ثانويه سعيده الجزء الاول بقلم الكاتبه حياة محمد حصريه وجديده

المهم إن من بعدكم بكام دفعة اتخرجت طالبه كانت عبقريه حتى إنها كانت الخامسه على الجمهورية وظهرت في التليفزيون في برنامج أمانى واغاني مع الاوائل على الجمهورية وهيا مش ذكيه وبس لأ دى كانت طموحه جدا قدرت إنها تحصل على منحه دراسيه للدراسة في ألمانيا المهم إنها ودت أوراقها للسفاره بس للاسف السفارة بلغت فيها الشرطه لأن شهادة الثانوية العامة كانت مزورة لأن الختم الموجود على الشهادة مختلف تماما في الشكل والحجم عن باقى الأختام الموجودة على باقى الشهادات إللي وصلت لهم وبالتحقيق مع البنت دى أكدت إن هيا دى الشهاده إللي استلمتها من المدرسه ووالدها أكد على كده وأكد إنه هو إللي استلمها من المدرسة فمعنى كده إيه 
هيام إن التزوير كان من جوه المدرسة!
حمدى الله ينور عليكى وفعلا اكتشفوا إن كل الشهادات إللي خرجت من المدرسة كان عليها نفس الختم وبالتحقيق مع الموظف المسؤول اعترف إنه ضيع الختم وخاف من التحقيق معاه فلجأ لفكره ذكيه وهيا إنه استخدم عمله عشر قروش بتاعة زمان كان في صوره العمله نسر يشبه الموجود في الختم فختم بيها شهادات الثانويه وبالضغط عليه أكد وإن لولا موضوع السفارة دى مكانش حد كشفه ولا حد كان اخد باله وإنه عملها قبل كده وعدت على خير.
حسناء حدوته حلوه بس واحنا مالنا.
حمدى صبرك علينا لسه الريع ساعة ماخلصتش.
المهم إن موضوع التزوير ده عمل ضجه كبيره والكل شك أن يمكن يكون مزور درحاتهم فإضطرت الإدارة إنها تعيد إمتحانات المدرسة كلها وللأسف الطالبه العبقرية جابت ٧٥٪ وبالتأكيد خسړت المنحة الدراسية وجالها إنهيار عصبى واتعالجت فتره عند دكتور نفسي المهم إن من سوء حظنا إن والدها كان محامى واعتبر أن إللي حصل لبنته قضيته الشخصية وبدأ يرفع قواضى كتير على الحكومه وعلى وزارة التربية والتعليم وعلى الإدارة التعليمية وعلى المدرسة ويمكن يكون رفع قضية ضد عم عبده البواب المهم إنه كان بيرفع قضايا على الكل وحمل الكل مسؤولية إللي حصل لبنته واستمرت القواضى في المحاكم مدة ١٥ سنه 
نيفين ياباله الطويل ١٥سنه بحالهم ده تلاقى بنته اتخرجت وإتجوزت وخلفت وأبوها لسه في المحاكم حمدى فعلا المهم أنه بعد ١٥ سنه اتحكم في القضية دى لصالحه وحصل على تعويض.
حسناء بملل برضوا مانعرفش واحنا إيه دخلنا في الموضوع 
حمدى دخلكم إنكم كنتوا الدفعه إللي ختم الموظف شهاداتهم بنفس العمله وماحدش اخد بالهم وفعلا إتأكدنا.
هيام طيب وإحنا مالنا.
حمدى احنا جمعناكم عشان تعرفوا إن الإدارة أعلنت إن شهادة الثانوية العامة بتاعتكم كلها بقت ملغيه لأنها كانت مزوره
حسناء مش مهم لان احنا معانا شهادات جامعية.
حمدى ماهو ده الظريف في الحكاية إن شهاداتكم الجامعيه وقفت لأن شهادات الثانويه وقفت.
شيماء يعنى إيه
حمدى بروقان أكتر. يعنى شهادة الجامعه وقفت لحين حل موضوع شهادة الثانوية وطبعا بما إن شهادة الجامعه وقفت فيعنى شغلكم كمان وقف لأن النقابات وقفت عضوياتكم بصوره مؤقته لحين حل موضوع شهادة الثانوية العامة.
هيام تقصد ايه
حمدى أقصد إن نقابة المحامين جمدت عضويتك فيها زى نقابة الأطباء والمعلمين وكل النقابات وقفوا عضوياتكم يعنى جنابكم ممنوع ممارسة اعمالكم لحين حل الأزمه.
هيام إنت أكيد إتجننت إنت عارف بتقول إيه 
تغيرت ملامح حمدى للجديه جدا وقال بنبرة صوت شرسه واضح إنك مش واخده بالك أنا مش محامى بيشتغل عندك أنا رئيس الشؤون القانونية في الاداره وأقدر احبسك پتهمة التعدى على موظف أثناء تأدية عمله بس مش هعملها مراعاة لحالتك بس.
شيماء بس يا هيام إحنا أسفين يا أستاذ بس إحنا دلوقتي المفروض نعمل ايه.
حمدى قدامكم حل من إتنين الأول إنكم ترفعوا قضيه إنتوا كمان وانتوا ونصيبكم تقعدوا عشر سنين خمستاشر يعنى إنتوا ونصيبكم أوتطلع لكم شهادات جديده تتختم بالختم الصح.
حسناء طيب مادام الحل سهل ليه ماطلعتوش شهادات جديده تكون مختومه بالختم الصح من الأول
حمدى بتسليه هنطلع شهادة على إيه فين الامتحانات والدرجات إللي على أساسها هنكتب الشهادة
هيام أصدك إن مافيش عندكم درجاتنا ولا إمتحاناتنا.
حمدى إنتوا أخدتم الثانويه من أكتر من عشرين سنة فأكيد مش هنحتفظ بأوراق إمتحاناتكم كل المده دى بتوع الطعميه كانوا هيزعلوا واحنا مش بنحب نزعل حد.
شيماء يعنى تقصد....
حمدى برافو عليكي إللي إنتى فهمتيه المفروض نعيد امتحاناتكم مره تانيه عشان تاخدوا الدرجات إللي هنكتبها في الشهادة
قامت سيده وقالت ثانيه واحده إنت جايبنا من بيتنا عشان تقول إن شهادة الثانوية بتاعتنا مزوره
حمدى آه
السيده واكيد شهادة الجامعة كمان مزورة أو وقفه مش مهم المهم إننا مش هنقدر نستخدمها
حمدى برافو عليكي
السيده طظ
حمدى پغضب بتقولى إيه
السيده بقول طظ ولا يفرق معايا أنا ست بيت وشهادة الثانويه زى الجامعه مالهاش أى لازمه عندى
فيبتسم حمدى بسماجه ويقول تصدقى حبيتك أكتر ومسامحك على الطظ دى بصوا يا هوانم أى واحده مش فارق معاها الشهاده زى الشاطره هنقدم لكم طلب وهيا هتكتب بياناتها وتيجى تقدموا ليا عشان أشطب اسمها وتتفضل ترجع مع خالص تقديرنا واعتذارنا على وقتها الثمين.
وفعلا تم توزيع الطلبات على كل الستات الموجوده وفعلا بعد شويه بدأت كل واحده تخلص طلبها تروح تقدمه للاستاذ حمدى وتمشي أما رحمه فملت الطلب ببيناتها لكن فيه حاجه كانت منعاها إنها تقدمه.
قامت واحده لابسه قصير وحاطه خمسة كيلو مكياج على وشها قدمت الطلب وقالت بمياعه اتفضل يا أستاذ
حمدى مين زيكا المزيكا بذات نفسها هنا
هناء زكيه المصديه بقوا يقولوا عليها زيكا
حمدى نجمة مصر الاستعراضية المتألقه معانا وأنا مأخدتش بالى
نيفين أربعة وواحد عليكى يا أبلتى
زيكا طول عمركوا غيرانين منى
حمدى سيبك منهم وتعالى نوثق اللحظه الحلوه دى لازم ناخد سيلفى بوز البطه.
هناء وريه بوز البطه ومخ النمله
زيكا رخمه إنتى وأختك بس برضو مش هعبركم تعالى يا أستاذ بالعند فيهم ناخد السيلفى
ومدت شفايفها وضمتهم في حين حمدى رفع المحمول وضم شفايفه زيها وأخد الصورة السيلفى
بعد ما مشيت زيكا نطقت اخيرا يارا بعد طول انتظار ممكن بقى ننتهى من حكاياتك اللذيذه دى وتركز معانا شويه.
حمدى بسخافه أوى أوى من عينيا إحنا وصلنا فين في حكايتى اللذيذه آه افتكرت كنت بقول قبل الطظ إن المفروض إنكوا تعيدوا امتحاناتكم مره تانيه 
يارا يعنى حضراتكوا هتعملوا لنا إمتحانات صوريه تدونا عليه أى درجات وبعدين تدونا الشهادة بتاعتنا
حمدى امتحانات آه صوريه لأ
يارا مش فاهمه إيه المطلوب فلو سمحت ممكن ماتضيعش وقتنا أكتر من كده
حمدى طب ممكن أعرف إنت إنتى مين الأول
يارا أنا يارا مهاب.
حمدى بإنبهار دكتوره يارا مهاب مش إنتى دكتوره في جامعة أوهايو الأمريكية وصاحبة الأبحاث العلمية الهامه فى مجال الكيمياء الحيويه
يارا أيوه.
حمدى لا ده أنا واقف قدام أسطورة لازم أخد معاكى صوره سيلفى.
وقبل ما يرفع الموبايل ردت يارا ومش عايزنى أعملك كمان بوز البطه فنزل الموبايل بعد ما حس بالإحراج.
هيام ممكن تركز معانا عشان أنا صدعت وياريت تجيب من الأخر
حمدى من الأخر ومن غير لف ودوران مطلوب منكم تعيدوا إمتحانات الثانويه العامه وبنفس الدرجات والنسبه المئويه إللي جيبتوها زمان
شيماء والامتحانات دى امتى 
حمدى أخر السنة
الدراسية وعليكى خير.
حسناء وليه مش دلوقتي
حمدي عشان مش فاضيين لجنابك نعمل لكم إمتحانات دلوقتى مخصوص ليكم إنتوا الخمسه وكمان ياترى إنت إنتى حاليا مستعده تمتحنى وتجيبى ٩٧٪عشان تخشى كلية الطب 
هيام بعصبية نعم إيه التخاريف دى.
حمدى أنا مش بخرف هيا دى الحقيقة يعنى كل واحده لازم تجيب المجموع إللي يدخلها نفس الجامعه إللي إتخرجت منها. وبعدين أنا مش عارف إنتى زعلانه ليه ده إنتى حقوق يعنى مش محتاجه أكتر من ٦٠٪ إللى تقلق الدكتورة حسناء إنتى عارفه الطب بياخد من كام
هيام ده أنا هروح فيكوا في داهيه ده أنا هرفع عليكوا قضية أبهدلكوا فيها إما قعدتكوا في بيوتكم مبقاش أنا.
حمدي حقك بس هترفعى القضية بصفتك إيه
هيام بصفتى الأستاذة هيام المحامية 
حمدى واضح إنك مش واخده بالك إنك إتعلق عضويتك في النقابه يعنى مش هتعرفى ترفعى القضيه وتبهدلينا للأسف إلا لما تمتحنى وتاخدى شهادتك المختومه أو إنك توكلى محامى تانى
ثانيه واحده الأستاذه إللي قاعدة بعيد دى مأخدتش بالى منها ممكن تقربى وتعرفينا إنتى مين
إلتفتت حسناء واتفاجأت إنها رحمه فقالت پغضب وإنتى قاعده تعملى إيه معانا.
رحمه وانتى مالك وبعدين أنا جالى جواب زيي زيك
حسناء زيي مين يا جاهله أنا دخلت كلية الطب وبقيت دكتوره
رحمه والله إحنا هنا عشان الثانويه محدش جاب سيره الجامعة
حمدى فعلا الأستاذه عندها حق
حسناء حق مين إنتى قاعدة ليه روحى لعكوه جوزك خليه يدبحلك عجل أحسن.
رحمه وبتقولى عليا أنا الجاهله يا متخلفه جوزى إللي مش عاجبك بيقولوا عليه دلوقتى رجل أعمال ناجح وفيه ناس بتسميه عقليه اقتصادية ناجحه يا متخلفه
حمدي لأ أعرف الأول إنتى مين وجوزك مين
رحمه أنا رحمه عبدالعزيز وجوزى يبقى رجل الأعمال سمير محمد.
حمدي مين سمير بتاع اللانشون يا خبر ابيض ده لانشون حكايه ده أنا بفطر بيه كل يوم وبعدين ده أسطورة
رحمه أهوه حتى الراجل الرخم المستفز عارف قيمته مش زيك مخك مخ عيال
حمدي ده أنا بتهزق
رحمه أنا بوصفك بسخافتك وتقل دمك ولا بتحسب إنت جايبنا نتفرج عليك وإنت بتعمل بوز البطه وعرف الديك
حسناء مانتى جايه تتسلى مش زينا مستقبلنا متهدد وتعب سنيين في الجامعه بس بقول لمين مانتى مادخلتيهاش لا تعرفى شكلها
رحمه مافرقش كتير وأدينا بعد عشرين سنة اتساوينا وشهادتنا الرسميه حالياالاعداديه إللي بارضوا جايبه أكتر منك فيها .
حسناء اعداديه إيه يا متخلفه دى مستواكى إنتى
حمدى والله كان نفسي أكمل فرجه على خناقتكم الممتعه دى بس بصراحه أنا صدعت ياريت بعد ماتخلصوا إللي هتقدم تمتحن معانا تيجى بكره برضوا الساعه ١٠ صباحا أسيبكوا تكملوا خناق
وقبل ما يكملوا سحبتهم يارا الاتنين من هدومهم بقوه قالت والله العظيم إللي هتتكلم فيكوا هخبطها بالبوكس في وشها تعالوا معايا نشوف حته هاديه نتكلم فيها بدل الفضايح إللي عاملنها هنا ومفرحين فينا الأخ الغلس ده يالا
حمدي الله يسامحك على فكره ويكمل في سره أنا سكت لهم ليه مش المفروض كنت إتخانقت معاهم.
فى ركن هادى أسفه كان هادى قبل مايتحول بسبب دخول الخمس زميلات فيه.
يارا بصوت عالي باااااااس صدعتونى هو إنتوا إيه مابتزهقوش.
حسناء مش أنا هيا السخيفة بتاعة عكوه دى
يارا لو على السخافة فمفيش أسخف منك بصراحه بقى لسه بتقولي عكوه ده إنتى ممله.
شيماء بصراحه هما الاتنين أسخف من بعض وعاملين زى العيال ماأعرفش
تابعووووووني