رواية بعنوان إمراءة بين الطلاق والفقد الحلقة الأولى 1 بقلم الكاتبه ميمي حصريه وجديده

بس نبي ناخذ اختي ونمشي ..
زياد شبحلي پغضب ..
زياد هيا نوضي يلا ..
محمد احسبي حسابك اذا طلعتي معاش راح تشوفي ظفر من اظافر اولادك حطيها في بالك ..
زياد وخليهم ليك مانبيهمش تبيها تربي وتتعب عليهم وفي الاخير يطلعوا زي بوهم حقېر ونذل وناقص ..
محمد ناض ضړب زياد وزياد رجع ضربه واني مڼهارة في وسطهم ..
حور خوي نبوس يدك روح مانقدرش نجي اذا اولادي مش معاي واذا ماعرفتش ليش كسرني مش راح نرتاح ..
زياد اشرلي بي صبعه ..
زياد اسمعي حور لو ما امي لحت عليا ماكنتش جيت اهني وهاذي ثاني مرة تكسري في كلمتي وماتسمعيهاش انتي حرة اقعدي بس ماتجينيش شي يوم وتقولي الحقني ياخوي لما يديرك خدامة عند مرته زي ماضيع جمالك وخلاك خدامة ليه ولي اهله ..
قال هالكلمتين وخلانا وطلع .. شبحت لي محمد كان يشبح بتكابر ولا كأنه غالط في حقي لا جي اعتذر ولا حتي برر ..
حور حبيبي بوفا خوذ خوك وخشوا الداخل ..
مانبيش اولادي يسمعوا كلامنا ..
حور ليش محمد ليش وين مشي حبك لي حور اني حور اللي حباتك واتحدت الدنيا ع خاطرك منو اللي فضلتها عليا معقولة تحبها وتبيها لدرجة تبيعني اني وصغارك عشانها وليش اني ماحسيتش معقولة اني هكي مغفلة وكنت راقدة ع اوذاني ومانعلمش شن ادير من وراي 
قعد هو ساكت ويشبحلي ..
حور احكي ماتسكتش فهمني ..
قعدت نعيط عليه ونبكي ..
محمد اسمعي يا حور اني حبيت حور الفاتنة الجميلة اللي تهز الجامعة لما تمشي ع الارض حور هذيكا اللي نتباهى لما نقول هاذي مرتي حور انتي من لما جبتي الصغار وانتي هاملة روحك جمالك راح امشي شوفي روحك شوفي روحك في المرايا يبان عمرك في الخمسين مش في الثلاثين عندك الحوش والصغار اهم مني قوليلي امتي اخر مرة مشيتي فيها للمزين وعدلتي روحك وامتي اخر مرة شريتي فيها حوايج نوم او حاجة مغرية ليا تذكري امتي اخر مرة سهرنا جميع زي اي زوز متزوجين افهمي اني راجل ع قد مانحب مرتي ونقدرها لكن نبي نعيش وانتي تعرفي المكان اللي نخدم فيه في اشكال بنات ماشيات جايات واللي حاولن يغرني هلبا واني مش ناقصني شي وقاعد في عز شبابي واني نبي وحدة ادللني وتهتم بيا مش مخليتني آخر اهتماماتها واحسن مانمشي في طريق الحړام الشرع حلل اربعة لكن هذا مش معناه اني مانبيكش او مانحبكش ..
هو يحكي واني نشبحله بأشمئزاز ..
حور ااااااه ياقداش طلعت اناني يا اخي هذا كله شايلة في داخلك كنت قتلي تكلمت حتى لو تلميح صح انت اخترت الطريق الاسهل بيش تبرر اللي درته تي اني لمن نتعب ونخدم في هالحوش مش ع خاطرك وخاطر صغارك وع خاطر راحتك بيش حتى لما تجي تعبان من العمل تلقي الحوش نضيف ومعطر ولقمتك واتية ومرتاح لمنو ضيعت شبابي تي مش بيش انوفرلكم الراحة انت وصغارك تي اني حتى شرشف السرير نكوي فيه ونعطر فيه قبل مانفرشه بيش انت ترتاح في نومتك ونسهر الليل كله بيش نكمل متطلباتك اللي ماتكملش والا لبسك اللي كل يوم شكل اني هاملة روحي صح وماطلبتش منك نمشي للمزين بيش مانحملكش مصاريف زايدة لانه عندنا اقساط مدرسة ومصاريف حوش وراتبك يادوبة يكفي واني شايلة همك ومانبيش نتطلب ونتشرط عليا تمشي انت آخرها تاخذ الفلوس بيش تتزوج بيهن بدال ماتقولي هاك حبيبتي اهم فلوس وامشي بيهن للمزين وساوي روحك واشري