رواية عريس_قيد_الرفض بين_الرفض_والقدر الفصل_التاسع بقلم عفاف_شريف حصريه وجديده

هذه وتلك.
وهو لا يقصر
يعمل ليل نهار
وفي النهاية
هو المقصر بأي حال من الأحوال.
وهو لا يعلم كيف يساعده.
زم شفتيه ناطقا بما يعلم أنه سيرفضه
"أحمد
أنت عارف أني بقول كده مش مجرد كلام.
اسمح لي فستان عروستك يكون هدية مني ليكم."
رفع أحمد رأسه يناظره بحدة
قبل أن يحمل حقيبته وينتفض من مكانه مقررا المغادرة.
لتمنعه يد تميم التي أمسكت بمعصمه
وهو يقول مشددا
"أحمد لو سمحت اقعد!"
نظر له الآخر لعدة ثوان
قبل أن يلقي حقيبته مرة أخرى جالسا قائلا بحسم
"آخر مرة يا تميم
أنا مش بحكيلك عشان تقولي كده
عيب يا تميم.
معقول متعرفنيش"
رمقه الآخر پغضب وهو يقول
"شكلك أنت اللي مش عرفني.
أنت عارف أني عارف أنك بتفضفض
بس قولي لو أنا صاحبك الوحيد مشلتش همك
وشلت عنك
مين يشيل
أنا اللي زعلان يا أحمد.
المفروض أنا أول حد تطلب منه
مش تروح للأغراب.
أنا أقرب ليك منهم.
أنا صاحبك
اللي لو طلبت عيني هديهالك وأنا مغمض.
اللي بينا أكبر من صداقة.
أنت أخويا يلا
قالها وهو يربت على كتفه وهو يكمل
"أنت زي حسام وأمير عندي
ويعلم ربنا
بس أنت مضغوط هتعمل إيه.
يا عم اعتبرهم دين
ووقت ما تحب وربك ييسر سدد.
ولو أنك عارف رفضي للموضوع
بس تمام لأجل كرامتك يا أخويا."
قالها ممازحا.
تنهد أحمد بضيق وهو يقول
"لا يا تميم
أنت فاكر أن ده الحل يعني
أن كل ما تحتاج حاجة فوق طاقتي
هروح أستلف.
ليه بجد
ما هي زيي شايفه الوضع والغلاء.
ليه تيجي عليا
لا يا تميم!
أنا خلاص جبت آخرى بجد.
ليه أنا بس الطرف اللي بيعافر في العلاقة دي
كأني بحب من طرف واحد."
الجملة الاخيرة لامست قلب تميم
ذكرته بنفسه.
وصل إلى منزله بعد خوض نقاش طويل مع أحمد. هو لا يعلم كيف يساعده يرفض أي مساعدة رغم أنه لا يراها هكذا. هو أخوه مثل حسام كيف يتركه هكذا كيف يطاوعه قلبه
دلف إلى المنزل الهادئ قابل منير وقد كان مغادرا ليسأله بهدوء
"بابا نام يا عم منير"
أومأ له الآخر مجيبا بتأكيد
"أيوة يا ابني وأنا همشي اهو. أحطلك العشا قبل ما امشي."
ربت على كتفه وهو يهز رأسه نافيا شاكرا إياها.
ليسرع بالصعود والاطمئنان على والده قبل أن يخلد للنوم.
اطمأن عليه دثره جيدا وقبل جبينه. كم يعاني ليرضيه لكن كيف تلك المرة وقلبه هو المتضرر.
صوت وصول رسالة ظنها من أحمد. أخرج هاتفه وفتحه بلا مبالاة لتصطدم عيناه برسالة لم تكن من حسام كانت من اخر من توقع آسيا قريبة قطعة السكر.
يتبع