رواية بعنوان إمراءة بين الطلاق والفقد الحلقة الأولى 1 بقلم الكاتبه ميمي حصريه وجديده

ردت عليا ..
حور هلو ماما كيف حالك 
الحاجة سعاد هلو بنيتي الحمد لله قوليلي يابنتي راجلك وين 
حور محمد عنده عزي ليش صاير شي 
الحاجة سعاد لا مافي شي . 
حور قولي ماما خوفتيني محمد صار معاه شي 
الحاجة سعاد ما تخافيش عليه هالنذل ..
حور ليش تحكي عليه هكي يما شن فيه 
سمعت صوت مصطفي جاني ..
مصطفي ماما ماما هاذا خالوا زياد جي ..
استغربت ..
حور بيني وبين نفسي ماما كلامها غامض وزياد هنا علاش !
نضت من مكاني نبي انسلم عليه بس هو سبقني بي كلامه ..
زياد وين راجلك هالنذل التافه 
حور مهناش معزوم ..
زياد طبعا انتي راقدة والمية تجري من تحتك ..
حور زياد شن فيه خۏفتوني 
سكرت الخط ع ماما من غير ماندري ..
زياد هاذا راجلك الحقېر واللي تحديتينا ع خاطره وخذيتيه ڠصبا عنا اليوم ماشي يدير في فضانيته ع وحدة ثانية ..
هو قال هكي واني طحت من طولي معاش نعلم بروحي فتحت عيوني بالسيف واني نهذي ..
حور زياد ماتكذبش عليا محمد مايديرهاش مستحيل ..
زياد غير نوضي صحصحي وبعدين نحكوا ..
نضت ..
زياد الكوشة طفيتها مانعلمش شنو فيها بس شيطت ..
حور فوت الكوشة توا قلبي راح يوقف قولي اللي قلته مش صح ولا وبعدين كيف عرفت انت 
زياد لو مش صح كنهاذا بنتعب روحي ونجي ولد عم البنت اللي خطبها يكون صاحبي واليوم الفضانية والتلبيسة متاعه اتصل بيا صاحبي وقالي هاذا نسيبكم منفصل عن اختك قټله لا قال امالا كيف خطب بنت عمي اليوم ..
قعدت نخبط ع وجهي ..
حور لا مستحيل محمد مايديرهاش ولو كان صح راهو اعلمت وراهو اهله مشوا معاه كنهاذا حسيت ..
زياد محمد واخذ معاه بوه وعمامه بس ..
قعدت نحكي مع روحي ..
حور لا محمد مايديرهاش محمد يحبني ..
قعدت نهذي ونبكي ..
زياد خلاص معاش تعاندي عاندتي مرة وشفتي النتيجة لمي حوايجك وتعالي معاي ..
حور لا مش راح نمشي لعند ما يجي هو ونسمع منه نبي نعرف ليش دار هكي فيا ..
زياد يعني مش مصدقتيني تحسابيني نكذب عليك 
خور يا خوي حشاك بس هذا حوشي ومحمد بو صغاري وهاذم صغاري كيف انسيب كل شي من غير مانفهم منه ..
نبكي ونحكي .. قعد زياد قريب ساعة وهو يحاول يقنعني انوض معاه بس اني مصرة نواجه محمد .. وفجأة خش محمد شاف زياد استغرب لانه علاقتهم ضعيفة واصلا زياد شبه مايجيناش ..
محمد السلام عليكم خير شن فيه وبعدين حور خيرك 
زياد وعندك عين تسأل يا نذل عطيناك بنتنا جمال واخلاق وشهادة وبعد ما ذبلتها وډمرت حياتها ومستقبلها تمشي تخطب عليها وبدون علمها ..
محمد في هاللحظة ولي وجهه زي الليمونة ..
محمد حور اني ..
عيطت في وجهه ..
حور شنو انت محمد قولي شنو اللي سمعته صح او لا 
محمد اسمعي اني كنت نبي نقولك بس ماقدرتش ..
حور يعني اللي سمعته صح ليش قولي ليش شنو اللي قصرت فيه معاك تي اني ضيعت عمري وحياتي ع خاطرك تحديت اهلي ع خاطرك ليش ليش في شنو هيا احسن مني في شنو شنو اللي فيها مميز معقولة هانوا عليك عشرة سنوات تبيعها بسهولة هكي ليش 
زياد ومزال تبي تعرفي ليش شنو تراجي من واحد نذل و ناقص كان يرفع في مرته تجيبله فلوس من هلها نوضي معاي واحذفي صغاره عليه ..
محمد احترم نفسك انت وماتتدخلش اني ومرتي موضوع شخصي وانت تفضل اطلع ..
زياد مش مېت ع حوشك