رواية ما بين الحب والحرمان الفصل السادس والسابع والثامن والتاسع والعاشر بقلم ولاء رفعت حصريه وجديده

قساوته.
أومأت لها بصمت مما جعل الأخري تسألها دون خجل 
- ألا قولي لي يا ليلة هو أنتي و معتصم خلاص
قطبت حاجبيها بإستفهام 
- خلاص أي
أخبرتها بهمس لايسمعه سواها بما تقصده من سؤالها شهقت ليلة و وبختها 
- أي اللي بتقوليه ده يا هدي عيب.
غرت الأخري فاهها و قالت 
- ېخرب عقلك هو أنتي و هو لسه! يا نهارك أزرق أنتي كده ناوية علي خړاب بيتك و ياسلام لو الحيزبون حماتك شمت خبر بحاجة زي كده دي ممكن تخليه يدخل عليكي بلدي.
أنتفضت بفزع و قالت برفض تام 
- إستحالة ده يحصل و بعدين هاتعرف منين هو و انا متفقين نتعود علي بعض الأول و بعد كده ممكن يحصل اللي هو عايزه.
كانت في الخارج من تسترق السمع علي حديثهما و حين التقطت الخبر المبين أتسع فمها بإبتسامة شيطانية الأمور تسير تماما كما تخطط هبطت إلي اسفل قبل أن يراها أحد تتمتم في نفسها 
- بركاتك يا شيخنا و بركات الأسياد.
و بالعودة إلي هدي و ليلة التي تخبرها 
- هدي لو سمحت دي حياتي أنا و أنا حرة فيها و ريحي دماغك هو ما أعترضش علي حاجة.
- و هو يا خايبة عشان موافقك علي موضوع زي كده تقومي تسوقي فيها! و الله اللي أنا شيفاه أن الراجل بيحبك و اشتراكي بالغالي و مادام مطوعك في حاجة زي كده يبقي ابن اصول و بيحبك و مش عايز يغصبك علي حاجة طب تصدقي بالله ده أنا عمري ما أنسي حبشي أخوكي يوم ډخلتنا لسه برفع وشي و أبص له راح رزعني الكف و وراه يجي عشرة و في الأخر حصل اللي حصل و لما جيت سألته ليه ضړبتني قالي هو لازم يفرض سيطرته من اول ليلة بالبلدي كده يدبح لي القطة تخيلي لو قولته له ما تقربش مني لما نتعود كان زمانه روحني لابويا بالفستان و معايا ورقتي.
رمقتها ليلة بإمتعاض و عقبت علي حديثها بسخط  
- و مالك فخورة بنفسك ليه كده دي إهانة ليك و لكرامتك عشان كده كنت بستغرب كل ما تتخانقو و يديكي علقة مۏت تروحي تغضبي يوم و ترجعي علي طول.
ردت الأخري بسلبية تامة 
- أعمل أي يا ليلة بحبه أوي رغم عيوبه و بخله اللي محدش يستحمله أبدا.
هزت رأسها بسأم و قالت 
- ربنا يهديه ليك.
و بالأسفل تجلس عايدة علي الأريكة و تنظر نحو الفراغ دلف زوجها من الباب و تعجب لعدم رؤيتها له أو حتي لاحظت وجوده تحمحم و سألها 
- اللي شاغل بالك
لم ترد حتي قڈفها بعلبة السچائر في وجهها حينها أنتبهت بفزع و صاحت به 
- في أي يا جلال مالك أتجننت و لا ايه !
ضحك و قال 
- داخل من بدري و غيرت هدومي و لاقيكي من وقتها سرحانه أي اللي واكل عقلك كده و لا بتخططي لأي
نهضت و أقتربت منه و بنظرة غامضة رمقته و قالت 
- و انا كنت بلم الغسيل من فوق السطوح ونزلت سمعت صوت واحده عند ليلة و معتصم اتاريها مرات أخوها و بيني و بينك أنا ما بطيقش الوليه دي بس اللي سمعته شدني و مش عارفه أخوك ساكت علي مراته دي إزاي.
نظر بإستفهام 
- ساكت عليها في أي مش فاهم
أجابت بفرح و شماته 
- أخوك الأهبل البت مش راضيه تخليه يجي جمبها يعني هي لسه بنت بنوت لحد دلوقت بقالهم اسبوع.
فقال الأخر بحسن نية 
- يا شيخة أتقي الله ممكن سمعتي غلط و لا هم بيحكو عن حد و افتكرتي الكلام يخصها هي و اخويا.
عقدت ساعديها أمام صدرها و قالت 
- طيب يا جلال أي رأيك بقي ليك ورقه ب 200 جنيه من عندي لو طلع كلامي صح و أسأل أخوك كده بس من غير طريقة مباشرة و لو طلع كلامي صح لأخليك تجيب لي كل اللي نفسي فيه.
ضحك بتحدي و قال 
- موافق!
جاء يوم أخر و ليس بجديد سوي أن يغادر معتصم المنزل و يذهب للجلوس علي المقهي برفقة أصدقائه و ليلة تمكث في المنزل تتابع التنسيق و قامت بملئ إستمارة الرغبات الألكترونية و تدعو ربها بأن تأتي لها الكلية التي ترغب بها.
علي حين غرة وجدت باب الشقة يفتح و ظهرت أمامها عايدة و ترمقها بإزدراء 
- بقالك أكتر من أسبوعين عملالنا برنسيسة و قولنا نعديها عشان أنك عروسه لكن هتسوقي فيها و ماتجيش تعملي معانا حاجة ده بقي اللي مش هانعديه.
تركت ليلة هاتفها علي المنضدة و نهضت تقف في وجهها مباشرة 
- في أي يا عايدة أنا عملت لك أي عشان تكلميني كده! و حاجة أي اللي أعملها معاكم!
- صحصحي يا حبيبتي و شوفي أنتي ساكنه في بيت عيله يعني المفروض تنزلي تخدمي حماتك و تشوفي طلباتها من غير ما تقولك.
صاحت الأخري 
- و مين قال الهبل اللي ذكرتيه ده كله أنا لو نزلت و ساعدت حماتي ده بيبقي زوق مني مش فرض عليا و بعدين لو أنت بتعملي كل حاجة ده شئ طبيعي عشان أنتي عايشه معاها في نفس الشقة و علي كل حال أنا هانزل و أطمن علي خالتي نفيسة بنفسي و اشوفها لو محتاجه حاجه و مش عشان كلامك عشان انا بنت اصول و متربية.
تركتها بمفردها و ذهبت لتبدل ثيابها و ذهبت إلي الأسفل فوجدت والدة زوجها تعاملها بحدة و تلقي بعض الكلمات التي تحمل أكثر من معني لعل الأخري تدركها مما جعل ليلة ټندم علي نزولها و مساعدة هؤلاء.
أنتهت من إعداد الطعام و من قبله قامت بجلي الصحون و ترتيب الشقة و كل شئ. 
و لدي وقت الإفطار همت بالذهاب فأوقفتها نفيسة قائلة 
- رايحة فين جوزك كلمني و طالع دلوقتي عشان نفطر كلنا.
كانت تشعر بالإرهاق و التعب  
- معلش يا خالتي هاطلع أنا هاريح شويه و هابقي أفطر بعدين.
صاحت الأخري بحدة 
- جري أي يابت هو أنا عشان بعاملك بما يرضي الله هاتشوفي نفسك علينا و لا أي! و لعلمك الفطار و السحور من النهارده كل يوم هنا عندي و بعد كل ده أطلعي علي شقتك.
كادت ليلة تطلق لسانها لكنها أكتفت بالصمت فهي قد تعلمت من الموقف الفائت لكن دون أن تنصاع لأوامر تلك السيدة المتسلطة فغادرت بلا تردد و صعدت إلي منزلها لا تعلم أن ما فعلته جعل والدة زوجها تستشيط غيظا بل و أثار ڠضبها توعدت لها بالإنتقام.
عاد معتصم من الخارج إلي منزل والدته كما أخبرته هي بأن يأتي ليتناول الفطور لديها وجد المنضدة مليئة بالطعام الشهي لكن لم يجلس حول المائدة أحد و وصل إليه صوت بكاء والدته 
- و الله يا عايدة و ما ليك عليا حلفان لسه كنت بقولها أقعدي عشان تفطري و جوزك زمانه طالع من تحت راحت هبت فيا و فضلت تزعق و أخرتها قامت زقتني في كتفي جامد لما حسيت أن كتفي أتخلع.
لاحظت عايدة وجود معتصم دون أن ترفع عيناها لكنها تصنعت الحزن و ربتت علي كتف حماتها برغم