رواية بعنوان إمراءة بين الطلاق والفقد الحلقة الأولى 1 بقلم الكاتبه ميمي حصريه وجديده

اتجاه الحوش ويقولي ليش ماتساعديش امي نقعد مصډومة ع الرغم اني نحلفله ونقوله اني مش مقصرة بس كان كلام عمتي عنده تأثير اقوى .. وزادت المشاكل بينا وخاصة بعد ماولدت بوفا وزاد الحمل عليا وبعد ماخطبت عمتي بنت خوها لي حسام سلفي حاولت اطلعنا بأي طريقة لانه ماعندهاش مكان عندهم وحلا للڼزاع طلب محمد نبنوا ملحق في الجنان متاع اهله ولانه ماعنداش فلوس بعت ذهبي كله وحتى الذهب اللي اهلي جابوهلي هدية وخذينا مواد بالاقساط وبنينه .. ارتحت فترة بس عمتي ماخلتنيش حتى بعد زواج حسام ولانه مرته موظفة ديما تطلب مني اني نجي انظف معاها او انطيب الغدي وهيا تمشي تهدرز ع الجيران او للسوق وتجي تلقي كل شي ع الجاهز .. واني كنت مانحكيش نخاف محمد يضايق والعجيب انها ماتقولش حور هيا اللي طيبت او نظفت ومستحيل تشكرني او تمدحني .. بعدها حملت بسرعة بي ارضيوة واني قاعدة مستمرة في هالوضع لعند ما جبت وكبروا صغاري واني زي الماكينة مانلحقش نمشي حتي لي اهلي بيش نشوفهم .. ومحمد تغير معاي هلبا ومعاش زي قبل معاش نذكر امتي اخر مرة قالي هيا امشي نطلعوا نتعشا اني وياك وارتاحي شوية من الحوش واني نعوضك عن التعب . بالعكس كان كل يوم يزيد تذمره ويعصب من اتفه الاسباب ونحس انه حبه قل او اختفى بس كنت انكذب في روحي ونقول لا كنت نقول اكيد تاعب ومش مرتاح وفي الاول والاخير هو يخدم ويجري ويتعب ع خاطري اني وصغاري لكن طلع ماخفي كان اعظم ..
هاذي اول بداية لي مصاعب حور القادمة ..
________________________________________
يتبع ..
رايكم في الرواية وهل تبوني نكملها او نوقف اعطوني رايكم بالله عليكم وفكوني من كلمة تم ..
لايك تعليق شير بيش توصل الرواية لي اكبر عدد ممكن
للكاتبة_ميمي