ثانويه سعيده الجزء الاول بقلم الكاتبه حياة محمد حصريه وجديده

بعد مۏت أبوكى اعمامك قبل اخوالك اتخلوا عننا وكل واحد قال إنا أولادى أولى بقرشى كنا هنعمل ايه.
رحمه ولا حاجه بدل ما تقولى له شكرا وكتر خيرك تجوزيه بنتك صح.
هنيه طيب كنت هعمل ايه ماهى الناس بدأت تلسن عليكى وعليه عشان داخل خارج علينا فكان لازم نخرس كل إللي بيلسن عليكوا.
رحمه پغضب وبصوت عالي كنتى ارفضى قولى لأ انا بنتى هتبقى دكتوره إزاى اجوزها لواحد مخلصش الاعداديه لواحد جاهل بيشتغل صبى جزار .
هنيه لا يا بنتى ده معاه دبلوم وبعدين مين إللي كان هيصبر علينا لحد ما تخلصي ثانويه وسبع سنين طب مين إللي كان هيصرف علينا ماإنتى شوفتى أنا لفيت أد إيه عشان الاقى شغلانه مالقيتش ومعاش أبوكى إللي إتزلينا على ما جه مايكفيناش عيش حاف أعمل إيه بس
رحمه بيعينى له عشان تاكلى إنتى وأولادك عشان تلاقى إللي يصرف عليكوا ټقتلى كل طموحى.
هنيه يابنتى حرام عليكى ليه تشيلينى ذنبك فيكى إيه يا رحمه.
رحمه أنا مش عايزه أروح المدرسة تانى.
هنيه ليه يا بنتى 
رحمه مالهاش لازمه ما أنا كدا كدا هتجوز بعد الامتحانات فمش هيفرق فخلينى قاعده في البيت.
ردت هنيه وهى بتبكى حرام عليكي حرام خدى اللحمه ورجعيها له وارمى الدبله في وشه روحي شوفى طموحك ومستقبلك وأنا هبيع عفش البيت وهدومى هديهم لسمير وهكتبلوا كمبيالات بالباقى وهروح اشتغل في البيوت وهمد إيدى وأشحت عشان أصرف عليكى إنتى واخواتك .يالا يا رحمه روحي وخلصينى 
رحمه يا ماما
هنيه بلا ماما بلا نيله حرام عليكي عماله تبكتينى ليه روحى ربنا يتولانا برحمته إجري رجعيله شبكته وروحى وخلصينى 
رحمه عشان خاطري بطلى عياط عشان خاطري.
هنيه هو حظى كده بعد ما ماټ ابوكى وأنا بتلطم والدنيا عماله تخبط فيا شويه من الديانه وشويه من همكم وإنتى جايه تكملى عليا.
رحمه خلاص يا ماما ابوس إيدك وتمسك إيد أمها وتبوسها هعمل كل إللي تقولى عليه بس ما تعيطيش وهخش أحط ميه وأعمل الاكل لإخواتى بس ماتعيطيش.
فتحضنها هنيه وتقول لها مالك يا رحمه جايه من المدرسة مش طايقه نفسك ليه.
رحمه البنات بتعايرنى وتقولى مخطوبه لعكوه.
هنيه يا بنتى ماترميش ودانك لحد إحنا ظروفنا غيرهم وبعدين ما تعرفيش بكره هيحصل ايه.
٥٥
فتحت الباب بشويش ودخلت بسرعه لقت البيت بيبرق من النظافة وأمها لابسه ومتشيكه وحاطه مكياج كامل على وشها وماسكه البخور وبتلف تبخر البيت.
هيام إش إش إيه ده كله
الأم خشى بسرعه وإلبسى حاجه حلوه عشان أبوكى هيجي يتعشى معانا النهارده.
هيام بلا مبالاة أخيرا رضى علينا وجاى يبات عندنا
الأم بقولك ايه أنا مش فاضيه هخش أشوف الطبيخ..
أبوكى طالب كوارع وورق عنب خشى غيرى قبل ما يجى 
دخلت هيام أوضتها وقبل ما تخلع ملابسها اكتشفت إن أمها ملاحظتش الكحل والروچ إللى في وشها ولا شعرها الخارج من الحجاب وإلا يمكن لاحظت بس ما اهتمتش.
بعد ما ذاكرت أربع ساعات متواصلة حست بتعب فخرجت كراسه الرسم وبالقلم الړصاص وبإيد متميزه رسمت عش عصافير على جذع شجرة وعصفور وزوجته ماسكين بمنقارهم عود قش وبدأت تعيد بالقلم رسم الجناحين عشان يبان حركة الريش فتحس بالحياة في الرسمه وبعد شويه أكدت على نظرة العصفورة لزوجها ونظرة العصافبر للعش وبعد ساعه انتهت الرسمه بالقلم الړصاص فكانت اللوحه عباره عن حياة متكامله عصفوره بتساعد زوجها فى بناء عشهم كلها جمال وحياة 
إبتسمت لجمال الرسمه قبل ما تلونها دخل عليها والدها.
الأب إيه ده يا حسناء بدل ما تذاكرى قاعده تشخبطى
حسناء أنا ذاكرت يا بابا بس برتاح شويه.
الأب راحة إيه إنتى ناسيه إنك فى ثانوية عامة يعني مستقبلك هيتحدد بالسنه دى فمفيش دلع.
حسناء يا بابا والله أنا بذاكر كويس 
الاب لأ ما بتذاكريش كويس لو بتذاكرى كويس بجد تطلعى الأولى على المدرسة بس لأنك مهمله بتطلعى التانيه وحتة بت تطلع الاولى عليكى.
حسناء يا بابا الفرق مابينا بيكون في درجة ولا درجتين.
الأب حتى لو نص درجة برضوا بتهزمك وانامبعترفش بنمره إتنين.
حسناء متخافش يا بابا أنا كده كده هطلع الأولى على المدرسة وهغلبها.
الأب اشمعنى
حسناء أصل بعد ما اتخطبت لعكوه وهيا مابقتش بتركز في مذاكرتها حتى الدروس مش منتظمه فيها
الاب يعنى إيه اتخطبت لعكوه
حسناء أصل باباها ماټ وبعدها بفترة اتخطبت لصبى جزار ومن ساعتها وهيا لا بتذاكر ولا بتركز
فيضربها والدها بالكف على وشها وقال پغضب عشان كده إنتى مطمنه إنك هتتفوقى عليها عشان ظروفها الوحشه مش عشان إنتى أشطر منها طول عمرك فاشله وعمر ما هيبقى لك قيمه ده أنا هروح مخصوص لأهلها وأساعدهم عشان بنتهم ترجع تذاكر تانى عشان لما تجيبى أكتر منها تحسى إنك فعلا إتفوقتى عليها..بس إنتى عارفه انا خاېف من ايه خاېف إنها برضو تتفوق عليكى وهيا مش مركزه وعقاپا ليكى هتذاكرى ساعتين زياده كل يوم وممنوع اشوفك بترسمى تانى ويمسك كراسة الرسم ويقطعها ولو شفت كراسه رسم أو ألوان مش هيحصلك طيب وسابها وخرج فتقعد حسناء ټعيط وهيا بترمى رسوماتها المقطعه في الژبالة وتقول في نفسها بكرهك يا رحمه إنت إنتى السبب
___
كريمة لابس ومتأنتك كده ورايح على فين يا سمير 
سمير رايح بيت خطيبتي
فتمصمص أمه شفايفها وتقول خطيبة الهنا أل الواحد بيخطب واحده وإنت يا موكوس خاطب واحده بعيلتها وياريت فيه حمد ولا شكرانيه.
سمير ليه بتقولي كده يا أمه.
كريمة شوف يا سمير البت دى مش نزلالى من زور شايفه نفسها على إيه ده بدل ماتبوس إديها وش وضهر إنها لقت حد يشيل همها هيا وأهلها رفعلنا مناخيرها للسما على إيه معرفش.
سمير يا أمه هيا البت قالت حاجه ولا عملت حاجه.
كريمه هيا تستجري ده أنا كنت فرجت عليها الرايح والجاى
يبوس سمير إديها ويقول عشان خاطري يا أمه سيبى البت في حالها ومالكيش دعوه بيها ماشى 
كريمه ماشى يا أخويا ربنا يهنى سعيد بسعيده .
فى بيت رحمه
سمير تسلم إيدك يا خالتى الأكل زى العسل
هنيه بالهنا والشفا يا حبيبي.
رحمه عن إذنكوا
هنيه على فين
رحمه هخش أذاكر
هنيه عيب يا رحمه روحى أقعدى مع خطيبك
سمير سيبيها يا خالتى على راحتها.
هنيه لأ المذاكره تتأجل خشى يا رحمه اعملى عصير لخطيبك وهاتي له من الكيكه الحلوه إللي عملتيها خليه يدوق عمايل إديكى قومى
رحمه حاضر يا ماما. دخلت المطبخ وخرجت شايله صينيه عليها عصير وكيك اتفضل
سمير تسلم إيدك يا ست البنات إنتى إللي عملتى الكيكه دى.
رحمه أيوه.
سمير حلوه اوي تسلم إيدك .قولى ليا ناقصك حاجه
رحمه لأ
سمير طب محتاجه حاجه
رحمه لأ
سمير طيب وأخواتك
رحمه لأ
سمير طيب أنا همشى تعوزى حاجه
رحمه كتر خيرك مع السلامه
إيه ده يا شوشو الساعه قربت على نص الليل ولسه صاحيه.
شيماء أهلا يا بابا لسه هذاكر كمان شويه بعدين أنام.
الأب طيب جعانه.
شيماء شويه
الاب طب قومى إلبسى حجابك وتعالى أنا عازمك على العشا بره.
شيماء دلوقتي الوقت متاخر طب أغير لبسى
الأب لأ مش مهم إلبسى بس الحجاب وتعالى إحنا مش هنتأخر.
شيماء حاضر يا بابا وتلبس الحجاب تخرج على الصاله فيقف بابا ويقول لها تعالى ويتنى ذراعه لها فتبتسم له