رواية بعنوان إمراءة بين الطلاق والفقد الحلقة الأولى 1 بقلم الكاتبه ميمي حصريه وجديده

حوايج جدد او انت جبتلي الحوايج اللي يعجبوك وكنت لبستهولك اهو خوي زياد وخوك حسام هما اللي يجيبوا في حوايج النوم لنساوينهم برواحهم وغير شن يبن وهن ماعندهنش ربع جمالي انت طلعت واحد اناني ماقدرتش تعبي وحبي وسكوتي ع ظلم امك وكيف دايرتني خدامة ليها ولي حوشكم في سبيل رضاك كنت نمشي نجيب فلوس من اهلي ونعطيك اذا مضايق وماعندكش وانت تمشي تشري بيش تلبس وتخطب والله اعلم شن مزال داير من وراي انت شنو شنو فهمني طلقنيييييي يا محمد طلقنننني ..
وقعدت نعيط بصوت عالي ..
محمد خلاص اس فضحتينا خطبت وانتهي الموضوع وانتي اعلمتي واللي صار صار شن بديري انتي في مكانك وهيا في مكانها اقعدي ربي صغارك واني مش راح انقصر معاك ردي بالك تتهوري ..
حور هههههه نجوم السما اقربلك مستحيل نقعد ع ذمتك اذا خذيتها وتزوجت ..
محمد وشن تبي مثلا انسيبها واني اليوم بس كيف خطبتها !
حور لا اطلقني اني لانه مستحيل نعيش مع انسان خاېن ومايقدرش تعبي وناكر للجميل زيك طلقني واعطيني حقوقي وبناخذ صغاري وانت اقعد مع حبيبة القلب ..
محمد هههههه تحلمي حقوق ماعندكش عندي وصغاري مايخطوش خطوة برا الحوش اذا تبي انتي تفضلي خوذي حوايجك وامشي لي حوش اهلك ..
حور انت اهبلت والا شنو هالحوش والسيارة من ذهبي وفلوسي اني والا ناسي وصغاري اني احق بيهم تحلم نخليهم عندك ..
محمد ماتتجاوزيش حدودك ماتخلينيش نتعامل معاك غير تعامل كل شي بي أسمي وهذا اللي عندي واني توا طالع فكري كويس والعني الشيطان احسن ما تخسري كل شي في لحظة ..
سكر الباب بقوة وطلع واني دموعي عشرة عشرة تنزل ..
حور بيني وبين نفسي لا مستحيل اني اكيد نحلم اي هاذا حلم محمد يحبني كان يقولي انتي حوريتي ..
خشيت لي داري واني نبكي ..
حور بوفا ماما امشوا تفرجوا ع التلفزيون ..
مصطفى ماما خيرك تبكي 
حور ما في شي حبيبي مريضة بس ..
مرتضى ماما اني جيعان البيتزا وين 
حور توا انديرلكم بس اطلعوا شوية ..
طلعوا وقفت مقابلة المرايا ونشبح لي روحي ولي وجهي التعبان .. شعري لافاته وليا فترة طويلة مش صبغاته نحس في روحي فعلا كبرت .. كبرت واني مهتمة بي راجلي بيش انطلعه في أبهى صورة وبيش انقري صغاري ويطلعوا من المتفوقين هملت روحي بيش نرضيه ونرضي عمتي وماتحكيش عليا واخرتها تكون جزاتي انهم يمشوا يخطبوله من وراي .. خبطت ع وجهي ..
حور ياغبية شن درتي في روحك مش هاذا نفسه اللي حبيتيه وقريب قټلتي روحك عليه بيش تاخذيه مش هو نفسه اللي قالك راح انعيشك في دلال وسعادة يووووه ياحور عيونك العسليات وين مشن وجهك الابيض شن اللي سمره هكي انتي كبرتي وانتي مش ملاحظة روحك وين حور المرحة والجميلة وينها !
انتبهت ع روحي ..
________________________________________
اي اني حور ..
البنت الصغيرة والمدللة في حوش اهلي .. عندي اخ واحد اسمه زياد متزوج وعنده ولدين وبنت .. وعندي اخت وحدة اسمها فرح متزوجة ولد عمي وعندها زوز بنات .. اني المدللة عند اهلي وطلباتي اوامر .. بابا الله يرحمه ماكانش منقص عليا شي .. لما كنت في الجامعة ماجبرنيش حتي على الحجاب او فرض عليا لبس معين .. كانت مواصفاتي حلوة وبيضا الكل في الجامعة كان يتمنى يحصلني .. ع رغم تحرري ولكن ماخالفتش تربيتي واخلاقي وما اهتميتش لي ولا واحد في الجامعة ماعدا محمد .. هو اللي خذي