ثانويه سعيده الجزء الاول بقلم الكاتبه حياة محمد حصريه وجديده

شاطره جدا عندها مكتب محاماه وبيتدرب تحت إيديها محامين كتير
لكنها متجوزتش ورافضه فكرة الجواز
___________
في فيلا كبيره في الزمالك وبالتحديد في مطبخ الفيلا كانت واقفة على البوتجاز بتجهز طبق الفول بالطماطم والبصل والثوم لجوزها فدخل عليها إبنها رامى.
رامى تعرفى إنتى أسوء دعايه لبابا
رحمه ليه يا لمض
رامى بقى يبقى عندنا مصنع للمنتجات الحيوانيه وعمرى مالقيت على سفرتنا مرة واحدة لانشون ولا بسطرمه ولا حتى برجر يقولو عننا إيه الأعداء منتجاتنا وحشه عشان كده مابناكلهاش
رحمه لأ يا لمض هيقولوا أمهم شاطرة مابتأكلهمش أكل جاهز خد طبق البيض حطه على السفرة وروح شوف بابا واخواتك عشان يفطروا
رامى أنا غلطان إنى بصحى بدرى المفروض كنت أنام لحد ماتجهزى الفطار وأقوم باشا مش أصحى اخواتى كمان
رحمه بسرعه يالمض على ما أحمر البطاطس 
على السفرة كانت العيله كلها بتفطر سمير وجنبه رحمه وفي الناحية التانيه محمد ٱبنهم الكبير في تالته هندسه وملك في أولى سياحه وفنادق ورامى في أولى ثانوي
رامى سمعت يا بابا إن البيفى بتاعنا حلو اوي بس يا خساره مكتوب علينا ماندقوش
سمير بيفى إيه ولانشون إيه مافيش أطعم من طبق الفول إللي بتعمله أمك أنا مبحسش إنى اكلت ولا شبعت إلا لما بتجهزه بإيديها
محمد يابنى قضيتك خسرانه كان غيرك أشطر
رحمه متوجعش دماغى عايز تاكل من المعلبات دى يبقى في أى وقت بعد الفطار وياريت تهتم بمذاكرتك ذى ما بتهتم بكرشك.
رن جرس الباب ففتحت الشغاله ودخل 
على اخو سمير صباح الخير
سمير صباح النور تعال أفطر
على طبعا ده أنا جاى مخصوص عشان افطر
وقعد على السفرة
رحمه أخبار نرمين إيه بقالى يومين ماشفتهاش
على مانتى عارفه الوحم بقى قعدت تقولى آه بطنى آه مناخيرى فسبتها وجيت أفطر عندكوا
سحبت رحمه طبق البيض منهوقالت سايب أختى جعانه وجاى تفطر طب أنا مش هأكلك
على طيب يرضيك كده يا حاج سمير تاخد الاكل من قدامى
سمير بصراحه آه يرضينى سايبها وجاى ليه كنت جبتها معاك وكنا فطرنا سوى
على خلاص بأعتذر للحكومه هجيبها المره الجايه هاتى بقى الفول ده عشان وحشنى طبق الفول بتاعك
ملك نفسى أعرف فيه إيه طبق الفول بتاع ماما الكل بيحبه ليه
على أصل طبق الفول ده أصلنا كنا كلنا بنتلم حواليه انا وأعمامك واخوالك ناكل ونشبع ونحمد ربنا وماكنش فيه غيره.
رحمه بحنين والله كانت أيام حلوه الله يرحم إللي ماټ ويخليكوا ليا بس برضو لو ماجبتش أختى معاك مش هفطرك تانى فضحك الكل عليها.
ربنا فتح على سمير ببركة الأيتام الثلاثة إخوات رحمه إللي رباهم مع اخواته فاشتري المحل بعد مامات معلمه ولأنه شاطر وبيفكر في مستقبله ولسانه حلو مع الناس ربنا وسع عليه وبعد عشرين سنه اصبح عنده مصنع للمنتجات الحيوانيه لانشون _ بسطرمه _ برجر _ بيفى ومزرعة كبيره بيسمن فيها مواشيه وكمان المسؤل عن توريد اللحوم لأشهر الفنادق والمطاعم الكبيرة وشغل كل اخواته واخوات رحمه معاه.
رحمه ربنا رزقها بثلاث أولاد محمد وملك ورامى
على المهم نسيت أقول سبب زيارتى السعيده
سمير خير يا على
على فيه جواب جه امبارح باسم ام محمد واستلمه واحد من إللي شغالين في المحل أهه
اخدت رحمه الجواب وقراءته.
ملك فيه إيه الجواب ده يا مامى
محمد أنا مستغرب أساسا هو لسه فيه جوابات بتتبعت دى مش كانت انقرضت زى التليفون أبو قرص
رحمه مش عارفه ومش فاهمه بس ده عايزنى أروح قاعة الاجتماعات الخاصه بالإدارة التعليمية
سمير ليه عايزينك في إيه
رحمه مش عارفه
رامى تحبى أجى معاكى
رحمه لأ هو أنا صغيره انا هروح لوحدى اكيد فيه غلط أو لخبطه في الاسم.
حسناء شيماءهيام جواب إيه ده وعايزين منا إيه
سمير ليه عايزينك في إيه
رحمه مش عارفه
رامى تحبى أجى معاكى
رحمه لأ هو أنا صغيره انا هروح لوحدى اكيد فيه غلط أو لخبطه في الاسم.
حسناء شيماءهيام جواب إيه ده وعايزين منا إيه
وفي اليوم التالي وصلت رحمه الاداره التعليميه ودخلت قاعة الاجتماعات فإتفجأت إن كل زميلاتها في الثانوية العامة زمان موجودين في القاعه كبروا واتغيرت ملامحهم شويه بس هما هما البعض تخن والبعض بان عليه السن والبعض بقى أحلى من الأول بس الاكيد إنهم بقوا زوجات وأمهات زيها.
قعدت رحمه في حته بعيده تراقبهم وهما بيسلموا على بعض وبيحضنوا بعض وواضح إن الدنيا فرقتهم ومابيتقابلوش زي ماهى اتعمدت تبعد عنهم كلهم ومتقابلش حد منهم والظاهر إنهم نسيوها عشان كده مافيش حد افتكرها وجه يسلم عليها.
بس بعد لحظه التفتت لها هناء وصړخت رحمه وحشتيني يا بنت الإيه وجت تسلم عليها وتسألها عن حالها.
ماشى فى الطرقه بثقه شديدة لحد ما وصل لمكتبه لقى السكرتيره بتقوله إتأخرت ليه يا أستاذ حمدى
رد بهدوء وبروقان اطلبى ليا فنجان قهوه مظبوط
السكرتيره قهوه إيه مافيش وقت
حمدي ليه هما وصلوا
السكرتيره حسب الجوابات إللي جه حوالى ٣٥وفيه خمسة مسافرين بره يبقى كده العدد مظبوط والميعاد الساعه عشرة والساعة دلوقتي عشرة إلا خمسه.
حمدى سؤال مهم عمرك شفتى موظف في مصر كلها بيلتزم بمواعيده
السكرتيره بابتسامة بصراحه لأ كلهم بيتأخروا إن قال تسعة يبقى تستنى لعشره إلا ربع
حمدى طيب ليه عايزانى أشذ عن القاعدة أنا ميعادى الساعه عشره بيقى على الاقل هروح لهم الساعه كام
السكرتيره عشره وربع
حمدى برافو عليكي طيب والربع ساعه دى أضيعها في إيه
السكرتيره تشرب قهوه طبعا
حمدى أحبك وانتى فهمانى إلحقينى بالقهوه عشان أضيع الربع ساعة دى وبعدين دول ستات ماتجمعوش كده من عشرين سنة عندهم كميه رغى رهيبه يبقى نسيبهم شويه يرغوا مع بعض.
مروه يعنى إنتى ماتعرفيش عايزنا فى إيه يا نيفين
نيفين لا والله بس جمعتنا دى مش طبيعيه
رحمه أنا أصلا مستغربه كنت بحسب إن فيه لخبطه في الاسم بس دلوقتي اتاكدت إن فيه حاجه غريبه
شيماء تعرفوا دى أحسن حاجه حصلت عشان بسببه اخدت اجازه من الشغل ومن الطبيخ.
هناء أهو ده إللي مافيش منه مهرب ده أنا قولت لجوزى قبل الفرح مابعرفش أطبخ وبعوك يقولى العك من إيدك زى العسليعنى عوكى ماتعوكيش هتطبخى هتطبخى ضحك الكل عليها وفجأة سكت الكل لما دخل حمدى القاعه.
حمدى صباح الخير
الكل رد صباح النور
حمدى أظن إنتوا مستغربين إننا طلبناكوا النهارده واكيد عايزين تعرفوا إحنا عايزنكم في إيه
هناء اكيد احنا مثلا الجيل رقم ١٠٠ إللى اتخرج من الثانوية العامة في تاريخ مصر المحروسه وجمعتونا عشان تديونا فلوس صح.
ضحك حمدى بصوت عالي وبعدها قال الجيل رقم ١٠٠ يمكن الله أعلم أصلى ماعدتهمش بس بزمتك عمرك سمعتى إننا بندفع فلوس.
هناء إنتوا مستحيل عمركوا ماعملتوها
حمدى طيب إنتى عارفه إن عمرنا ماعملناها فليه بتظنى إننا ممكن نعملها دلوقتي.
نيفين صح عندك حق أسفين يا صلاح
حمدى نرجع لموصوعنا بس عشان تعرفوا انا طلبتكم ليه لازم أحكى لكم حكايه صغيره ممكن تديونى من وقتكم ربع ساعة . طبعا إنتوا عارفين إن مدرسة .... الثانويه كانت جديده على أيامكم وإنتوا كنتوا أول جيل اخد الثانويه العامه فيها عشان كده عددكوا كان بسيط وكنتوا فصل واحد علمى مع أدبى صح
الكل بصوت واحد صح
حمدى بس بعد كده جه أجيال كتيره وذادت اعداد الطلبه