غبار الذهب الجزء الثاني من رواية ( وادي الزعيم )  البارت الاول بقلم عبير ادريس

؟
_ اطراف بغداد من جهة الدورة شجابج هنا بالجول وحدج ؟
نهيل اني انخطفت وكعدت لكيت نفسي هنا
من سمع بسالفتي سد الجامة ومشى سريع تارك وراه التراب والرمل عمى عيوني ، كمت احكها بقوة حسيت بحړقة رجعت ليورا وانتظر عسى ولعل تجي سيارة ثانية اوكفها بس هالمرة ما راح احجي الحقيقة راح اكول انكلب بينا السيارة واغمى علية ومن كعدت ما لكيت اهلي وهسه اني ضايعة ما اعرف وين اروح وبالفعل وكفت تكسي وهيج حجيت تعاطف وياية واخذني رجعني للكاظمية نزلت كبال البيت وقريت قطعة اختي اللي انقتلت بسببي لوما رجعتي ألهم ما اتوقع ثروان يتذكرها اني ذكرته بيها كله بسببي اللي صار ، دخلت للبيت بخطوات ثكيلة جانت الباب مردودة سمعت اصوات رجال تحجي حجي مو مفهوم فتحت الباب الداخلي صاروا كبالي تيام و واحد ثاني شايفته هووواي قبل باوعلي عكد حاجبه بيني وبينك ثار همام تمتمت بصوت مسموع
همام وين جنتي ؟
كام تيام وصل يمي راد يضربني عكد حاجبه من شاف وضعي والحال اللي وصلتله ..
تيام وين جنتي ؟ وشنو صاير وياج ؟
ابتسمت بتعب وشمرت نفسي على القنفة باوعت للسكف وبديت احجي بتعب...
نهيل جانت الساعة ١١٥٩ دقيقة من وصلت للبيت الكبير وية امي اللي متجاهلة توسلاتي بيها حتى تتركني لدراستي ومدرستي ناهينا عن والدي السكير اللي يريد فلوس من امي كل يوم حتى يشرب بيهن ، وكفت كبال البيت الكبير وبابه الكبيرة طرقاتي على الباب جانت بقبضة غاضبة محد فتح الباب مشيت ما اعرف وين رايحة بس استوقفتني اشارة حمراء ونفايات تغطي الارصفة على الجهة البعيدة اكو سلالم صلصالية متداعية انسحبت من ايدي نهرتي امي وكالت ..
_ وين وليتي بس غفلت عنج مشيتي ماكو رجعة للبيت
مشيت وراها بجسد منتهي وصلنا لبيتكم دخلت اول مرة واشوف مناظر تشبه منظر ابوية ، اجساد خاملة ساكنة سكرة عيونهم مغمضة ، اباوع على الجدران كلها كتابات بذيئة الساعة شارفت على منتصف الليل وكفت بوسط هذا البيت الكبير من بعدما فتحت ابواب الچحيم علية وعلى اخواتي خيلاء وسديل اللي جانوا يشتغلون خدم عند خالة ام ضياء حتى هم يجيبون فلوس لبابا ...
_ شوفي نهيل جبتج هنا مو حتى تنظفين لا حتى تجيبين علوم لأبوج
نهيل يعني تريديني اتنسط عليهم قصدج ؟
_ اي بس مو على الكل واحد معين باجر اعرفج عليه
نهيل وليش تسوين بية هيج وتضيعين مستقبلي اني اريد اعيش ، وراح اقبل اروح اشتغل يم ام ضياء وية اخواتي بس لا تخليني هنا حبابة اخاڤ
_ تريدين ابوج ېموت؟ غصبن عليج تسوين اللي كلتلج عليه
نهيل ليش ېموت وشنو هذا الشي اللي يريد يعرفه غير افتهم ؟
_ اسمعي لج هنا ماكو اسأله كلشي اكوله تكولين تم
نهيل وليش ما انتِ تتسمعين عليهم وتجيبيله هاي المعلومات الخطېرة ليش اني ليش ..
كمت اصړخ تقربت سدت حلكي بيدها بقوة اختنكت روحي رادت تطلع نزلت دموعي على حالي وحالها متسائلة شنو اللي وصل امي لهاي المرحلة ماما تحبنا وتخاف علينا وجانت ما تقبل احد يشوفنا من هذا البيت تكول ماما يطمعون بيكم شنو اللي صار وخلاها تذبني طعم لهذا شاهين الكلب ...
_ اريدج تراقبين شاهين شنو يصير وياه تبلغيني حتى لو تثاوب عطس كح تكولين ماما هيج سوة شاهين ..
نهيل شاهين منو وليش تريديني هيج اسوي فهميني مو راح انجن
_ سوي اللي كلتلج عليه وانتِ ساكتة
جنت مجلبة بملابسها پخوف مړعوپة ما مصدكة