ثانويه سعيده الجزء الاول بقلم الكاتبه حياة محمد حصريه وجديده

ثانويه سعيده الجزء الاول بقلم الكاتبه حياة محمد حصريه وجديده 
في عام ١٩٩٨وفى مدرسة ..... الثانويه بنات وبالتحديد في الصف الثالث الثانوي دخل الاستاذ ماجد مدرس الكيمياء. وهو شاب في الثلاثين قصير القامة قليلا فقامت نفين أطول بنت في الفصل مخصوص تمسح السبورة وتعمل إشارات بإيديها
استاذ ماجد شايفك يانخله خلصى وروحى عند تؤامك.
نفين يعنى أنا غلاطانه عشان بخليهالك فله.
الاستاذ لأ مش غلاطانه بس إنتوا أدبى جايبن هنا ليه 
هناء بنحبكم ومنستغناش عنكم أبدا.
الاستاذ طيب مااسمعش لكم صوت.
وبدأ في الشرح وفى نصف الحصه سأل رحمه انا كنت بقول إيه 
نظرت له رحمه بإحراج ثم قالت أ..أ...أنا أسفه يا أستاذ مأخدتش بالى 
الاستاذ ليه يا رحمه ده إنتى أشطر واحده في الفصل مش تركزى شويه.
حسناء تركز ليه يا أستاذ ماهى بعد ما اتخطبت لعكوه عايزها تفكر في المذاكره
فتضحك كل البنات بينما تنزل رحمه رأسها 
الاستاذ عيب كده لو سمحتوا الهدوء بص الاستاذ لرحمه وقال هو إنتى فعلا مخطوبه.
فهزت رحمه رأسها.
الاستاذ بس إنتى لسه صغيره وبعدين إيه حكايه عكوه دى.
فيضحك كل البنات إللي في الفصل أما رحمه فكانت بتمسح الدموع من عينيها.
الاستاذ إنتى بتعيطى ليه هو خطيبك اسمه عكوه.
حسناء لا يا أستاذ ده بيشتغل عكوه أصلها مخطوبه لصبى جزار. إنفجرت كل البنات بالضحك وكل واحدة بدأت تعلق تعليق سخيف وإللى تهزر وإللى بتتريق
فصړخ فيهم الاستاذ ماجد بس إنتى وهيا فسكت الكل وبعدها وجه الكلام لحسناء إنتى بنت قليلة الأدب قومى اعتذرى لزميلتك.
حسناء أنا أعتذر لدى مستحيل.
الاستاذ يبقى تروحى لمدير المدرسة هيديكى جواب رفد اسبوع وطلب استدعاء ولى أمرك وبرضوا مش هتخشى حصتى إلا لما تعتذرى لزميلتك.
فتقول حسناء بغيظ أنا أسفه يا رحمه وتكمل بصوت واطي..ياخطيبة عكوة .
فى الفسحة
كانت رحمه قاعدة في جنب والبنات مشغولين إللي بتاكل وإللى بتلعب فقربت منها شيماء صاحبتها قاعده كده ليه يا رحمه.
رحمه هقوم اعمل ايه 
شيماء قومى تعالى اتفرجى معانا البت هدير جايبه معاها كوره وعامله حارس مرمى والاستاذ كريم بيشوط عليها.
رحمه والله العظيم إنتوا رايقين.
شيماء ومنروقش ليه قومى قومى يا شيخه.
وتسحبها معاها لحوش المدرسه .
عدت من جنبهم حسناء ومعها صديقتها يارا
حسناء مش شامه ريحه لحمه يا يارا.
يارا لأ إنتى شماها فين.
فتضحك شيماء وتقول أهى كبستك الخواجايه مش تلقانيها الكلام بدل الاحراج ده.
حسناء بايخه
شيماء إنتى إللي بايخه إنتى والخواجيه إللي معاكى.
يارا مش هرد عليكى عشان مش من مستوايا.
دخلت البنات الفصل ودخلت مدرسه الرسم يابنات إللي مختار زراعة يروح فصل الأدبى فتخرج رحمه مع زميلاتها اما حسناء بتخرج كراسه الرسم والألوان
دخل بنات الأدبى عليهم.
نيفين وحشتونا يافشله عاملين ايه من غيرنا.
أبله سعاد خشوا من غير لماضه وافتحوا كراسات الرسم وورونى عملتوا إيه.
هناء شوفى الابداع يا أبله بسم الله ماشاء الله عليا عبقريه في الرسم
ابله سعاد واضح إيه العفاريت إللي رسماهم دول
هناء عفاريت إيه يا أبله إنتى مش عايزه نرسم قاع البحر دول بقى الغواصين إللي في قاع البحر.
الأبله طيب ده غواص إيه الرجلين دى فين راس الغواص
هناء عشان تعرفى العبقرية دى رجلين الغواص راسه بقى فى أخر الصفحة وإنتى عارفه إن الأرض كرويه هو راسه تقعد تدور على رجليه لحد مايتقابلوا في الهند إن شاء الله.
الأبله حسبي الله ونعم الوكيل طيب يا توأمها عملتى إيه
نيفين لا أنا راسمه حاجات حلوه مش زى المجنونه دى.
الأبله ورينى كده طيب الحمد لله فيه سمك بس إيه إللي في النص ده
نيفين دى صينية سمك بالبطاطس حاجه تفتح النفس.
الأبله صينيه سمك في قاع البحر منك لله يا شيخه.
ورينى كده يا حسناء بسم الله ماشاء الله إيه الجمال ده كله مين إللي رسملك الرسمه الحلوه دى
حسناء لا والله يا أبله انا إللي رسماها لواحدى
الأبله إنتى موهوبة أوى يا حسناء أنصحك لازم تنمى الموهبه دى وباريت تقدمى في امتحان القدرات لأنه هيساعدك تدخلى كليه الفنون الجميله.
حسناء ياريت يا أبله بس بابا مش هيرضى.
الابله ليه يا حسناء إنتى ليكى مستقبل كبير فى الرسم حرام تضيعيه
هناء أبله ينفع انا اقدم في القدرات دى ده أنا عبقريه
الابله طبعا لوعايزين يتشلوا يشوفوا عبقريتك دى.
هناء على فكره إنتى مش مقدرانى صح ده أنا كلى مواهب طيب انا عندى نكتة بالفصحى تحبى تسمعيها.
الابله سمعينى يا عبقريه.
هناء ذهب رجل إلى الطبيب وقال يا طبيب عندى ألام شديدة في ظهري.
قال الطبيب خذ هذا الدواء وافتح الشباك ونام وسأراك بعد أسبوع.
بعد أسبوع سأله الطبيب هل راحت عنك الآلام.
قال الرجل لا بل راحت التلاجه والغساله و التلفزيون. 
فتضحك الأبله مع البنات اما حسناء فسرحت بخيالها هل ممكن فعلا تحقق حلمهاوتدخل كليه فنون جميله هل هيرضى والدها إنها ترسم ولا هيعيد نفس الكلام انا دكتور وماما دكتوره وكل اخواتك في كليات الطب أو الهندسه ولازم تكونى زينا بنت الدكتور دكتوره.
رن جرس نهاية اليوم جمعت رحمه كتبها وخرجت تمشى وحدها فنادت عليها شيماء استنى هنمشى سوا ياللا يا هيام.
فتحت هيام شنطتها وخرجت قلم الروچ والكحل وقالت لا روحوا إنتوا انا ورايا ميعاد.
شيماء إيه الهباب إللي عملاه في وشك ده
بعد ماكحلت هيام عيونها العسليه خلعت الحجاب ولفته مره تانيه بعد ما كشفت نص شعرها وقالت الجمال ده كله وتقولى هباب على العموم مش هتأخر ساعة واحدة هقابل فيها الجو وهرجع.
شيماء أنا مش هكدب عشانك لو خالتى سألتنى عنك هقول لها.
هيام متخافش مش هتسألك ولا حتى هتاخد بالها اصلا هيا بالها من بابا وبس وهو الحمد لله شاغلها على طول يتجوز دى ويطلق دى.
سابتهم رحمه ومشيت وهيا سرحانه لحد ما دخلت الحارة وقفت بعيد لما شافته فى محل الجزار لابس ملابس قديمه كلها د م وماسك في إيده سکينه وعمال يشفى في الدبيحه..أما صاحب المحل قاعد يوجهه. اقطع للزبونه إتنين كيلو ياسمير 
الزبونه اقطعها حلو وبلاش سمين.
سمير من عنيا الإتنين أحلى قطعيه لست الكل
الزبونه تسلملى يا رب
رحمه في سرها الله يرحمك يا بابا لو كنت عايش عمرك ماكنت هترضى أتخطب لسمير ده ولا كان يحلم بيا الله يلعن الذله إللي حوجتنا له.
مشيت بسرعه وهيا بتدعى إنه مايشوفهاش لكنه لمحها استنى يا رحمه.
وقفت رحمه فدخل سمير الدكان ورجع معاه كيس وقدمه لها خدى الكيس ده لخالتى هنيه وانتى داخله.
اخدت رحمه الكيس من غير ولا كلمه وطلعت لشقتهم.
وأول ما فتحت.
رحمه ماما خدى وحطت الكيس على السفرة بدون إهتمام
هنيه إيه ده
رحمه كيس إداه ليا سمير
فتحت هنيه الكيس ده كيلو لحم تسلم إيديه سمير خشى حطى ميه على الڼار عشان نسوى اللحمة دى.
رحمه كتر خيره كتر خيره هيزلنا عشان كيلو لحم.
هنيه هو الغلبان اتكلم ولا قال حاجه وبعدين كتر خيره إنه بيسأل عننا وواخد باله مننا.
رحمه طبعا هو كان يحلم يعدى بس من جنب بيتنا مش يعمل كبير ويحكم ويتحكم فينا.
هنيه بقى إللي شايل همنا كلنا يبقى بيحكم وبيتحكم ده شايل البيت كله على رأسه طلباتك وطلبات اخواتك كلهم وايجار البيت ومصاريف المدارس وأديكى شفتى