ثانويه سعيده الجزء الاول بقلم الكاتبه حياة محمد حصريه وجديده

وكده هتخسر بنتها بجد
كريمة قولتى إيه يا أم رحمه 
هنيه .......... 
كريمة قولتى إيه يا أم رحمه 
هنيه ..... ...
بصت هنيه لبنتها كانت رحمه بتبصلها برجاء وكأنها بتقول ماترخصنيش أكتر من كده
وبصت لسمير إللي بيبصلها وكأنه بيقول اقفى معايا المره دي.
كريمة قولتى إيه يا أم رحمه 
هنيه بتردد رحمه بنتك زى ما سمير إبنى وأنا ميرضينيش إنه يتجوز وهو مديون على بركة الله
فقام سمير بسرعه يبوس إيديها وهو فرحان ويقول ربنا يخليك ليا يا خالتى ربنا يفرحك زى ما فرحتينى إنتى شلتى هم كبير من على قلبى
هنيه بضحكه هم إيه ده إنت غالى عليا إنت زى شريف إبنى.
رفع سمير راسه وبص ناحية رحمه لقاها بتبص عليه وعلى أمها لكن عينيها كانت كلها كسره وحزن 
كريمة طيب أنا همشى دلوقتي هاتيجى يا سمير
هنيه لأ أنا عايزة سمير في موضوع كده
كريمة وماله خليك مع خالتك يا سمير.
بعد ما مشيت كريمة.
رحمه عن إذنكوا أنا داخله أنام. وقامت ودخلت أوضتهاكانت عيون سمير بتابعها لحد ما دخلت جوه
هنيه ليه كده يا سمير ليه بتدخل أمك في الكلام ليه ماجتش ليا وقولتلى إنك مش هتقدر تأجر شقه 
سمير والله يا خالتى أنا مادخلتها الموضوع إنى كنت طالب من المعلم يسلفنى مبلغ كبير عشان أكمل وأدفع خلو شقه وكنت هأكتب بيهم شيك على بياض وماقلتش لحد بس المعلم قابل أمى وقالها إنه جهز المبلغ فعرفت منه وجت قلبت البيت على راسى وإتخانقت وعيطت وحلفت لو أتداينت هتقاطعنى طول العمر..
هنيه وليه تحمل على نفسك يا سمير ماإحنا أهل مع بعض 
سمير ..........
هنيه عشان رحمه صح
سمير ........
هنيه بتحبها
سمير دى ست البنات ولو في إيدى كنت جبت لها حته من السما بس العين بصيرة والإيد قصيره
هنيه بقولك بتحبها
سمير بكسوف أكتر من روحي ونفسي أشوفها مبسوطه وفرحانه
هنيه أنا عارفة
سمير بس أنا حاسس إنى كسرت بخاطرها.
هنيه متقلقش أنا هتكلم معاها وهرضيها.
بعد ما مشى سمير فتحت هنيه الأوضه كانت رحمه نايمه على السرير فقربت منها هنيه وقالت رحمه قومى يا رحمه أنا عارفه إنك صاحيه قومى عشان عايزه أتكلم معاكى.
فتحت رحمه عينيها وبصت لأمها وقالت مالوش لازمه الكلام تصبحى على خير وغطت نفسها بالبطانيه
هنيه لأ له لازمه ولازم تعرفى الموضوع
رحمه كل الكلام إللي هتقوليه مالوش أى لازمه لأن مافيش كلام مهما كان هيغير الحقيقة
هنيه حقيقة إيه يا رحمه
رحمه حقيقة إن لما خيروكى ما بينى وبين سمير إختارتى سمير كالعادة وكأنه هو إللي إبنك مش أنا وخلاص يا ماما أنا رضيت وسكت اعملى كل إللي إنت عايزاه أنا مش هقول لأ لأن حتى لما بأعترص برضوا بتعمليه وطظ فيا
هنيه أنا يا رحمه.
رحمه أيوه 
هنيه ٱنتى مش فاهمه حاجه أنا.....أنا.....
رحمه فهمينى إنتى إيه قولى يا ماما برري ليا كل التصرفات دى عشان أقتنع قولى
هنيه .......
رحمه تصبحى على خير يا ماما وغطت نفسها بالبطانيه أما هنيه فجرت رجليها لحد ما طفت النور وصوت عياط بنتها بيقطع في قلبها.
تانى يوم في المدرسة
هناء يادى الكأبه يابنتى إنتى بتخافى تضحكى لوشك يشقق
رحمة إبعدى عنى إنتى وتوأمك أنا مش فايقالك
نيفين أنا مش عارفه إنتى زعلانه ليه عشان مخطوبه لصبى جزار إيه يعنى هو حد طايل
هناء أه والله أحمدى ربنا إنه بيشتغل وبيصرف على نفسه وأهله ماانتى شايفه كل سنه الجامعات بيتخرج منها الآلاف وتلاقيهم مرصوصين على القهاوى
نيفين لأ ولما يسافروا يروحوا يغسلوا اطباق ويكنسوا الشوارع المفروض الجامعات تعمل قسم غسيل أطباق للطلبه إللي عايزين يهاجروا عشان ميكسفوناش بره يقولوا شباب مصر مبيعرفش يدعكوا مواعين.
رحمه والله العظيم إنتوا رايقين أوى
نيفين ومنروقش ليه فوكى وكبرى دماغك
رحمه إنتوا مش فاهمين حاجه
هناء طيب فهمينا إنتى
رحمه وتسمعونى
هناء هنسمعك ونفهمك كمان قولى مالك
رحمه هتصدقونى لو قلت لكم مش عارفه بصوا أنا بعد ما بابا ماټ حسيت الدنيا اتهدت على راسى إنتوا عارفين أنا كنت بحب بابا أد إيه وكنت مرتبطه بيه أد إيه
نيفين أه عارفين
رحمه وقبل ما أستوعب ۏفاته وقبل ما أقلع الإسود عليه لقيت دبله في صباعى وشاب غريب عمرى ماكنت ببص له ولا أخد بالى منه فجأه بقى خطيبى
وكل حاجه كانت بالنسبالي غلط وممنوع وحرام المطلوب منى اعملها
هناء لأ بقى أفهم إيه غلط وممنوع وحرام دى
رحمه كانت ماما وبابا دايما يقولوا ليا يا رحمه ممنوع تتكلمى مع شباب ممنوع تضحكى مع شاب حرام تصاحبى أى شاب إنتى لسه صغيره والشباب بتحب تلعب على البنات إللي أدك وبعدها يرموهم وفجأه مطلوب منى أكلم سمير وأضحك معاه وأحبه كمان
هناء طب سؤال إنتى رافضه سمير عشان مش مستعده ولا عشان صبى جزار
رحمه بصراحه الاتنين أنا كنت بفكر في مستقبلى عمرى مافكرت أرتبط بحد دلوقتي وكمان كنت بأحلم لما ارتبط يبقى حد تانى إنتوا مابتشوفوش البنات إللي تقولك أنا إتقدملى دكتور فلان ولا المهندس فلان معجب بيا ولا بن عمى الظابط بيحبنى
نيفين عايزه تتمنظري صح
رحمه أه بصراحه أه عايزه أتمنظر زيهم هو أنا أقل منهم مش من حقى أفرح بخطيبى زى البنات أنا مافرحتش.
نيفين طيب قولتى الكلام ده كله لمامتك
رحمه لأ لأنى كل ما أكلمها تستخدم لى سلاح الأمهات السري
هناء بتضربك بالشبشب
فتضحك رحمه شبشب إيه أنا أقصد بټعيط مين فينا يستحمل يشوف دموع أمه هيا بتبكى وانا ڠصب عني أسكت وما اتكلمش وأجى المدرسة بدل ما أرتاح شويه وأهدى ألاقى حسناء تقعد تعاير فيا وتقولى عكوه عكوه قولوا لى أعمل إيه 
هناء ده إنتى حكاية بس أقولك سيبك من حسناء إحنا كلنا عارفين إنها بتدايقك عشان إنتى أشطر منها ودايما بتطلعى الاولى عليها.
رحمه بس أنا بتدايق من كلامها
نيفين عشان هبله وبتديها الفرصة ٱنها تدايقك وكل ما تقولك كلمتين تعيطلها يا خايبه
هناء مش هيا بتدايقك استنى وأنا هوريكى إنتوا عندكوا إيه الحصه الاولى
رحمه عندنا فيزياء
هناء ماشى 
في حصة الفيزياء
وأثناء ما الابله بتشرح الباب خبط ودخلت هناء ونيفين الفصل
هناء إزيك يا ابله كنت عايزه خمس دقائق من الحصه
الابله خير فيه إيه 
هناء ولا حاجه ده بس بحث قريت عنه وعايزة أسأل زمايلى هما دقيقتين بس
الابله طيب بسرعه عشان ورايا حصه
وجهت هناء كلامها لزميلاتها. قريت في بحث علمى عن علاقه الذكاء بطول اللسان مقصدش شتيمه وقلة أدب انا اقصد طول اللسان بجد يعنى إللي لسانه بېلمس ارنية مناخيره ده بيكون شديد الذكاء وانا عملت التجربة دى مع رحمه وفعلا لمسة أرنبة مناخيرها بلسانها هل فيه حد ينافس رحمه في ذكائها. فبدأت كل بنت تخرج لسانها وتحاول تلمس أرنبة مناخيرها وتحمست حسناء إنها تغلب رحمه فبقت تخرج لسانها أكتر من زميلاتها وتحاول توصلوا لمناخيرها
هناء بس بس خلاص يا أبله هسألك سؤال إيه الحيوان إللي بېلمس أرنبة مناخيره بلسانه
الابله بضحك البقر يا هناء.
نيفين صح يا أبله يارحمه قولى لعكوه خطيبك مايشتريش بقر من السوق قولي له فصل تالته علمى فيه بقر كتير صح يا حسناء سلام وخرجت تجرى من الفصل هيا