رواية زين الحلقه الرابعه والعشرون حتى الحلقه الثامنه والعشرون بقلم الكاتبه سحر فرج حصريه وجديده

ان مامتها بتنده عليها ودخلت للصاله بسرعه .
حسن بتوتر وقلق بص لعبير وقال .. خير يا عبير يا بنتى فى ايه وشوفتى مين خلاكى مش على بعضك كده .
أيه باستغراب بصت لاختها وقالت .. ما تنطقى يا بت انتى فى ايه وشوفتى ايه على الزفت الموبيل ده .
عبير بابتسامه ردت عليهم وقالت .. حزروا فزروا شوفت مين دلوقتى على الفيس 
امها بعصبيه بصتلها وقالت .. ما تنطقى يا بلوة انتى قلبى هايقف من الخضه .
عبير ردت وقالت .. ليل صورها ماليه الفيس بوك كله .. صور كتير اوى اشكال والوان وشكلها بقى حلو اوى اوى واييييه لابسه شويه فساتين روعه تهبل .
حسن اټصدم وجرى على عبير وشد الموبيل من ايديها وقال .. بتقولى ايه ليل ورينى هى فين بسرعه يا بنتى .
وبدأت عبير توريهم صور ليل اللى ماليه الفيس بوك كله وكان اكتر صورها مع المنتج يوسف الشريف وكاتبين بوست كبير مع الصور انها الوجه الجديد ليل احدث اكتشاف للمنتج الكبير .
هنا الكل اټصدم اول لما شافوا الصور بتاعه ليل واتفاجؤا بيها .
حسن پصدمه بصلهم وقال .. هى ليل فعلا بشحمها ولحمها .. بس إيه اللى هى عملاه فى نفسها ده .. ليه كده يا ليل يا بنتى .. ليه كده بس .
أيه خدت الموبيل من ايد ابوها هى وامها وشافوا صور ليل كلها واتفاجؤا هما كمان ومقدروش ينطقوا .
وشويه وحسن مسك موبيله ورن على سميحه هانم وبلغها باللى شافه وسميحه بلغته ان هما عرفوا بكده وشافوها فى التلفزيون وانصدموا وزين راح يشوفها هو وعمر ويجبها.
حسن بلغها ان اول لما النهار هيطلع هايجيب بعضه هو وأيه على طول ويجوا يطمنوا عليها .
وسميحه رحبت بيهم وقفلت معاه السكه بعد ما بلغته سلامها لام ايه والبنات .
أيه دخلت اوضتها ومسكت موبيلها واتصلت على خطيبها وبلغته بكل اللى حصل واڼصدم واستغرب ان ليل تعمل كده من اساسه.. وقفل معاها علشان يلحق يتصل بزين علشان يشوفه فين ويروحله بدل ما يتهور فى اى شىء ويعمل حاجه فى يوسف او حتى ليل .
زين كان لسه واقف بعربيته ومعاه عمر اخوه اودام فيلت يوسف والوقت كان بيعدى عليهم ببطء رهيب .
موبيل زين رن وكان حسام هو اللى بيتصل وزين كنسل مرة واتنين وفى التالته رد وقال بعصبيه .. ايوا يا حسام .
حسام حس من صوت صاحبه انه على اخره ومش طايق حد وعصبى جدا فرد وقال .. انت فين يا زين طمنى عليك .
زين بالعافيه رد وقال .. حسام اقفل دلوقتى وهافهمك كل حاجه بعدين علشان بس مش فاضى وقفل الموبيل من غير ما يسمع رد من حسام .
حسام بدأ يقلق على زين فقام وقف وغير لبسه بتاع المستشفى فى السريع وخد بعضه ونزل منها خالص وركب عربيته وافتكر لما أيه بلغته ان زين مش لوحده وان عمر اخوه معاه فامسك موبيله تانى وهو سايق ورن على عمر .. وعمر لما سمع رن موبيله وشاف اسم حسام على الشاشه رد وقال.. اهلا يا حسام.
حسام رد وقال.. قولى يا عمر انت وزين فين بالضبط انا جاى فى الطريق .
عمر رد وقال .. يا ابنى ملوش لزوم انك تيجى احنا شويه وهانرجع على الفيلا ملهاش لازمه قاعدتنا دى خالص اصلا . 
حسام رد وقال.. يا ابنى انت انطق انتم فين علشان اجلكم .
عمر خد نفس طويل وبلغ حسام انه هايبعت ليه اللوكيشن بتاع عنوان يوسف وقبل ما يقفل معاه عمر اتفاجأه بزين بيفتح باب العربيه وبيجرى منها باقصى سرعه و....................
يا ترى حصل ايه وتواقعتكم ايه .. وايه اللى هايحصل فى مواجهه زين باليل ويوسف اول لما يشوفهم.

الحلقة_27
حسام بدأ يقلق على زين فقام وقف وغير لبسه بتاع المستشفى فى السريع وخد بعضه ونزل منها خالص وركب عربيته وافتكر لما أيه بلغته ان زين مش لوحده وان عمر اخوه معاه فامسك موبيله تانى وهو سايق ورن على عمر .. وعمر لما سمع رن موبيله وشاف اسم حسام على الشاشه رد وقال.. اهلا يا حسام.
حسام رد وقال.. قولى يا عمر انت وزين فين بالضبط انا جاى فى الطريق .
عمر رد وقال .. يا ابنى ملوش لزوم انك تيجى احنا شويه وهانرجع على الفيلا ملهاش لازمه قاعدتنا دى خالص اصلا . 
حسام رد وقال.. يا ابنى انت انطق انتم فين علشان اجلكم .
عمر خد نفس طويل وبلغ حسام انه هايبعت ليه اللوكيشن بتاع عنوان يوسف وقبل ما يقفل معاه عمر اتفاجأه بزين بيفتح باب العربيه وبيجرى منها باقصى سرعه و.................... 
راح اتجاه عربيه يوسف اللى كانت وصلت ويادوبك بيركن فيها اودام باب الفيلا وزين اول لما شافه هو وليل فى العربيه وعمالين بيضحكوا اټجنن اكتر ونزل جرى من عربيته وراح ناحيتهم وعيونه بتطلع شرار .
عمر بسرعه قال لحسام اللى كان لسه معاه على التليفون .. اقفل بسرعه يا حسام يوسف وصل ومعاه ليل وشكل زين هايرتكب چريمه النهارده وبمنظره ده جايز ېقتل يوسف كمال ويخليه كفته .. تعال بسرعه يا حسام ارجوك علشان نوقف الچريمه دى .
وقفل الموبيل ونزل جرى هو كمان من العربيه وراح ناحيه عربيه يوسف علشان يلحق اخوه قبل ما يتهور وېموت يوسف .
زين بكل عصبيه وڠضب قرب من الباب بتاع يوسف اللى اتفاجأه بزين وهو بيفتح الباب وشد يوسف من العربيه واداله حته بوكس فظييييع وقعه فى الارض .. ومد ايده ورفعه وضربه بوكس تانى اشد .. عمر جرى عليهم و حاول يبعد زين عن يوسف بس للاسف زين مسك يوسف من جاكيت البدله بتاعته وفضل يضرب فيه لكمات متتاليه .. ويوسف بقى يرد الضړب لزين هو كمان فى وشه .. وليل من الصدمه ومن اللى شيفاه اودام عنيها بيحصل بسرعه نزلت من العربيه وهى بتصرخ وبتحاول تبعد زين عن يوسف اللى بقى غرقان فى دمه .. بس زين اول لما شافها بتعمل كده وبتحاول تحوش عن يوسف وبتحميه زقها لبعيد وكانت هاتقع على الارض من شده الزقه لولا عمر مسكها وسندها .
فضلوا يضربوا فى بعض هما الاتنين وزين بيشتم فيه وهو بيقول .. يا حيوااااان يااا قذر يا زباااله .. ازاى تعمل كده .. ازاى تعرف مكانها وتجيبها عندك وتهبب فيها اللى انا شوفته ده والعالم كله زمانه شافه من غير ما تقولى ..
كنت فاكرك راجل لكن بعد اللى انت عملته ده عرفت انك انسان قذر .. انا هاموتك يا يوسف .. انا هاموتك وهاشرب من دمك .
انا جيتلك هنا وقولتلك لو عرفت عنها اى حاجه ابقى بلغنى .. مكنتش اعرف انك انسان واطى كده .. مكنتش اعرف انك هاتنتهز الفرصه وتشغلها فى وسط زى ده وانا وانت عارفين الوسط ده كويس اوى بيحصل فيه ايه يا حيوان يا زباله 
ليل اټصدمت و بعلو صوتها وبكل عصبيه بصتله وقالت