ثانويه سعيده الجزء الاول بقلم الكاتبه حياة محمد حصريه وجديده

رحمه بړعب ليسمع كلام أمه ويضربها لكن سمير قال مش رحمه إللي تنضرب دى ست البنات كلها.
فمصمصت كريمة شفايفها پغضب وقالت خليك كده ياحنين لحد ماتخرب بيتك.
خرجت كريمه فقالت رحمه پخوف والله ماعملت حاجه بس هيا إللي بتزعقلى.
سمير بهدوء أنا عارف بس أنا عايزك تسمعى كلامها وتعملى الحاجه إللي تريحها برضو عشان أنا مش عايز مشاكل كل شويه ماشى.
رحمه ماشى
في بيت هنيه
هنيه حماتك عندها حق كان لازم تاخدى بالك إن سمير مش بيجيب لبس الشغل معاه
رحمه وأنا إيه إللي عرفنى كان حد قالى وبعدين شفتى إتخانقت معايا على تمن البطاطس والطماطم
هنيه يارحمه ياحبيبتي إنتى إتجوزتى في بيت مختلف عننا لهم طباع غيرنا وعادات غيرنا و نظام غيرنا والبت الشاطره هيا إللي يتمشى على نظامهم تعيش عيشتهم ومتتكبرش عليهم
رحمه أنا برضو إللي غلطانه صح
هنيه لا يا حبيبتي إنتى مش غلطانه بس أنا بوجهك وبفهمك العيشه إنتى لسه عروسه جديده فلازم تعرفى وتفهمى الحياه بتمشي إزاي عشان ماتتعبيش معاهم قوليلى هو سمير وحش معاكى
رحمه لا والله سمير طيب وحنين ومش بيزعلن 
هنيه طيب وحماكى
رحمه بابا بيحبنى وبيقولى إنتى بنتى مش مرات ابنى
هنيه يعنى كل المشكله في حماتك طيب اسألى نفسك هيا بتتخانق معاكى من غير سبب ولا عشان حاجات معينه.
فكرت رحمه شويه وقالت لا عشان حاجات بس حاجات بسيط في الاكل في شغل البيت
هنيه يعنى بتوجهك طيب اعتبريها انا مش بقعد أزعق لك لما بتبوظى حاجه أو لما مابتروفيش البيت حلو
رحمه آه
هنيه وبتزعلى منى
رحمه لأ
هنيه طيب ليه بتزعلى من حماتك اعتبريها أمك وارضيها وصدقينى كل حاجه بتترد لك وأن شاء الله ربنا هيرضيكى
خبط الباب وفتحت رحمه كان سمير جاى ومعاه طلبات البيت
هنيه أهلا يا سمير تعال كلفت نفسك ليه ياابنى
سمير ولا كلفه ولا حاجه يا ماما قولى ليا إنتى عامله ايه وإزاى صحتك النهارده
هنيه الحمد لله يابنى
سمير أخدتى علاجك ولا نسيتى برضو
هنيه الحمد لله يابنى ربك هو الشافي
فإنتبهت رحمه إن أمها وشها أصفر وجسمها بقى ضعيف جدا وكأنها أول مرة تاخد بالها إن أمها مريضه
رحمه مالك يا ماما فيكى إيه
هنيه ولا حاجه يا رحمه ده شويه برد بس شديد شويه.
في بيت حسناء
الأم إيه الحلاوه دي كلها ياحسناء إنتى رايحه الجامعه ولا راحه فرح
حسناء بتقولى كده ليه يا ماما
الأم عشان أول مرة أشوفك تهتمى بلبسك وبشكلك وأول مرة أشوفك بتحطى مكياج
حسناء ولا حاجه بس مش عايزه أكون أقل من زمايلى.
الام ماشى بس ياريت تكونى أكتر منهم في الدراسة كمان
خرجت الام ووقفت حسناء نشوف نفسها في المرايه وتبتسم وهيا بتفتكر عادل زميلها فى الجامعة إللي أكبر منها بأربع سنين وتفتكر اهتمامه الشديد بها وكلامه الحلو معاها وإزاى بيقعدوا مع بعض بالساعات في كافتيريا الجامعه من غير ما يحسو بالوقت
بعد فتره من الزمن
رحمه ماما أنا كنت حاسه بتعب ورحت كشفت والدكتوره قالتلى إنى حامل
هنيه بفرحه بجد يا رحمه ألف مبروك يا حبيبتي فرحتينى أوى قولتى لجوزك
رحمه لأ بصراحه اتكسفت أوى
هنيه هو ده فيه كسوف روحى قولى له وفرحيه
رحمه سمير أنا كنت عايزه اقولك حاجه بس مكسوفه
سمير قولى يا رحمه عايز فلوس نفسك في حاجة
رحمه لأ بس......أنا حامل
سمير يصرخه فرح بتتكلمى بجد
رحمه آه
سمير قولى والله العظيم
رحمه بابتسامة والله العظيم أنا حامل انا كشفت وعملت اختبار واتأكدت
فيحضنها سمير ويبوس راسها. إيه الخبر الحلو ده ألف مبروك انا فرحان اوى أنا مش عارف اعمل ايه ياماما يابابا يا اخواتى يا الدنيا كلها مراتى حامل هبقى اب.
كريمة ألف مبروك يا سمير بس براحه ومتقوليش لحد يا رحمه
محمد ليه يا كريمه خاليها تعرف حبايبها واحنا نعرف أهلنا وحبايبنا خاليهم يفرحوا معانا
كريمة تقول لمين إن شالله مافرحوا إنت عايز يقطروا البت بعنيهم لأ مش هنعرف حد لحد مايثبت الحمل وتبقى في الخامس دى العين فلقت الحجر
سمير رحمه تعالى معايا
رحمه هنروح فين يا سمير أنا ورايا طبيخ
سمير سيبى الطبيخ وتعالى أمك تعبت وراحة المستشفى
قامت رحمه مفزوعه وراحت مع سمير لقت أمها نايمه فى إيدها المغذى وحوليها اجهزه كتير
رحمه مالك يا ماما فيكى إيه وايه الاجهزه دى إنتى فيكى إيه
هنيه ماتخافيش يا رحمه أناكويسه ده تعب بسيط بس عايزاكى تاخدى بالك من اخواتك.
رحمه حاضر يا ماما بس انتى ابقى كويسه
هنيه ومن جوزك يا رحمه ده طيب وبيحبك وعمره وهيحافظ عليكى إنتى واخواتك.
رحمه پبكاء إنتى ليه بتقولي الكلام ده ليه يا ماما مش إنتى كويسه ليه بتقولى الكلام ده فيكى إيه يا ماما
هنيه الاعمار يابنتى بإيد ربنا وأنا مطمنه عليكى إنتى واخواتك مع سمير فخدى بالك منهم.
رحمه عشان خاطري يا ماما بلاش الكلام ده عشان خاطري
رحمه كنت عارف إن ماما عيانه صح
سمير خالتى الله يرحمها كانت موصيانى عليكى من زمان
رحمه من قبل مانتجوز صح
سمير صح الله يرحمها كانت عارفه إنها تعبانه من قبل مايموت باباكى عشان كده لما ماټ وانا خطبتك وصتنى عليكى وعلى اخواتك
رحمه بصوت عالي وهيا بتبكى. وليه ماعرفتنيش ليه ماقولتليش إن أمى بټموت ليه
سمير هيا وصتنى إنى ما أقولش ليكى
رحمه ليه
سمير لأنك مااستحملتيش مۏت باباكى فإزاى هقولك إن مامتك مريضه وحالتها وحشه
رحمه يعنى فضلتك برضو عليا وقالتلك سرها
سمير لا يا رحمه خاڤت عليكى من الصدمه وخلاص هيا الله يرحمها ويغفر لها بس دلوقتى اخواتك هما الأهم.
رحمه هاروح أعيش مع اخواتى وأشوف طلباتهم
سمير لأ عندى حل تانى بدل الايجار إحنا بتنا ملك 
هفضى الأوضتين إللي على السطح وأعمل حمام صغير ونجيب اخواتك يعيشوا فيهم منها يبقوا قدام عنينا وناخد بالنا منهم ومنها نوفر الايجار إللي بندفعوا كل شهر.
رحمه إللى نشوفوا صح اعملوا.
بعد مرور عشرين سنة
تعالوا معايا نشوف بطلاتى وإيه إللي حصل لهم
فى مستشفى .... العام دخلت الممرضة
حسناء فيه أى حالات تانيه
الممرضة لا يادكتوره دى آخر حاله.
رن تليفون حسناء
حسناء أيوه يا محمود.... خلاص خلصت كل الحالات....لا مدير المستشفى طالبنى انا وكل رؤساء الأقسام..... هروح بعد الاجتماع على طول
حسناء رئيسة قسم الاطفال في المستشفى وعندها عياده اتجوزت من الدكتور محمود وهو جراح كبير كانت جوازة صالونات عشان كده بتعتبر حياتها عاديه حسناء أم لولد عنده ١١سنه فى سته إبتدائى وولد عنده تسع سنوات فى رابعة ابتدائى.
شيماء وكانت هزيمة أحمد عرابي السبب الرئيسي لاحتلال مصر من الإنجليز وكان بداية كفاح شعب مصر.
في نفس مدرسه ... الثانويه إللي درسوا فيها كانت الابله شيماء بتدرس مادة التاريخ
شيماء متجوزه من عبدالله شغال في الشهر العقاري وأم ل٣بنات الكبيره في أولى ثانوي والتانيه في تالته اعدادى والتالته في خمسة ابتدائي
_
هيام القضيه مش صعبه دى عايزه حد يعرف يلاعبهم وأنا هوريهم لحد ما يقولوا حقى برقبتى وهما إللي هيسيبوا البيت من نفسهم
الزبون ده إنتى لو عرفتى تمشيهم من البيت ده هيبقى ليكى الحلاوه
هيام حلاوه إيه هو احنا في مولد أنا محاميه وليا أتعابى
الرجل أنا مقصدش
هيام حصل خير بس ياريت تاخد بالك من كلامك مره تانيه مع السلامه
هيام محاميه