اللي ما بتنتهيش داي كل يوم
بزياداكي عاد يلا يا حاجة ارجعي على دارك الناس هتتفرج علينا وما ينفعش اللي بيحصل داي إنت الكبيرة وانت اللي جيتي حداها وهتعيطيها كل يوم والتاني.
نغم قربت منها وهي بټعيط وبتسألها السؤال اللي كانت كاتماه في قلبها من سنين وهي حاسة بحړقة من جواها
إنت ليه هتكرهيني قوي اكده أني عمري ما عملت لك حاجة من ساعة ما دخلت البيت داي غير كل خير و تحت رجليك علطول هعمل لك كل اللي إنت رايداه حتى من قبل ما تطلبيه هخدمك بعيني قبل يدي عمرك ما عملتي في سلفتي اكده كيف ما هتعملي معاي بالرغم من إنها عمرها ما ناولتك بق مية ليه هتعايريني بذنب مش ذنبي وهتجيبي سيرة أبويا وأمي كل ما هتشوفيني مع إنهم ما هيعتبوش دوارك أبدا.
وكملت كلامها وهي بټعيط وبتبص لابنها اللي واقف يطبطب عليها ودموعه نازلة على وشه قهر على أمه اللي كل يوم تتبهدل قدامه وكل داي هيتسجل في قلبه
ليه تخلي منظري قدام ولادي بالشكل داي وتقهري قلبهم على أمهم وانت هتعامليني كأني حشرة مع إنهم هيشوفوني تحت رجليكي هم مش دول أحفادك ابن ولدك اللي على الحجر والمفروض يكونوا أقرب لقلبك من أي حد حرام عليكي كل اللي هتعمليه في وكل اللي عملتيه قبل سابق ما مسامحاكيش يا حاجة.
لأول مرة سند  بص لها بنظرة مختلفة نظرة واحد عايز ياخد الست دي اللي اتبهدلت واتمرمطت ويخبيها جوه ضلوعه ويدافع عنها على الذل اللي هي شافته نظرة راجل صعيدي جدع شايف ما يقبلش الظلم أبدا وشايف واحدة قدامه بتتمرمط كل يوم والتاني علشان بس أبسط حقوقها في الحياة تاكل وتشرب وتعيش وتربي ولادها بقى عايز يسحبها لصدره ويطبطب عليها كأنه أخوها ويبوسها من راسها وهو بيعتذر لها عن كل اللي بيبهدلوها ومش قادر يعمل أكتر من اللي بيعمله لقى نفسه بيبص لها بعيون كلها تشجيع على قوتها وهو بيصبرها وبيقويها قدام أمه
حقك علي أني يا أم محمد إنت والله خيرة الناس وخيرة الستات واللي هيقول في حقك كلمة عيب مردودة له عند ربنا يعلم ربنا إنك من ساعة ما دخلت البيت داي وهتحترمي الكبير والصغير ولسانك ما هيقولش غير حاضر ونعم وإذا كانت أمي هتشد عليكي بكلمتين ست كبيرة امسحيها في أني يلا خدي ولادك وادخلي على دارك خديهم في حضنك وما تعيطيش قدامهم أبدا وتعودي إنك ما تخافيش طول ما ربك وأني موجود.
خلص كلامه ليها وسابها ومشي ودخل لأمة وهو هيحذرها بكل هدوء من غير ما يعلي صوته بعد ما رمى السلام على خالته
لو سمحتي يا حاجة بزياداكي عاد پهدلة في أم محمد مش كل يوم والتاني هتشتميها الشتايم الشنيعة داي وتفرجي الخلق عليها وعلينا إحنا كمان راعي إن أبوي راجل مريض وما هيتحملش الحاجات داي واصل اكبري بمقامك يا أمي مش هقول لك أكتر من اكده.
خالته بتحب نغم جدا لأنها كل لما تيجي بتعاملها كويس أحسن من أختها اللي في بيتها فبصت لأختها وهي بتنصحها
والله العظيم حرام عليكي يا ربحة اللي هتعمليه في الغلبانة داي بنات اليومين دول لو ابنك اتجوز واحدة منهم ما هتشيلكيش فوق راسها كيف البنية الغلبانة داي ما هتخليكيش تشيلي قشاية من الأرض وكمان لسانها زين