رواية بعنوان إمراءة بين الطلاق والفقد الحلقة الأولى 1 بقلم الكاتبه ميمي حصريه وجديده
رواية بعنوان
إمراءة_بين_الطلاق_والفقد الحلقة الأولى 1 بقلم الكاتبه ميمي حصريه وجديده
دائما نحاول إرضاء غيرنا .. على حساب راحتنا وسعادتنا .. لكنهم لا يرضوا ولو اشعلنا لهم اصابعنا العشر .. والاسوء من هذا نكرانهم الجميل وجحودهم ..
________________________________________
رن المنبه ..
فتحت عين وحدة وشبحت للساعة كانت الساعة 6 ..
حور اوووف بسرعة جت الستة نحس ليا دقايق بس راقدة ..
من الأرق نضت بالسيف طلعت للمطبخ بعد ما غسلت وجهي .. عبيت البراد اميه وحطيته ع الڼار طلعت دحي من الثلاجة نص حطيته في الغلاية نطبخ فيهم والنص الباقي بنقليه مع الطماطم لأنه محمد يحب الفطور يكون دحي بالطماطم .. مشيت للصالة نوضت الصغار ..
حور بوفا يا ماما يلا نوضوا جي الصبح ..
مصطفي فتح عيونه ..
مصطفي يا ماما مزال نعسان ..
حور يلا حبيبي نوض بس الكسلان يقعد راقد لتوا يلا بوفا نوض ..
انوض فيهم ونمشي للمطبخ ونولي نلقاهم مزال راقدين ..
حور الساعة 7 بوكم راح يخليكم ويمشي ..
ههههه ناضوا بسرعة ومعاش عرفوا شنو يديروا .. مشيت للدار جبتلهم حوايجهم وجيت لبين ماغسلوا وجوهم .. بدلتلهم وهما نعسانين كملتهم ومشيت قصيت الطماطم ناعم وحطيته في الطاجين وحطيت شاهي في البراد و وتيت الصفرة .. حطيت الدحي المطبوخ في صونية وصونية حطيت فيهم زيتون وطماطم وخيار احني هكي نحبوا مع الدحي المطبوخ و وتيت طواسي الشاهي ومشيت لي داري بنوض محمد ..
حور محمد محمد ..
محمد اممممممم شوية شوية ..
حور محمد توا الساعة 6 ونص على ما تفطر وتبدل تجي الساعة 7 ..
محمد نايض نايض ..
فتح عينه ..
محمد حددتيلي حوايجي
حور اي حبيبي من الليل ولمعتلك حتي الحذاء والشخاشير اهم اهني اني بنمشي نحط الصفرة لبين ماتغسل ..
مشيت قليت الطماطم و حطيت الدحي فوقه وطيبتهم وبعدها طلعت .. مشيت لمېت فراشات الصغار وحطيتهم فوق الدولاب في الدار احني عندنا دار وحدة في الحوش والاولاد يرقدوا في الصالة .. جبت صفرة الفطور حطيتها ومشيت جبت الحليب للصغار شربوا ودرتلهم ساندوتشات .. جي محمد قعمز صبيتله شاهلي كلوا و كملوا ..
محمد يلا بابا بسرعة ماتعطلونيش وقت عليا نكمل تبديل نلقاكم واقفين جنب السيارة ..
مصطفي ومرتضي ماما شخاشيرنا وين
حور نوضوا اغسلوا ايديكم بالصابون وتوا انوض انجيبهم ..
جبت الشخاشير و لبستهم ..
محمد حور وين السبتة متاعي
مشيت للدار طلعتها ..
حور اهيا قدامك ع الطاولة ..
عطيته السبتة اللي هيا نفسها الحزام للي مش فاهم المعني .. ومشيت درت للصغار فطورهم والفواكه وشكلاطتهم في شناطيهم ورجعت لي محمد ..
محمد يلا اني طالع محتاجة شي
بوسته ..
حور سلامتك حبيبي بس جيب معاك خضرة وانت مروح ..
وصلتهم للباب وخشيت صبيت طاسة شاهي قبل بناكل بس ماعنديش نية .. شربت الشاهي ونضت قمت الصفرة للمطبخ وغسلت الماعين وكملت المطبخ طلعت لحم وحطيته برا بيش اندير الغدي ووتيت خضرة الغدي .. طلعت لفيت ع الحوش وحولت الحوايج اللس يبوا غسل وحطيتهم في الغسالة نظفت وكملت شبحت للساعة لقيتها ال ونص .. مشيت للدار تمددت ع السرير بين الراقدة والنايضة انطق الروشن بالقوة .. نقزت من مكاني شبحت لقيتها عمتي ..
الحاجة مريم عليك حظوظ قاعدة راقدة لتوا
حور لا ياعمتي مش راقدة ..
الحاجة مريم ترقدي والا تنوضي مادخليش بيك بس اني نبي نمشي للسوق وحطيت الغدي ع الڼار شوية وامشي للحوش شوفيه ..
خلتني ومشت .. مشيت للمطبخ رديت اللحم متاعي في الثلاجة وحطيت وشاحي ع راسي ومشيت لي
