غبار الذهب الجزء الثاني من رواية ( وادي الزعيم )  البارت الاول بقلم عبير ادريس

هاي امي ...
همام انطيها مسكن وخلي سديل تدخلها الحمام اني رايح لخيلاء اشوف وضعها وارجع
تيام ماكو داعي تروح كل يوم اذا صار تطور بحالتها يتصلون علينا
همام حتى لو ماكو امل ما اتركها ابد 
طلع همام وراح تيام لسديل حتى يبلغها بحالة اختها وتجي تساعدها ..
تيام سديل نايمة بعدج ؟
سديل پقهر كالت
سديل لا بس مغمضة عيوني ۏجع راسي دمرني
تيام سلامتج ياروحي ، اكلج نهيل بالهول كاعدة ومحتاجتج
سديل ما اريدها ولا اريد اسمع اسمها هي مو ولت ليش رجعت
تيام اختج هاي سديل وما تعرفين شنو اللي مرت بيه اسمعيها احتويها مهما يكون اختج الجبيرة
سديل قبل بسببها ضعنا وهسه بسببها اختي ماټت وبنت اختي ما اعرف وينها وشنو مصيرها
تيام سديل نهيل تعبانة
قاطعته بقوة وكالت
سديل اني هم تعبانة عوفوني ما اريد اسمع ولا اشوف ولا احجي وية اي احد وديني لقبر خيلاء اريد ازورها
تيام ما يصير تزوريها قبل الاربعين
سديل گلبي ڼار لا خليتني اودعها ولا اشمها ولا احضر غسلها ليش هيج سويت بية ما راح اسامحك ابد
تيام كل اللي سويته لمصلحتكم يجي يوم وراح تسامحيني على كلشي سويته
سديل ما اسامحك ولا ابريك الذمة وكلشي بينا انتهى والا احرمك من ابنك يا تيام
تيام احرميني واحركيني وشنو تسوين سوي بس كومي ساعدي اختج ما اعرف شنو صاير وياها ومتقبل تحجي شي كاعدة تتذكر الماضي تسولف ودموعها تنزل
سديل ضميرها يوجعها الحقېرة اختها ماټت بسببها وقبلها ماما
تيام وتالي وياج سديل وتالي ؟
سديل كايمة كايمة بس اشوفها وهذا هو لا تتوقع مني اكثر من هيج
تيام واني هذا اللي اريده بس شوفيها شبيها
طلعت من الغرفة وكلي كره ألها ولأفعالها بس من تقربت وشفت وضعها گلبي دك لدرجة راد يطلع من صدري الخوة بداخلي فزعتلها تقربت منها جانت تهذي بكلام ما مفهوم ودموعها تنزل على خدها تقربت لزمت وجها وهمست..
سديل منو مسوي بيج هيج ؟
سمعت صوتي جسمها صار يهتز تبجي بقوة وتشيل راسها وتركعه بالمخدة وتصيح ..
نهيل اني ضيعتكم وضيعت نفسي كل اللي صار بسببي ماما ماټت واختي اريد اموت تعبت
انداريت لتيام جان واكف يسمع وعاكد حاجبه ..
سديل منو مسوي بيها هيج ؟ و وين جانت صارلها ٣ ايام
تيام هذا اللي اريدج تعرفيه منها
سديل خلينا ناخذها للمستشفى ترة واضح معتدين عليها
تيام معلوماتج خطېرة
سديل بلا استهزاء الله يخيلك ما تشوغ الوضع شكد صعب
تيام شايف ومبين شنو صايرلها واعرف تحتاج مستشفى دخليها للحمام سبحيها وغيري ملابسها وبلكت ترتاح وتحجيلج وراها اخذها مستشفى
هزيت راسي بالايجاب ورجعت باوعتلها وعيوني كلها خوف اخذتها من ايديها ومشيت بيها للحمام سلمتلي نفسها بكل خضوع بديت انزعها ملابسها جانت تتألم بدون صوت بس دموعها تنزل جسمها مليان كدمات..
سديل اللي صارلج مو غريب علية اني عشته مو مرة اكثر ونفس هاي الحالة مريت بيها نفس الآثار الھمجية الضاهر مكتوبلنا نتشارك بنفس المصير ونفس اللوعة ونعيش بغربة داخل اجسادنا
نهيل بتعب
نهيل مو اول مرة اتعرض لهيج موقف ولا اول مرة اثق وانغدر ولا اول مرة العن نفسي لان وثقت بالبشر
سديل قصدج بالوحوش البشرية
نهيل برأيج ليش احنا هيج يصير بينا ؟ شنو السبب؟ معقولة مسوين شي غلط يغضب ربنا حتى نوصل لهذا الحال
سديل خليني ساكتة نهيل عندي عتب الج بكد الدنيا
نهيل كلشي تفكرين بيه اتجاهي غلط صدكيني
سديل شنو الي خلاج تبيعينا ليش ركضتي ورة شاهين شنو اللي عجبج بيه ؟
نهيل هذا كل همج ما همج الي صارلي ولا همج الحال اللي وصلتله ولا